Lucas 8

Würiña ha eseriwidubaña lun Hesusu

1 Lárigiñe katei le, ñǘdünti Hesusu lidoun saragu uburugu luma burí lirahüñü fulasu íchigei uganu buiti luagu larúeihan Bungiu. 2 Ñǘdüntiña duusu disipulugu luma, hama würiña ha lareidaguagüdübaña hádangiñe sífirigu wuribatiña luma sandi. Ñeinñoun María to gíriboun Mágüdalena hadan, to ídangiñeboun háfurida sedü sífirigu wuribatiña; 3 ñeinñoun giñe Huana, to lúmari Kusa, le óunigirubárun luban Erodesi, ñeinñoun Susana, hámaya saragu amu ha íderagubaliña lau le hámati.