1 Aba líchugun urúei Asueru wadagimanu dereti houn lílana sun fulasu dandu ha múarugubaña, kei ha lóubawagubaña ubouhu. 2 Sun le ladügübei urúei Asueru lau gumadi luma ubafu, dandu luáguti ubaraü íñuti le líchugubei lun Marüdokéu, anihein bürüwañu tidan líburu to ñein lubéi labürüdǘwa sun le asuseredubei lidan arúeihani Médiana luma Pérüsiana. 3 Marüdokéu le huríu ligía bugaha furumiñetibei lárigiñe urúei; aba bugaha gürigia wéiriguti ligía hadan huríu hínsiñeguti hadan huríu líledigu, ladüga áluaha lumuti buiti lun lageira áfaagua ligía hawagu lirasan.