1 Sɛ ɛmɔ nu bie ne oliema nya edwirɛ a, nzuati yeɛ ɔfa ye kɔ kɔɔto, wɔ bɛ bɔ bɛndengyɛ ne nyunu, na ɔmva ye ngɔ akrongronfoɛ ne nyunu ɔ? 2 Anaa ɛmɔnze kyɛ akrongronfoɛ nemɔ yeɛ bɛkobu wiase ne atɛn ɔ? Na sɛ ɛmɔ yeɛ ɛmɔkobu wiase né atɛn a, edwirɛ mmaa-mmaa hemɔ yeɛ ɛmɔngora ye di ɔ? 3 Anaa ɛmɔnze kyɛ, yɛ yeɛ yɛkobu abɔfo atɛn ɔ? Ye de, nzuati yeɛ yɛngora yɛnni asetena nu dwirɛ ɔ? 4 Na sɛ ɛmɔnya asetena nu dwirɛ bie a, mmenia bɔ asafo ne mmu bɛ ne, bɛ yeɛ ɛmɔfa bɛkɔ bɛ berɛ kyɛ bɛli ɔ? 5 Ɛhe de, meka maa ɛmɔ fɛle. Yeti nyanzaniɛ komapɛ po nne ɛmɔ nu bɔ ɔkɔhora kosiesie aliemaa mɔ afia dwirɛ ɔ?