1 Timóteo 3

1 Edwirɛ he te nahorɛ, sɛ ebie pena kyɛ ɔyɛ panyi*3:1 Anaa "Ɔyɛ nneafoɛ" a, ne wafa adwuma pa. 2 Yeti, odikyɛ ɔyɛ ebie bɔ edwirɛ nne ye nwo, sɛ wagya a, ɔye kõ, ɔnyɛ ye nikye ma ɔmmo so, ye adwene nu la berɛ, ɔyɛ ye nikye biala pɛpɛɛpɛ, odɛ́ mmenia wɔfoɛ, ɔkora kyirekyire, 3 ɔtte kɔwenzaniɛ, ɔnyɛ basabasa, mmom ɔte edwirɛ bo, onguro ngondii, ye nye mmoro sikaa, 4 ɔte ebie bɔ ɔnea ye awuro so yé, ye mmaa nye la ase na bɛbrɛ bɛ nwo ase bɛma ye. 5 (Sɛ ebie ngora nni ye awuro so a, ɔkɔyɛ sɛɛ né wahora wanea Nyameɛ asafo so?) 6 Ɔnzɛ kyɛ ɔyɛ ebie bɔ ɔte foforɛ wɔ gyidie nanu, ofikyɛ annea a né wama ye nwo so maa wanya Abɔnzam atemmuo ne bie. 7 Afei koso, odikyɛ bɛ bɔ benne asafo nanu ne bɔ ye dumaa pa,*3:7 Anaa "Di ye nwo adanzeɛ pa" na ye nyunu angua ase ma wandɔ Abɔnzam ngaen nu.