Mateus 24

3 Na ɔte Olive Bokaa naso ne, ye asuafoɛ nemɔ wale ye berɛ kodɛɛ, na bɛha bɛhyirele ye kyɛ: "Ka kyire yɛ, mmerɛ beni yeɛ ɛhemɔ kosi ɔ, na nzu yeɛ ɔkɔyɛ wɔ walɛ ne, ɔne wiase ne awieɛ nanwo nzɛngyerɛneɛ ɔ?" 4 Yesu ha hyirele bɛ kyɛ: "Ɛmɔnea yé, na ebiala anlaka-laka ɛmɔ. 5 Ofikyɛ mmeni pee kɔfa me dumaa kɔwa kɔɔha kyɛ, ‘Me yeɛ nne Kristo ne,’ na bɛkɔlaka-laka mmeni pee. 6 Ɛmɔ kɔte koɛ ne koɛ nwo amaneɛbɔ,*24:6 Anaa "Dwirɛ." nakoso, nnɛmɔ maa ɛmɔ kunu tete ɛmɔ. Odikyɛ nningyein hemɔ sisi, nakoso né awieɛ ne nya walle.