MATEO 25

35 Ofikyɛ ɛhɔen huni me ne, ɛmɔ mane me aleɛ, nzuhɔen huni me ne, ɛmɔ mane me nzue, nyɛle ɛwɔfoɛ ne, ɛmɔlɛle me kama, 36 mmerɛ bɔ me nwo la so ne, ɛmɔ wurale me atadeɛ, mvokyɛle ne, ɛmɔ wale bɛɛneane me, ná nna prizin ne, ɛmɔ wale bɛɛsrale me.’

37 "Yeɛ ateneneefoɛ nemɔ kobisa ye kyɛ, ‘Awurade, mmerɛ beni yeɛ yɛnwuni kyɛ ne ɛhɔen ku wɔ, bɔ yɛmane wɔ aleɛ maa ɛlili, anaa nzuhɔen ku wɔ, bɔ yɛmane wɔ nzue maa ɛnone ɔ? 38 Mmerɛ beni yeɛ yɛnwuni kyɛ ɛte wɔfoɛ bɔ yɛfale wɔ yɛhɔle awuro, anaa wɔ nwo la so bɔ yɛwurale wɔ atadeɛ ɔ? 39 Na mmerɛ beni yeɛ né afokyɛ anaa ɛla prizin bɔ yɛɛneane wɔ ɔ?’ 40 Na Ɔhene ne kɔha kohyire bɛ kyɛ, ‘Nahorɛ meka mekyire ɛmɔ kyɛ, mmerɛ bɔ ɛmɔyɛ bɛmane nniema mmaa-mmaa he anu kõ ne, ɛmɔyɛ bɛmane me.’