19 Umwanakazi kale ataba buti, "Umfumwangu, nila boni buti uli muboni." 20 "Basukuzetu kaba ku mbililanga Nyambe aleli ilundu, kono inwe amajuda buti mutyo, Jelusalema ceci cibaka cijelele uku kumbililwa."
21 Jesu kale amutaba buti, "Mwanakazi uni zumine, inako jila keza aa tana mulapele Tata aleli ilundu kampa mwa Jelusalema. 22 Inwe mwe Masamaliya mwasa kumbila ici ta mu zekelele, kono iswe Amajuda tulizi uju tukumbila, uku jojeswa ku Majuda kuzwa. 23 Inako jila keza mi naja sika abalapeli bo conse aa naba kumbile Nyambe mu Moya ne cote, ukuti go mufuta go balapeli Nyambe aba shaka. 24 Nyambe ni Moya, mi abalapeli bakwe bali jelele uku lapela ko Moya ne cote."
25 Umwanakazi kale atyo kwakwe, "Ni lizekelele buti Mesiya (uju akugigwa Kelesite) ala keza, aa nakeze kuti natu sunde ibintu byonse.
26 Jesu kale atyo kwakwe buti, "Nime ije, uju agambagula negwe."