2 Pédro̱ 3

11 Xkuaꞌnii ma̱mbáa mbá xúgíí rí ríga̱. Ikhaa numuu rúꞌkhue̱n, ikháanꞌlaꞌ jaꞌyoo rí ma̱juwalaꞌ xómá rí nandoo Ana̱ꞌlóꞌ jamí rí mu̱xna̱xí-mijnálaꞌ mbá jayu ná ñawúu̱n, 12 awúun máꞌ rí guáꞌthi̱ínlaꞌ jamí rí juwalaꞌ xawi rí ma̱ga̱nú mbiꞌi rí Ana̱ꞌlóꞌ maxúdaa awan ga̱jma̱á numúú xa̱bo̱. Mbiꞌi máꞌ rúꞌkhue̱n mi̱kha mbá xúgíí mikhu jamí ma̱mbáa ne̱, xúꞌkhue̱n máꞌ rí ríga̱ ná inuu ju̱ba̱ꞌ ma̱ꞌne-iya̱a ne̱ mbá jayu gáꞌne agu.