Xa̱bo̱ ebréo̱ 11:13,39

13 Mbá xúgíin xa̱bo̱ tsíge̱ꞌ ni̱we̱je̱ a̱kuíi̱n ná inuu Ana̱ꞌlóꞌ, jamí xkuaꞌnii asndo nijáñúu̱, jamí túdri̱guíi̱ rí nixuda-mina̱ꞌ Ana̱ꞌlóꞌ rí ma̱janúu̱. I̱ndo̱ó máꞌ numuu rí ni̱we̱je̱ a̱kuíi̱n ná inuu Ana̱ꞌlóꞌ ikhaa jngó asndo nákhí máꞌ tsíngua̱ꞌ ndiyáa̱ ne̱ jamí ni̱ya̱xíi̱ ne̱. A̱ꞌkhue̱n nithee̱n rí ra̱ꞌkhá xuajñúu̱ ñajuun numbaa ríge̱ꞌ, rí xa̱bo̱ tsí nagóó-ranújngúún ñajúu̱n.

39 Mbá xúgíin xa̱bo̱ tsúꞌkhue̱n, túdri̱guíi̱ rí nixuda-mina̱ꞌ Ana̱ꞌlóꞌ, maske máꞌ phú ni̱ni̱gu̱u̱ꞌ Ana̱ꞌlóꞌ nini̱i̱ ga̱jma̱á numuu rí ni̱we̱je̱ a̱kuíi̱n ná inuu̱.