27 Na̱tha̱nꞌ-jmbalaꞌ rí mbá tikhuun tsí gachúún ge̱jyoꞌ xúge̱ꞌ, ma̱xájáñúu̱ asndo gúyáa̱ rí Ana̱ꞌlóꞌ naꞌthán-ñájuun mbá xúgíí».
Neꞌne mbrúthiin mbá jayu Jesús
28 Ído̱ ninújngoo mbá migiñu wáa mbiꞌi rí niꞌthán Jesús ajngáa rúꞌkhue̱n, a̱ꞌkhue̱n nitsimuu̱ inuu júba̱ gáꞌthán-jáñuu̱ Ana̱ꞌlóꞌ. Ni̱ke̱e̱ ga̱jmáa̱ Pédro̱, Juáán, jamí Santiágo̱.9.28 Ná i̱yi̱i̱ꞌ griégo̱ rí wayuu naꞌthán «Jakóbo̱», rí nithán «Santiágo̱» ná ajngáa xtílo̱o̱. 29 Awúun máꞌ rí naꞌthán-jáñuu̱ Ana̱ꞌlóꞌ, neꞌne mbrúthun inuu̱. Xómáꞌ xtíñuu̱ neꞌne miꞌxá mbá jayu jamí phú gakhe̱ nambiꞌi-taꞌa ne̱. 30 A̱ꞌkhue̱n nikujmii a̱jmi̱i xa̱bo̱ buanuu tsí nu̱ndxákuun ga̱jma̱á nindxu̱u̱. Ikhiin tsúꞌkhue̱n ñajúún Moisés ga̱jma̱á Elía̱s. 31 Maphú nambiꞌi-taꞌiin máꞌ xa̱bo̱ buanuu tsúꞌkhue̱n mangiin, jamí nuthan-mijnée̱ ga̱jma̱á numuu mbiꞌi rí ma̱ja̱ñúu Jesús ná Jerusalén.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)