Márko̱s 5

22 Awúun máꞌ rúꞌkhue̱n ni̱ꞌkha̱ mbáa xa̱bo̱ tsí mbiꞌyuu Jáiro̱, tsí ñajuun xa̱bo̱ ede̱ ná awúun guꞌwá rí na̱gi̱mbíin xa̱bo̱ judío̱. Ído̱ ndiꞌyoo̱ Jesús, ni̱ke̱e̱ gásmáti̱go̱o̱ ná wéje̱, 23 jamí phú naꞌthán-jáñuu̱ xáꞌnii: «Táta̱, na̱tha̱n-jáñaaꞌ rí aya̱ guꞌwáá, ataxkrámaa tháan a̱ꞌdéꞌ tsí dxáꞌgú, numuu rí inu na̱ka̱ xu̱u̱ꞌ kri̱ga̱a̱. Kajngó ma̱ꞌni̱i a̱kuii̱n, jamí ma̱xtáa̱ xóó».

24 A̱ꞌkhue̱n ni̱ka̱ Jesús ga̱jma̱á Jáiro̱. Jamí phú mbaꞌiin xa̱bo̱ nigóó tsu̱du̱u̱, asndo nitarmatsíi̱ ene̱ xa̱bo̱.