Pular para o conteúdo
Publicidade

Gênesis 29

Yaaq’ub dayisiysqa Lavanısqa qarayle

1 Yaaq’ub ayk’anna şargılyne milletbışde cigabışeeqa. 2 Çoleeab mang’uk’le sa kahrız g’ooce. Mançine k’anya’ad xhebılle vəq’əbışin syuru g’alitxhu eyxhe. Vəq’əbışis mane kahrızeençe xhyan hele ıxha. Kahrızne ghalelib xəbna g’aye vooxhe. 3 Gırgın vəq’əbı maqa sadıyng’a, çobanaaşe kahrızne ghalelyna g’aye qavaak’anav’u vəq’əbışis ats’esın xhyanbı huvu, g’aye giviyxhe vuxhana çine cigalqa kahrızne ghalilqa.

4 Yaaq’ubee manbışike qiyghanan:

– Çocar, şu nençenbıne vob?

Manbışe eyhen:

– Şi Xaraneençenbı vob.

5 Yaaq’ubee manbışik’le eyhen:

– Naxorna neva Lavan ats’anane?

Manbışe eyhen:

– Ats’ana.

6 Yaaq’ubee manbışike qiyghanan:

– Mana yugrayee?

Manbışe eyhen:

– Ho’o, yugra vor. Haaşe, mang’una yiş Raahile cune vəq’əbışika qöövur.

7 Yaaq’ubee eyhen:

– Verığ axtıvaleevub, vəq’əbı sa’ana vaxt vuxha deşub. Vəq’əbışis xhyan huvu, uxhiyxhanas ıkkee.

8 Manbışe eyhen:

– Çobanaaşe gırgın vəq’əbı sacigeeqa sidi’ı, g’aye kahrızne ghalele qavaak’an hidyav’u, man ha’as ixhes deş. Man gırgın hı’iyle qiyğa şasse xhyan heles əxə.

9 Yaaq’ub manbışika yuşana’ang’a, Raahilee dekkın vəq’əbı qadayle. Raahileyib çobaniyvallaniy haa’a. 10 Yaaq’ubık’le dayisiy Lavanna yiş Raahileyiy con vəq’əbı g’acesse, mang’vee ark’ın g’aye qavaak’anav’u dayisiyne vəq’əbışis xhyan hele. 11 Qiyğa Yaaq’ubee Raahileys ubba hı’ı axtıra geşşe giyğal. 12 Mang’vee Raahileyk’le dekkıne ebanbışikena Rivq’ayna dix ıxhay eyhe. Raahilee g’adeexhvan ark’ın man dekkıs yuşan ha’a.

13 Lavanık’le yiçeyna dix arıva g’ayxhımee, g’adayxhvan ögilqa qığeç’e. Mana xhılibışeeqa sı’ı, ubba hı’ı cune xaaqa qıkkekka. Yaaq’ubee gırgın kar Lavanıs yuşan ha’an.

14 Lavanee mang’uk’le eyhen:

– Ğu hək’erar yizde ebanavur.

Yaaq’ubın Leaykayiy Raahileyka davatbı hı’iy

Yaaq’ub manbışəəng’ə sa vazna axuyle qiyğa, 15 Lavanee mang’uk’le eyhen:

– Nya’a, ğu yizda ebanava, ğu zas q’ərabne iş haa’as? Zak’le eyhelan yiğna hək' hucoone vuxhes?

16 Lavanıqa q’öyre yişniy vor: xərıng’ı’n do Leaniy, k’ıning’ı’nıd Raahileniy vod. 17 Leayne uleppışik’le torandaniy g’ece, Raahileme ul gyuvxhasda, xhyan ittuna içiy yixha. 18 Yaaq’ubıs Raahile yikkiykınil-alla eyhen:

– K’ınne yiş Raahileynimee zı vas yighılle senna iş g’ooce.

19 Lavanee eyhen:

– Mana vas hiyvee, merne insanıs hiyvuyle, nimeexheyid yugda eyhe. Ğu şing’əəcar axve.

20 Yaaq’ubee Raahilel-alla yighılle senna iş haa’a. Mana yikkiykinil-alla mana vaxt mang’une ulesqa sa-q’ölle yiğ xhinne qavayle.

21 Yaaq’ubee Lavanık’le eyhen:

– Vaxt g’abına, həşde yizda xhunaşşe zasqa qiyeele, məng’ı’ka ixhes.

22 Lavanee mane cigabışin gırgın insanar sav’u otxhun-ulyodğuy hele. 23 Xəmder Raahileyne cigee akkeehe Yaaq’ubne k’anyaqa. Yaaq’ub məng’ı’ka g’ılexhana. 24 (Lavanee cuna nukar Zilypan Leays g’ulluxçiy xhinne heele.) 25 Yaaq’ubık’le mana yixhay miç’eed ats’axhe!

Mang’vee Lavanık’le eyhen:

– Nya’a ğu zak məxdun kar hı’ı? Zı Raahileyneme dişde vas iş g’avcu? Nişil-allane ğu zas horbı hı’ı?

26 Lavanee eyhen:

– Yişde ine cigee k’ınna yiş xərıng’ı’le ögee adamiys heelen ədat deşin. 27 İn ülycüm bıkıre’e, Raahiler vas hiyles. Məng’ı’nimeeyir ğu yighılle senna yizde k’ane iş haa’as vukkan.

28 Yaaq’ubee həməxüdıd ha’an: man ülycüm bıkıra’an. Lavaneeyir Raahile mang’us xhunaşşe yixhecenva heelena. 29 (Cuna nukar Bilyhanır, Raahileys g’ulluxçiy xhinne hiyvu.) 30 Yaaq’ub Raahileykar g’ılexhana. Raahile mang’us Leayle geer yikkiykan. Mana Lavanne k’ane sa yighılle sennar höörəxəna.

Yaaq’ubın uşaxar

31 Rəbbik’le deykan g’aycumee, məng’ı’s uşaxar uxooxas vəvxı’y hele. Raahileyssemee vuxhne eexvas yeexə deşdiy. 32  vuxhne ayxu sa dix uxu. Mang’un do Ruven (ilyaake, dix!) gixhxhı eyhen:

– Rəbbik’le zı höödəxən g’acuyn. Həşde zı yizde adamiys yikkiykanasda.

33 Mana meer vuxhne eexva. Sayir dix uxu eyhen:

– Rəbbik’le zı deykan yixhay g’ayxhı, inar huvuna.

Mang’unud do Şimon (Mang’uk’le g’ayxhiyn) giyxhe.

34 Lea xhebır’es vuxhne ayxu dix uxu eyhen:

– Zı mang’us xhebiyre dix uxuva, ine yəqqə adamiy zaka ixhes, zak at’iq’anasda.

Mançil-allad mang’un do (at’iq’anasda) giyxhe. 35 Yoq’ur’es mana vuxhne ayxu meer dix uxu, eyhen:

– İne yəqqə zı Rəbb axtı qa’as.

Mançil-allad mang’un do Yahud (axtı qa’as) giyxhe. Mançile qiyğa məng’ee sabara gahna uxooxa deş.

Pessoa
H3812
Lia
לֵאָ֔הleah
Lia, filha mais velha de Labão, foi dada a Jacó no lugar de Raquel e lhe deu seis filhos, entre eles Rúben, Levi e Judá, e a filha Diná (Gênesis 29:23).
Significado: “Vaca selvagem, trabalhadora”
Ver página completa
Pessoa
H3812
Lia
לֵאָ֔הleah
Lia, filha mais velha de Labão, foi dada a Jacó no lugar de Raquel e lhe deu seis filhos, entre eles Rúben, Levi e Judá, e a filha Diná (Gênesis 29:23).
Significado: “Vaca selvagem, trabalhadora”
Ver página completa
Pessoa
H3812
Lia
לֵאָ֔הleah
Lia, filha mais velha de Labão, foi dada a Jacó no lugar de Raquel e lhe deu seis filhos, entre eles Rúben, Levi e Judá, e a filha Diná (Gênesis 29:23).
Significado: “Vaca selvagem, trabalhadora”
Ver página completa
Pessoa
H3812
Lia
לֵאָ֔הleah
Lia, filha mais velha de Labão, foi dada a Jacó no lugar de Raquel e lhe deu seis filhos, entre eles Rúben, Levi e Judá, e a filha Diná (Gênesis 29:23).
Significado: “Vaca selvagem, trabalhadora”
Ver página completa
Pessoa
Tribo de Levi
Levi
לֵוִֽיleviΛευιLevi
Levi, terceiro filho de Jacó e Lia, vingou com Simeão a violação da irmã Diná em Siquém; seus descendentes, os levitas, foram separados para o serviço do santuário (Gênesis 34:25).
Significado: “Unido, ligado”
Ver página completa
Todos os capítulos de Gênesis 50
  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31
  32. 32
  33. 33
  34. 34
  35. 35
  36. 36
  37. 37
  38. 38
  39. 39
  40. 40
  41. 41
  42. 42
  43. 43
  44. 44
  45. 45
  46. 46
  47. 47
  48. 48
  49. 49
  50. 50

Estes versículos te tocaram? Ore agora!

+581 estão orando agora.

Junte-se à corrente de oração.