Matwala ma Yisu huni mali mu umata?
27 Bo baabwefutaha hu musyenge a Yeruselemi. Bu Yisu haakayene na uya mu nzo a Nzambi, bakuutu ba bangaanga ba Nzambi na milongisi mi Mikele na mikukunyungu baayamono nde. 28 Bo baafuuli nde: «Mu ki matwala we ubaasa mavaanga mo maniima? Na ava we lituma bibaayaka uvaanga mo?» 29 Yisu akaali bo: «Me upa benu hyuhu ndulu imosi; futalaani me mvutu, mana me ndeele benu mu ki lituma me ndi mu utsa mavaanga mo maniima. 30 Tondihili a Yowani hu yulu yaamata vo huli baatu? Vaani me mvutu.» 31 Bo baakakaakana ŋa hati la bo: «Tso bisu a benu likaali ti: "hu yulu yaamata", nde ufuula bisu a benu: "Mu hima benu laavelisiila Yowani imiinu?" 32 Ka bisu a benu utwala uleele: "Huli baatu laamata"?» Bo baaba na boomo bwa koonge a baatu, mu tooni ati, boosi baakatsima ti Yowani ni mumbihuli wa mbuli. 33 Buuna, bo baafutili huli Yisu: «Bisu a liyaabi ve.» Yisu akaali bo: «Me kaka a undeele benu mu ki lituma me ndi mu utsa mavaanga mo maniima ve.»