Yisu ŋa busu bwa pfuundu lituma bibaayaka bangaanga ba Nzambi
53 Bo baabiti Yisu huli mukuutu bangaanga ba Nzambi, hu hwakuukimi bangaanga ba Nzambi boosi, mikukunyungu na milongisi mi Mikele.
55 Bakuutu ba bangaanga ba Nzambi na pfuundu lituma yoosi, baakasaha imbangi hi hyumweese tooni yi uduba Yisu. Ka bo a baabahi ve. 61 Ka Yisu abeedi swii, nde a haafutili dyambu ve. Mukuutu bangaanga ba Nzambi abwefuula nde: «We ni Masiya, Mwana a wu baasyeme14.61 Esa 53.7; Mav 8.32 ?» 62 Yisu akaali: «Eye, ni me! Na benu luumono Mwana a muutu atsahala ŋa mbahala a Pungu Matwala na uya hutso mayidu ma yulu.» 63 Buuna mukuutu bangaanga ba Nzambi akasuli bikutu bya nde mwakulu na aleeli: «Bisu a lisaali na nzala bambangi ve! 64 Benu limiiyuha nde mu utuha Nzambi! Benu buni litsimi?» Boosi baakabelese nde, na baakaleele ti lipfu14.64 Lev 24.16 laahwama na nde.