1 Sama'ila 16

11 Reve Sama’ila ece yi, <<Vu buwa na̱ olobo o ro shi?>>

A̱vu Yese usu, <<Mokosoto ma ɗa ma buwai, agba u ta̱ ɗe a aguɓa e mgbele.>>

Ɗaɗa Sama’ila dammai, <<Lyungu e ɗe yi u ta̱wa̱, adama a na tse ene nden n na tsa̱ da̱nu tsu lyuwa shi she nu u ta̱wa̱.>>

12 A̱vu Yese lyungu a̱ 'ya̱wa̱ a̱ ta̱wa̱a̱ na̱ a̱yi. U da̱na̱ ta̱ nu uruma u sa’ani, na̱ gbaga lipu, waru muwun me e esu ma̱ yi n ta̱ ulobonu wa̱ a̱ka̱nla̱.

Ɗaɗa A̱sulazuva a dammai, <<Vuma ɗaɗa nda’a! 'Yon vu tsuwa̱n yi mani’in a aaci.>>

13 Ɗaɗa Sama’ila tarai aavana a mani’in a̱vu u tsuwa̱n Da̱wuda a aaci e esu a azakpakpara a̱ yi. Diga o urana u ndolo a̱ 'ya̱wa̱, reve Ruhu va̱ A̱sulazuva a̱ cipa̱a̱ Da̱wuda nu ucira. Reve Sama’ila ka̱ra̱ a̱ ka̱mba̱ o u’wa a Rama.