1 Uwai adanshi a nda,

a̱ɗu inan ya Bashan i na i ri a Masasan ma Samariya,

a̱ɗu na yoo ɓongishi alambi

reve i minjira aza a na a̱ ri ni ili shi.

A̱vu i damma ali a̱ɗu,

<<Ta̱wa̱a̱ ntsu ni ili yo oso!>>

2 A̱sulazuva A̱sula̱,

a kucina ta̱ na akiza a̱ yi adansa,

<<Na amayun rana ta̱ lo a̱ ta̱wa̱ ɗu,

na̱ a̱ pura̱ ɗu a̱ tyo tsugbashi ni igon,

za suru a̱tsuma̱ ɗu a̱ ta̱ ronoyi na̱ gon a̱ ka̱ra̱.

3 Reve A̱sulazuva a damma,

I ta̱ uta̱la̱i nu uba̱ta̱ u na uɓaɓu u karai,

za suru to uta̱ mejege.

A ta vari ɗu a Masasan ma Hamon.

4 <<Ta̱wa̱i Betel uba̱ta̱ wa akiza,

i lyuwa elime na̱ mayan mo unusu wo o'wo.

'Ya̱wa̱i Gilga i da̱shi yuwan linga vu nusu ɗu.

Ta̱wa̱yi na̱ kucci ɗu usana suru,

na̱ za ta̱ a̱tsuma̱ a kupa a'wan a ta'atsu suru.

5 A̱vu A̱sulazuva a damma,

i ca kucci vu ugodyusho wo opopofu a na a̱ ri na̱ wolilo shi,

reve i yuwan adanshi o ucasu wu ucigu wo okolo!

A̱yi ɗa ili i na okolo a̱ ɗu a cigai,

a̱ɗu aza a Isra'ila!>>

6 Reve A̱sulazuva a damma,

<<N zuwa ta̱ a yuwan ambulu a̱tsuma̱ e ilyuci i ɗu suru,

nu ulambu wi ilyalya a̱ lyuci suru,

suru na̱ ne i ka̱mba̱ ya̱'a̱ va̱ shi!>>

7 <<Waru n 'yasan ɗu ta̱ ni iro'i

kafu ugasa u rawa na̱ woto ta'atsu.

N lyunguwa̱ ta̱ lyuci ro ni iro'i

agba a̱vu m putsa lyuci ro.

Uɗuma̱ u ro u tsura̱ ta̱ iro'i

za ro gba tsura̱ shi a̱vu u 'yewe.

8 Reve A̱sulazuva a damma,

Ama a̱ tsu yuwan ta̱ agara diga a̱ lyuci ro a̱ tyo a̱ lyuci ro

e izami i mini mo oso,

amma a̱ tsura̱ mini ma na ma rawa nle shi,

suru na̱ ne avadala uba̱ta̱ u va̱ shi.>>

9 Reve A̱sulazuva a damma,

<<N faba ta̱ a̱rumbu a̱ ɗu na̱ mɓa̱la̱ nu upa̱luwusa̱,

oɓolo na̱ a̱ɗuma̱ a̱ ɗu na̱ a̱ɗuma̱ a̱ ina̱bi a̱ ɗu,

na̱ ɗanga vu biri ɗu na̱ a̱za̱ a̱ zetun a̱ ɗu,

n zuwa ta̱ apapari a tama le suru.

Suru na̱ ne i vadala uba̱ta̱ u va̱ shi.>>

10 A̱vu A̱sulazuva a damma,

<<N lyungu ta̱ na addama a̱tsuma̱ a̱ ɗu,

ununa n yuwain ni iɗa ya Masar.

Mu una ta̱ olobo a̱ ɗu na̱ matsun me pe'eni,

a̱vu m pura̱ ido i ɗu.

A̱vu n shiton vunu ɗu nu ushamu wa̱ a̱kwa̱kwa̱

wa ama a̱ ɗu na a̱ kuwa̱i.

Suru na̱ ne i vadala uba̱ta̱ u va̱ shi.>>

11 Reve A̱sulazuva a damma,

<<N kototo ta̱ ozo o ro a̱ ɗu

cine n kototoi Sodom na̱ Gomora.

Yo o'wo ta̱ tsa aaɗanga a̱ ma̱kula̱ a na a usai diga a akina.

Suru na̱ ne i vadala uba̱ta̱ u va̱ shi.>>✝

12 <<Adama o ndolo apa nda ili i na maa yuwan na̱ a̱ ɗu aza a Isra'ila!

Ana wo o'woi n ta yuwaan wu tsun ndolo,

she vu foɓo na va ga'an na̱ A̱sula̱ a̱ wu,

a̱vu Isra'ila.>>

13 <<A̱yi za na yuwain nsasan,

waru u yuwain upepu,

za na pa̱lu'wa̱i majiyan uba̱ta̱ wu vaɗilima̱,

za na ka̱mba̱toi alanzu irumbu,

za na ka̱mba̱toi ba̱ta̱ vu uga'an vu uvaɗi

udasata wa̱ yi,

A̱sulazuva A̱sula̱ o oɓolo a̱ a̱soja a zuva ɗa ala a̱yi!>>