11 Ba gil bugwam ma ga ba gel, mab sorom, ma dariy thibngim ma gil’ilungum e ba polo’ u fayleng. Gubin ban’en nu tharmiy ngu fayleng ni go’ tirom, me gur e pilung, tagagiyeg ni th’abi tolang u gubin e gagiyeg. 12 Gubin e fel’ rogon nge fla’ab nma yib rom; ga ma gagiyegnag gubin ban’en nga gelngim nge fenam gel; ma rayag rom ni ngam gilnag bugwan be’ ma ga pi’ gelngin.
14 "Yug aray rogon ma pi girdi’ rog nge gag e ri dabiyag ni gu pi’ed ban’en ngom, ni bochan e gubin ban’en ma tow’ath ni yib rom, ma n’en ni gamad be fulweg ngom e katirom. 15 SOMOL, ga manang ni gamad ma par ko biney e yafos ni bod e girdi’ nu boch e nam ara bogi milekag, bod rogon e pi chitamngimad kakrom. Pi rran romad e bod bangi taglul’ ni be m’ay, ma dabiyag ni gu milgad ko yam’.
Domínio Público. Esta tradução bíblica de domínio público é trazida a você por cortesia de eBible.org.