Adoração

6 Biwa, biɛta buwakasɔ busumu nwɔ,

bita bupɛ akunkyi di Saate, Blatɛ loo nwu anu;

6 Biwa, biɛta buwakasɔ busumu nwɔ,

bita bupɛ akunkyi di Saate, Blatɛ loo nwu anu;

Bitansa Saate Nwu!

1 Bitansa Saate nwu.

Bitansa Yaa di lɛkpaayo klekle nɔɔ kamɛ;

bitansa nwɔ di osi kplɛ nɔɔ nwu.

2 Bitansa nwɔ ta osie nɔɔ ablasaa oso;

bitansa nwɔ ta sɛsaabla kplɛ nɔɔ se niɛbla ni ɔkpɛ oso.

3 Bitansa nwɔ ku akyukyoo ɔfɛ sɛlɔ,

bitansa nwɔ ku kyitaa ku sanku,

4 bitansa nwɔ ku akasa ku katũ,

bitansa nwɔ ku sikũ sanku ku kakyukyoe,

5 bitansa nwɔ ku abi ɔsa,

bitansa nwɔ ku abi ya sɛlɔ nikodie ni.

6 Bita lɛsaa biala di ninwuna nsi ni atansa Saate nwu.

Bitansa Saate nwu.

6 Bita lɛsaa biala di ninwuna nsi ni atansa Saate nwu.

Bitansa Saate nwu.

4 Bibuo di n-yoko nɔɔ ku sɛfa ɔpɛ

ku akpata nɔɔ ku katansa;

bipɛ nwɔ sɛfa, biɛtansa leyooto nɔɔ kafɔɔ.

2 Biyɔ dibu le niesiɛko ni Saate nwu bita leyooto nɔɔ;

Bisumu Saate nwu di sɛlɛ di leklekle nɔɔ kamɛ.

Katansa Ku Sɛfa Ɔpɛ Onu

1 Kasɔ kamuu yiisa kudu ku suoto lɛyɔɔ bita Yaa!

2 Bisa sinu se nimata ni leyooto nɔɔ dibu;

bita dibu disiɛ di katansa nɔɔ!

3 Tɔkɔ Yaa falɛ, "Lɛyɛkɛ nsi di sɛsaabla lɛfɔ kamɛ!

Osie lɛfɔ lɛtɛ kuomuɔ

alɛ balo lɛfɔ nwakasɔ di anu lɛfɔ.

4 Kasɔ kamuu nwakasɔ kanta fɔ;

mansa katansa sinu manta fɔ,

mansa katansa sinu mata leyooto lɛfɔ." Yila kɛɛkɛ

17 Lawi lalɛɛ nwɔ ku kanya nii;

katansa nɔɔ ntika di ɔkplalomii nii suoto.

9 O Saate, nnle be mmuu fɛɛbla ni,

mawa mamasumu di anu lɛfɔ;

man-yɔ dibu manta leyooto lɛfɔ.

10 Diekye feemuɔ, fɔɔbla kafɔɔ sɛsaabla se nimbla ni ɔkpɛ.

Yaa Lɛbɔmbɔ

1 O ɔkla nii, tansa Saate nwu;

asaa ya amuu ninsi ni kaamɛ nii, tansa leyooto klekle nɔɔ.

Yaa Ku Batii Nɔɔ

1 Bipɛ Saate nwu sɛfa, bilɛɛ leyooto nɔɔ;

bidiki lɛsaa le ɛɛbla ni bibuɛ di nnle nwu kamɛ.

Yaa Owolaa Nwaa

1 O Yaa, afɔ ninle Yaa nii,

kowolaa fɔ osie kanya;

otukɔnsɔ nkle ɔkla nii di suoto lɛfɔ,

suoto nii kowolaa fɔ,

di kasɔ kosole ku kasɔ ka nintookpi ni

di lɛba le di ntu nnaa nii.

3 Diekye lɛbɔmbɔ lɛfɔ nlɛ dilenke nkpa,

anyasibi nii madiki fɔ kɔlɛɛ.

4 Matansa fɔ di obe wɔ lɛnya nkpe ni nkpa,

di leyooto lɛfɔ kamɛ matakatɛsa nnɛɛ nii katoo.

11 Oo SAATE, lele fɔ ninle nimuɔ kplɛ ku osie

ku dibu ku sɛka ole ku sɛlɛ,

diekye lɛsaa biala di osi ku kasɔ nle fɔ lele.

Oo SAATE, lele fɔ ninle sɛka kalekɔ nwu;

bɛɛtakatɛ fɔ katoo fɛ disi di asaa amuu suoto.

34 Bipɛ SAATE nwu sɛfa, diekye alɛ̀;

lɛbɔmbɔ nɔɔ nkpe dinaa ni kaloo.

35 Bibuɛ bilɛ, "Oo Yaa, dikitɛ loo, diki wo;

siisa wo, faadiki wo kafɔɔ fakyeko nnle nwu nnɛɛ,

alɛ buapɛ leyooto klekle lɛfɔ nwu sɛfa,

alɛ buayɔ katansa lɛfɔ muntakatɛsa suoto loo katoo."

36 Bitansa SAATE nwu, Israel Yaa nwu,

diɛyɔ ni di nua diesifi ni dinaa ni kaloo.

Ninfɛ di batii nwu bamuu labuɛ alɛ "Diwa kaanya" ni "Biɛtansa SAATE nwu."

34 Bipɛ SAATE nwu sɛfa, diekye alɛ̀;

lɛbɔmbɔ nɔɔ nkpe dinaa ni kaloo.

9 Bisa sinu bitɔɔ, bisa katansa sinu bitɔɔ;

bibuɛ sɛsaabla nɔɔ se simuu niɛbla ni ɔkpɛ.

5 Bitakatɛsa Saate Yaa loo katoo

biesumu di nkpaa ditikasaa nɔɔ katũ;

ate klekle.

8 Kanya nii leyii ku katansa lɛfɔ,

ndiki dibu lɛfɔ mbuɛ dii kufĩ kumu.

4 Bisa sinu bita Yaa, bisa katansa sinu bita leyooto nɔɔ,

bitakatɛsa nnwɔ ninsiɛ ni di alokonkyɛ suoto katoo-

leyooto nɔɔ ninle Saate nɛ-

binya suoto lɛyɔɔ di anu nɔɔ.

5 Kote ale ɛɛta bakuɛbi, bakpisɔfɔ nyuntɛ,

ninle Yaa di kasiɛkɔ klekle nɔɔ nwu nɛ.

17 Kamapɛ Saate nwu sɛfa ta ɔsaabla tinini nɔɔ oso,

masa kafɔɔ onu ntansa Saate wɔ Ninlenke ni leyooto.

22 Malɛɛ leyooto lɛfɔ nta babiloo;

matansa fɔ di batii dikudi kamɛ.

23 Aye ba ninyɛkɛ ni Saate nwu, bitansa nwɔ!

Aye Yakob banantii bamuu, bitɔɔ dibu!

Aye Israel banantii bamuu biyɛkɛ nwɔ!

6 Nfukuti nnɛɛ nii nkyɔɔ fɔ;

otukɔnsɔ nkle ɔkla nii fɛle kasɔ kosole. Yila kɛɛkɛ

11 O ɔkla nii, be oso feebuo sɛnyaami nkpo?

Be oso fɛɛkpɔkpɔtɔ kaamɛ nii nkpo?

Yɔ osuku onyu lɛfɔ fatika di Yaa suoto,

diekye kamakple ntansa nwɔ,

Dikitɛ nii ku Yaa nii.

2 Latɔkɔ Saate nwu nlɛ, "Saate nii ninle afɔ;

afɔ kamaa, lɛsaa biene kuninwii nsinnaa mi."

11 Bisumu Saate nwu ku lɛyɛkɛ

biɛnya suoto lɛyɔɔ ku ditũtũkũ.

2 Kamanya suoto lɛyɔɔ mpɔ di kamɛ lɛfɔ;

O Afɔ wɔ Ninlenke ni; kamanya suoto lɛyɔɔ mpɔ di kamɛ lɛfɔ, kamasa sinu ntansa fɔ leyooto.

5 Tanwa kasɔ faata nya ee faatɔ nya; diekye ami, SAATE Yaa lɛfɔ, Yaa wɔ ninkpɛ ni sɛsɔfɔwo nle, nnanfi babi ba niekyidi mi ni kootoko ta bate lɛma sikpile diɛyɔ ni di kɔna tiɛfa kuɔlaase ni di kɔnaafa suoto,

14 Bitantɔ afiɔ bamba kuanwii, diekye SAATE wɔ ninkpe ni Onunsɛɛ ninle mi leyooto, Yaa wɔ ninkpɛ ni sɛsɔfɔwo nle.

9 Nse Mose ntoobuo lɛkpaayo nwu nkpo kamɛ, lelokonkyɛ nwu nsoo nimasiɛ di kayokontũ nwu kanya di obe wɔ di SAATE nwu kɔkakatɛko ni Mose. 10 Nse batii nwu nkpo lɛnya lelokonkyɛ nwu nkpo di lɛkpaayo nwu nkpo kayokontũ nwu yi, bamuu lɛma mantaka manyila, manse ntũ kaasɔ di akpaayo lɛma anu mansumu SAATE nwu.

2 SAATE nwu ninle mi osie ku onu nii;

atookple mi didiki.

Yaa nii ale, nioso kamatansa nwɔ,

teemi Yaa ale, nioso kamatakatɛsa nwɔ katoo.

11 "Oo SAATE, owe ninte fɛ afɔ di bayaa kamɛ?

Owe ninte fɛ afɔ

alenke di leklekle kamɛ,

di lɛyɛkɛ ku dibu ntika nwɔ di suoto,

ɔɔbla sɛkpɛ se niɛbla ni ɔkpɛ?

25 Biesumu SAATE Yaa lee nwu, ni lɛtɔtɔlɔ nɔɔ nwu kamatika ye di alesaa ku ntu suoto. Kamadiki sifiɛ kaamɛ lee,

21 Nnwɔɔ ninle katansa lɛfɔ nɛ; nnwɔɔ ninle Yaa lɛfɔ wɔ niabla ni akplɛsaa ku ayɛkɛsaa nwu nkpo niabla ni ɔkpɛ ata ye bianya ni ku anu lee amu nɛ.

7 Lɛba nwu, di SAATE Yaa lee anu di aye ku ayo lee kamɛ batii kamale mannya suoto lɛyɔɔ di lɛsaa biala suoto bietika nnɛɛ lee nɛ. Diekye SAATE Yaa lee ntɔɔta ye lɛtɔtrɔ.

16 Baata Yaa lakpɛ sɛsɔfɔwo ku bafɔɔ bayaa lɛma nwu,

ni baakpee nwɔ ɔblɔ ku ayududusaa lɛma nwu nɛ.

17 Baata ole baata afiɔ ya ninanle ni Yaa-

bayaa ba batatofo nii,

bayaa ba niadie ni sɛfɔle,

bayaa ba di bate lee ditayɛkɛ nii.

18 Difuɔnkpaa le niale ye ni kote, biasĩ nii;

ni biayee Yaa wɔ nialofo ye ni nɛ.

16 Bilolaa binyu, nse diele nkpo babakyɔnkyɔ ye minmunikĩi minaasumu bayaa bamba, minwakasɔ minta ma.

13 SAATE nwu lebuɛ alɛ:

"Batii ba mmle nwa ɔkyɛ nii ku nnya lɛma

mankpee mi dibu kafɔɔ ku anyasibi lɛma,

kafɔɔ situ lɛma lekyo di ɔkyɛ nii.

Batii afiofa ya beetuo ni lete ninle

kasumu lɛma ka bɔɔtɛɛ ni nɛ.

Katansa Onu

1 Oo SAATE, afɔ ninle Yaa nii;

kamatakatɛsa fɔ katoo ntansa fɔ leyooto,

diekye di onukwale osuku kanya

fɛɛbla asaa ya niɛbla ni ɔkpɛ,

asaa ya disibu faabla ni kofokofoko.

20 Ta nle mmle oso, Yob lataka aabɛbɛɛ akpeele-wua nɔɔ, aakpaasu disi. Ninfɛ aase katũ kaasɔ aapɛ ɔlaa 21 aabuɛ alɛ,

"Lɛkyɔtɔ ladie di yaami olofofɔtɔ kamɛ,

lɛkyɔtɔ kafɔɔ kamakple nsifi.

SAATE nwu niɛta, SAATE nwu kafɔɔ niekple eefũ;

baatansa SAATE nwu leyooto."

11 Baasa katansa ku sɛfa ɔpɛ sinu baata SAATE nwu alɛ:

SAATE nwu nlɛ;

lɛbɔmbɔ nɔɔ le akpe ata ni Israel nnaa kaloo.

Ni di batii nwu bamuu layiisa katansa kudú kplɛ baata SAATE nwu nɛ, diekye batoose SAATE nwu leyo lɛsɔse.

22 "Oo SAATE Kplɛ, nyu mmle feemuɔ ni! Kuonwii nnaa fɛle afɔ, Yaa kuonwii nnaa kafɔɔ, diediki afɔ, fɛ mmle butoonu ni ku atoko loo amu.

2 "Kuonwii nnaa ate ni klekle* fɛle SAATE nwu;

kuonwii nnaa fɛ afɔ;

Difuɔnkpaa kuninwii nnaa fɛle Yaa loo.

5 Ni di Lewi batii nwu- Yesua, Kadmiel, Bani, Hasabneia, Serebia, Hodia, Sebania ku Petahia- labuɛ alɛ: "Bitaka biyila biɛtansa SAATE Yaa lee, nnwɔ ninkpe ni diɛyɔ ni di nua diesifi ni dinaa ni kaloo."

"Lɛtɔtrɔ ninle dibu leyooto lɛfɔ nwu, batakatɛsa ni katoo dilenkee lɛtɔtrɔ ku katansa kamuu.

12 Ni bibalɛɛ mi, min-wa mimapɛ ɔlaa mintɛɛ, ni ami kafɔɔ kamakyɔɔ ye atoko.