Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Vu zuwa mu tsu urotsu o okolo a̱ wu,
tsu urotsu o ukere wa̱ wu,
adama a na icigi i ta̱ nu ucira tsu ukwisa̱,
na̱ tsushu’un tsu usuɗuwu tsa aason.
U tsu dala ta̱ tsa akina,
u tsu kula̱ ta̱ tsa akina a madala nu ucira.
Mini ma̱ a̱bunda̱ maa gura kimusa̱ icigi shi,
ko ɗolu gura pura̱ yi shi.
Ko na̱ vuma ca utsuru wu u’wa wa̱ yi suru,
adama e icigi,
o to zo’oso yi nu ulamu.
Esheli’i a yuwan ta̱ adanshi
Vu reme ta̱ okolo a̱ va̱ vawun va̱, kasa’avu va̱,
na̱ a̱ka̱nla̱ e esu a̱ wu uta̱,
vu reme ta̱ okolo a̱ va̱.
Ni iliyinlu i ta̱ ya̱ wu,
vu reme ta̱ okolo a̱ va̱.
Lyawa vu co’omo mu nu una̱ wa̱ wu,
adama a na icigi ya̱ wu i la’a ta̱ masayan ma inabi uyo’o.
Mani’in ma na vu putalai a̱ lipu va̱ wu u ta̱ na̱ ma̱guru lon,
aala a̱ wu a̱ ta̱ ma̱guru tsa aturare.
Ili yi lo shi a̱ yi ɗa i zuwai esheli a̱ ri e icigi ya̱ wu!
Vu tu ulobonu macigata ma̱ va̱,
amayun vu tu ulobonu!
Esu a̱ wu a̱ ta̱ rocosu ugbozu wa̱ wu tsa aza a muɗa.
Vu tu ulobonu lon macigata ma̱ va̱,
amayun vu tu ulobonu!
Uba̱ta̱ wu nven n tsu
u ta̱ tsa anlya o uta̱nu.
Reve Mogono ma̱ A̱sulazuva ma damma, <<U ri ulobonu vuma’a u da̱nu a̱yi a̱ nde’en shi. N ta yuwaan yi kambi na vaa ntsaa yi.>>
A̱vu u yuwan ka na̱ makambu ma na wu uta̱yi a vuma’a, a̱vu u ta̱wa̱a̱ yi na̱ yi.
A̱vu vuma’a u damma, <<A̱ tyo o ukosu, apa eetele a na a tarai e etele a̱ va̱, na̱ lipu na a tarai a̱ lipu va. E te ɗe yi <Ka> o una̱ u na a tara niyi a̱tsuma̱ a vali.>> Adama o ndolo a ɗa vali aa lyawa dada na̱ mma va̱ yi, reve u suraa ka va̱ yi, ele ra oo o’wo ili i ta̱.
Ama e re a la’a ta̱ vuma ta̱,
adama na ulinga wa ama e re
u tsu la’a ta̱ ulinga u vuma ta̱.
Adama a na nna̱ vuma ta̱ riya̱,
za ve ire’e u ta kamba za va̱ yi u 'ya̱sa̱n yi.
Amma a̱tsuma̱lima̱ a ta cina za na ri a̱ nden e nde’en,
nnu u riya̱ babu za na aa kamba yi u ya̱sa̱n yi.
Nna̱ waru ama e re a̱ ri nven uba̱ta̱ ta̱ oɓolo,
a̱tsu uwwa ta̱ sheshen,
amma cine vuma ta̱ a uwwa sheshen
a̱yi e nde’en?
A ta gura lyuwa a aci a vuma ta̱,
amma ama e re a̱ ta̱ tsura̱ u lyuwu wa a aci.
Amunga a̱ ta̱ a na a ɗavai na amunga ata’atsu
u tsu da̱na̱ ta̱ usa̱n u na aa kasa yi go’o.
Ashe, A̱sulazuva a ɗa a zuwa nɗu yo o’wo lipu ta̱ na̱ ruhu ta̱ shi? Nye i zuwai A̱sula̱ a yuwain ne? U ta zama adama muwun ntsu n da̱na̱ na̱ cu’un wuma wa̱ yi. Adama o ndolo gba, she yi idana aciya̱ɗu, she za a̱ a̱tsuma̱ a̱ ɗu kuɗa̱ da̱na̱ nu ulambu wa̱ a̱ɓula̱ e ekere a ka tsulobo tsa̱ yi wan.
<<Vuma na yuwain lolo usa’avu, she i lyungu yi uvon wan ko i ca yi ulinga u ro wan. U ta̱ da̱na̱ fa̱a̱n wi isawan o u’wa hali aa’wan a̱ ta̱ adama u yo’onoto ka va̱ yi okolo.