Aniversário de idoso

Ishipa yu ugodyusho adama e isa’ani ya̱ A̱sula̱

1 I godyoo A̱sulazuva,

adama e isa’ani ya̱ yi,

adama a na icigi ya̱ yi i na i tsu vadala shi

i ta̱ lo hali hali.

24 A̱yi nda ɗa urana u na

A̱sulazuva a yuwain,

tsu yuwain ma̱za̱nga̱

na̱ mere a̱tsuma̱ a̱ yi!

1 N ta cuwa A̱sulazuva mantsa suru,

ica ya̱ yi i ta̱ da̱na̱ o una̱ u va̱ mantsa biti.

7 A̱sulazuva a ɗa ucira u va̱

oɓolo na̱ a̱a̱ra̱ga̱ a̱ va̱,

okolo a̱ va̱

a zuwa ta̱ ucira ya̱ a̱ yi,

waru u kamba mu ta̱.

Okolo a̱ va̱ a yuwan ta̱ ma̱za̱nga̱,

waru n ta̱ godyoo yi

a̱tsuma̱ e ishipa.

7 Vu shiton ta̱ okolo a̱ va̱ na̱ ma̱za̱nga̱ lon,

ma na ma la’ai

aza a na a̱ ri ni ishina na̱ masayan ma̱ inabi ma̱ a̱bunda̱.

11 Vu roco mu ta̱ ure,

u wuma,

na̱ vu ri lo uba̱ta̱ u va̱,

n tsu shiwan ta̱ na̱ ma̱za̱nga̱ lon,

nden o ukere usa’ani wa̱ wu,

mawwa mo uyo’o u ɗa hali hali.

4 M pati ta̱ A̱sulazuva ili i ta̱,

apa ili i na m patiyi,

n ciga ta̱ n da̱nu

o u’wa wa̱ A̱sulazuva,

a wuma u va̱ suru,

tsa̱ra̱ n da̱na̱ e eneshe

tsugbain tsa̱ yi,

waru n zami urewesu wa̱ yi

a̱ A̱a̱’isamapaɗa a̱ yi.

12 Vu roco tsu a na

rana wuma tsu wa’a a ɗa a̱ ri,

adama tsu da̱na̱ na̱ majiyan.

31 agba ele aza a na a zuwayi A̱sulazuva ucira u ta ca le ucira u sa’avu, a ta 'yawan tsa̱ a̱kuru. A ta suma agba a̱a̱ kuna̱ shi, a ta wala agba a̱a̱ ta̱ka̱lyuwa̱ shi.

10 <<Adama o ndolo, ka̱lyuwa̱i, cine A̱sulazuva a yuwain nzuwulai, u lyawa mu ta̱ wuma hali a’wan amunga no ozo o ton diga a mantsa ma na u dammai Musa ne, mantsa ma na aza a Isra’ila a̱ shi a mmalu a̱tsumona. Ka̱lyuwa̱i, a̱mu ɗa nda ana’an, a’wan kupakunla̱ no ozo o ton! 11 A̱mu ɗa nda gba hali na ana’an nu ucira tsa mantsa ma na Musa lyungu numu. Ne gba n ta̱ nu ucira hali n gogo u na moo uta̱ n 'ya̱wa̱ uvon na̱ n yuwin linga ro, cine n da̱na̱i nu ufaru.

24 <<Lyawa A̱sulazuva aa zuwaa ɗu aba’un,

waru u yuwaan ɗu mapari.

25 Lyawa A̱sulazuva a zuwa urewesu wa̱ yi wi ikana ɗu,

waru u roco ɗu isa’ani.

26 Lyawa A̱sulazuva a vadala urewesu wa̱ yi ya̱’a̱ ɗu,

waru u ca ɗu asuvu nden.