1 Apa wukoɗu wukoɗu wu mmalu wa aza a Isra'ila ana o uta̱i diga Masar ugeru ugeru za̱la̱ tsugbain tsa Musa na̱ Haruna. 2 Nu udammu wa̱ A̱sulazuva Musa ɗana ta̱ wukoɗu wukoɗu wu mmalu n le. Apa nda mmalu n le ugeru:

3 Aza a Isra'ila a̱ 'yon ta̱ diga Ramase o urana wa kupa no ozo oton u woto wu ufaru. Ana usana u tawai ana a yuwain A̱buki a Mapasa, reve o uta̱ babu wovon a̱ ma̱ka̱ka̱n ma aza a Masar, 4 aza a na a̱ da̱na̱i a̱ ciɗosu muwun mu ufaru n le suru, aza a na A̱sulazuva a̱ ga̱la̱i a̱tsuma̱ e le, adama a na A̱sulazuva e ge'eto ta̱ musula̱ n le.

5 Aza a Isra'ila a̱ 'yon ta̱ diga Ramase a̱vu a̱ va̱la̱ Suko. 6 A̱vu a̱ 'yon diga Suko a̱vu a̱ va̱la̱ Etam, a̱ nge'en ma̱ a̱tsumona. 7 A̱vu a̱ 'yon diga Etam, a̱vu a vadala a̱ tyo Pi Hahiro, asana na̱ Ba'al Zefon, a̱vu a̱ va̱la̱ zuzu na̱ Megido. 8 A̱vu a̱ 'yon diga Pi Hahiro, a̱vu a pasalai mala a̱ tyo a̱tsumona. Reve ana a yuwain mmalu rana ta'atsu a̱tsumona a Etam, reve a̱ va̱la̱ Mara. 9 A̱vu a̱ 'yon diga Mara a̱ ka̱ra̱ a̱ tyo Elim, uba̱ta̱ u na esu a̱ mini kupa ne ejere na̱ shuwa kupocindere ri, a̱vu a̱ va̱la̱ ɗe. 10 A̱vu a̱ 'yon diga Elim a̱vu a̱ va̱la̱ zuzu na̱ Mala ma̱ shili. 11 A̱vu a̱ 'yon diga Mala ma̱ shili, a̱vu a̱ va̱la̱ a̱tsumona a̱ Sin. 12 A̱vu a̱ 'yon diga a̱tsumona a̱ Sin a̱vu a̱ va̱la̱ Dofuka. 13 A̱vu a̱ 'yon diga Dofuka, a̱vu a̱ va̱la̱ a Alush. 14 A̱vu a̱ 'yon diga Alush, a̱vu a̱ va̱la̱ Refidim, uba̱ta̱ u na mini ma̱ shi shi na ama oo sowo. 15 A̱vu a̱ 'yon diga Refidim, a̱vu a̱ va̱la̱ a̱tsumona a Sinai. 16 A̱vu a̱ 'yon diga a̱tsumona a Sinai, a̱vu a̱ va̱la̱ Kibirot Hatava. 17 A̱vu a̱ 'yon diga Kibirot Hatava, a̱vu a̱ va̱la̱ Hazero. 18 A̱vu a̱ 'yon diga Hazero, a̱vu a̱ va̱la̱ Ritima. 19 A̱vu a̱ 'yon diga Ritima, a̱vu a̱ va̱la̱ Rimon Pere. 20 A̱vu a̱ 'yon diga Rimon Pere, a̱vu a̱ va̱la̱ Libina. 21 A̱vu a̱ 'yon diga Libina, a̱vu a̱ va̱la̱ Risa. 22 A̱vu a̱ 'yon diga Risa, a̱vu a̱ va̱la̱ Kehelata. 23 A̱vu a̱ 'yon diga Kehelata, a̱vu a̱ va̱la̱ a Masasan ma Shife. 24 A̱vu a̱ 'yon diga a Masasan ma Shife, a̱vu a̱ va̱la̱ Harada. 25 A̱vu a̱ 'yon diga Harada, a̱vu a̱ va̱la̱ Makelo. 26 A̱vu a̱ 'yon diga Makelo, a̱vu a̱ va̱la̱ a Taha. 27 A̱vu a̱ 'yon diga Taha, a̱vu a̱ va̱la̱ Tera. 28 A̱vu a̱ 'yon diga Tera, a̱vu a̱ va̱la̱ Mitika. 29 A̱vu a̱ 'yon diga Mitika, a̱vu a̱ va̱la̱ Hashimona. 30 A̱vu a̱ 'yon diga Hashimona, a̱vu a̱ va̱la̱ Mosero. 31 A̱vu a̱ 'yon diga Mosero, a̱vu a̱ va̱la̱ Bene Ya'aka. 32 A̱vu a̱ 'yon diga Bene Ya'aka, a̱vu a̱ va̱la̱ Hor Hagiga. 33 A̱vu a̱ 'yon diga Hor Hagiga, a̱vu a̱ va̱la̱ Yobata. 34 A̱vu a̱ 'yon diga Yobata, a̱vu a̱ va̱la̱ Aburona. 35 A̱vu a̱ 'yon diga Aburona, a̱vu a̱ va̱la̱ Eziyon Geba. 36 A̱vu a̱ 'yon diga Eziyon Geba, a̱vu a̱ va̱la̱ Kedesh, a̱tsumona a̱ Zin. 37 A̱vu a̱ 'yon diga Kedesh, a̱vu a̱ va̱la̱ a Masasan mo Hor, o utyo wi iɗa ya Edom. 38 Nu udammu wa̱ A̱sulazuva Haruna ganu kumba ta̱ Masasan mo Hor, uba̱ta̱ u na u kuwa̱i o urana wu ufaru u woto wa tawun a a'wan a amunga ana aza a Isra'ila o uta̱i e iɗa ya Masar. 39 Haruna shi ta̱ na a'wan ukpaku nu ushin na aza a ta'atsu (123) mantsa ma na u kuwa̱i a Masasan mo Hor.

40 Mogono ma Arada vuma va Ka'ana za na ri nden Nege e iɗa ya Ka'ana, wu uwwa ta̱ alabari o uta̱wu wa aza a Isra'ila. 41 A̱vu aza a Isra'ila a̱ 'yon diga a Masasan mo Hor, a̱vu a̱ va̱la̱ Zalumona. 42 A̱vu a̱ 'yon diga Zalumona, a̱vu a̱ va̱la̱ Funo. 43 A̱vu a̱ 'yon diga Funo, a̱vu a̱ va̱la̱ Obo. 44 A̱vu a̱ 'yon diga Obo, a̱vu a̱ va̱la̱ Iye Abarim o utyo wi iɗa ya̱ Mowa. 45 A̱vu a̱ 'yon diga Iye Abarim, a̱vu a̱ va̱la̱ Dibon Gadu. 46 A̱vu a̱ 'yon diga Dibon Gadu, a̱vu a̱ va̱la̱ Alumon Dibilatayim. 47 A̱vu a̱ 'yon diga Alumon Dibilatayim, a̱vu a̱ va̱la̱ a nsasan ma Abarim zuzu na̱ Nebo. 48 A̱vu a̱ 'yon diga a nsasan ma Abarim, a̱vu a̱ va̱la̱ a agalaci a̱ Mowa zuzu na̱ Urudu, a̱ ka̱lyuwusa̱ Jeriko. 49 Ɗe a agalaci a̱ Mowa a̱ va̱la̱ ta̱ zuzu na̱ Urudu diga Bet Jeshimo hali a̱ tyo Abe Shitim.

50 A agalaci a̱ Mowa zuzu na̱ Urudu mavada ma̱ Jeriko A̱sulazuva a damma ta̱ Musa, 51 <<Yuwan adanshi na̱ ama a Isra'ila vu damma le, mantsa ma na i pasai Urudu a̱ tyo Ka'ana, 52 a̱vu i gba̱ra̱ a̱za̱ e iɗa'a suru a̱ ma̱ka̱ka̱n ma̱ ɗu. A̱vu yi ɓoso she'en vu ruma na̱ a̱ma̱li e le a na a̱ zuɗa̱i. Reve yi ɓoso ba̱ta̱ va̱ a̱ga̱nda̱ a̱ a̱ma̱li e le suru. 53 A̱vu i tara iɗa'a yo o'wo za ɗu, i da̱nu pe a̱tsuma̱ a̱ yi, adama a na n ca ɗu ta̱ iɗa'a yo o'wo za ɗu. 54 I ne'eshen iɗa'a na̱ mazuwa ma agita, o una̱ vu gundo ɗu. I ta ca ugundo u na u la'ai a̱bunda̱ agadu a̱ a̱bunda̱, ugundo u wa'a waru i ca yi akunda a wa'a. Uba̱ta̱ u na suru matawa ma agita ma̱ riya̱yi ugundo u to o'wo za le. I ne'eshen iɗa'a o una̱ vu gundo vu nkaya n ɗu.

55 << <Amma ni i gba̱ra̱ a̱za̱ e iɗa'a shi, aza a na i lyawai, o to o'wo ɗu muccaka e esu, na awanda a̱ lipu ɗu. O to o'wo ɗu addama e iɗa i na ya̱a̱ da̱nu. 56 Reve gba n yuwaan na̱ a̱ɗu ili i na n foɓoi a yuwan ne ele.> >>