1 O urana u na Musa kotoi ma̱shuwa̱ mo Oogodo o Uga'asusan, a̱vu u tsun yi mani'in u tawa yi na akiza ni itana ya̱ yi suru. Reve waru u tsun masa'a mani'in u tawa yi na akiza ni itana yu ulinga ya̱ yi suru. 2 Reve azagbain a Isra'ila, azagbain e elentsu a nkaya n le, azagbain a 'wa va aza a Isra'ila aza a na a̱ ka̱lyuwusa̱i ulinga u mekece a ca kucci. 3 A̱ ta̱wa̱a̱ ta̱ na̱ kucci le uba̱ta̱ wa̱ A̱sulazuva, ikeke yi inan i ta̱li i na i ri no ogodo ni inan kupa ne ejere, vuma ta̱ suru nan ta̱ azagbain e re suru a̱ ta̱wa̱ ta̱ na̱ keke ta̱. Reve a̱ ta̱wa̱ ne ele elime o oogodoꞌo. 4 Reve A̱sulazuva a damma Musa, 5 <<Ushi ili i nda e ekere e le, adama a yuwan ulinga ne ele o Oogodo o Uga'asusan. Vu ca nan Levi ele, za suru o una̱ wu cu'un vu ulinga va̱ yi.>>

6 Ɗaɗa Musa tarai ikeke yi inan ni ina'an reve u ca nan Levi. 7 U ca ta̱ olobo a Gashon ikeke yi inan i re ni inan i na̱shi o una̱ wu cu'un vu ulinga u le. 8 Reve u ca olobo a Merari ikeke i na̱shi ni inan kunla̱ o una̱ wu cu'un vu ulinga u le. Itama ulobo wa Haruna ganu u ɗa waa dansa le cine aa yuwan. 9 Amma Musa ca olobo a Koha ili shi, adama a na ele ɗa a cayi ulinga wu uka̱lyuwusa̱ wi itana ya akiza i na a tsu tanu a̱ nlyungu n le.

10 Reve azagbain a ca kucci adama a matawa ma masa'a o urana u na a̱ tsun niyi mani'in ma matawa. Reve a̱ ta̱wa̱ ne ele a̱ ma̱ka̱ka̱n ma masa'a'a. 11 A̱sulazuva a damma ta̱ Musa, <<Usana suru hali rana kupa ne ejere, zagbain ta̱ ta̱ ta̱wa̱a̱ na̱ kucci va̱ yi adama a matawa ma masa'a.>>

12 Za na cayi kucci va̱ yi o urana wu ufaru a̱yi ɗa Nashon ulobo wa Aminada, o ugundo wa Yahuza.

13 Kucci na u cayi ele ɗa mataɗa ma azurufa ma̱ ta̱ mo ume shekel ukpaku na̱ mata'atsu (130), na̱ mapara ma gbain ma̱ ta̱ ma azurufa mo ume shekel kupocindere u makundatsu ma̱ a̱a̱'isa̱, suru nle tapu na̱ yira i lashi i na a̱ ja̱mba̱ra̱i na̱ mani'in adama a̱ kucci vi ishina. 14 Na̱ mataɗa ma zinariya mo ume shekel kupa, tapu ni ili i ma̱guru, 15 na̱ moggono ma nan ma̱ ta̱ na̱ a̱a̱giri'i a̱ ta̱ na̱ ma̱giri'i ma aa'wan a̱ ta̱ nu umatsun, adama a̱ kucci vu ukula̱tosu, 16 na̱ ma̱ga̱ji ma̱ ta̱ adama a̱ kucci vu unusu, 17 na̱ a̱ba̱jini e inan e re na̱ a̱giri'i o ton na̱ nga̱ji n ton na̱ mugiri'i ma aa'wan a̱ ta̱ ta̱ n ton nu umatsun adama a̱ kucci muwwulai. Ele nda ele ɗa kucci vu ulobo wa Aminada.

18 O urana we ire reve Nataniya ulobo wa̱ Zowa, zagbain vu ugundo wa Isaka, u ta̱wa̱a̱ na̱ kucci va̱ yi.

19 Kucci na u ta̱wa̱yi ele ɗa mataɗa ma̱ ta̱ ma azurufa mo ume ukpaku na̱ mata'atsu (130), na̱ mapara ma̱ ta̱ ma azurufa mo ume ukpakukunla̱ (800) u makundatsu ma̱ a̱a̱'isa̱, suru nle ushitowun na̱ yira i lashi i na a̱ ja̱mba̱ra̱i na̱ mani'in adama a̱ kucci vi ishina, 20 na̱ mataɗa ma̱ ta̱ ma zinariya mo ume shekel kupa, tapu ni itana i ma̱guru, 21 na̱ moggono ma nan ma̱ ta̱ na̱ a̱a̱giri'i a̱ ta̱ na̱ ma̱giri'i ma aa'wan a̱ ta̱ nu umatsun adama a̱ kucci vu ukula̱tosu, 22 na̱ ma̱ga̱ji ma̱ ta̱ adama a̱ kucci vu unusu, 23 no ogono e inan e re, na̱ a̱giri'i o ton na̱ nga̱ji n ton na̱ mugiri'i n ton ma aa'wan a̱ ta̱ ta̱ nu umatsun adama a̱ kucci muwwulai. Ele ɗa kucci va Nataniya ulobo wa̱ Zowa.

24 Urana wa ta'atsu, reve Eliyabu ulobo wa Helon zagbain vu ugundo wa Zebulun, u ta̱wa̱a̱ na̱ kucci va̱ yi.

25 Kucci na u cayi ele ɗa mataɗa ma̱ ta̱ ma azurufa mo ume shekel ukpaku na̱ mata'atsu (130), na̱ mapara ma azurufa ma gbain ma̱ ta̱ mo ume shekel kupocindere, suru nle o una̱ u makundatsu ma̱ a̱a̱'isa̱ tapu na̱ yira i lashi uja̱mba̱ru na̱ mani'in adama a̱ kucci vi ishina, 26 na̱ mataɗa ma̱ ta̱ ma zinariya mo ume shekel kupa tapu ni itana i ma̱guru, 27 na̱ moggono ma nan ma̱ ta̱ na̱ a̱a̱giri'i a̱ ta̱ na̱ ma̱giri'i ma̱ ta̱ ma aa'wan a̱ ta̱ nu umatsun adama a̱ kucci vu ukula̱tosu, 28 na̱ ma̱ga̱ji ma̱ ta̱ adama a̱ kucci vu unusu, 29 no ogono e inan e re na̱ a̱giri'i o ton na̱ nga̱ji n ton na̱ mugiri'i n ton ma aa'wan a̱ ta̱ ta̱ nu umatsun adama a̱ kucci muwwulai. Ele ɗa kucci va Eliyabu ulobo wa Helon.

30 O urana wa̱ na̱shi reve Elizu ulobo wa Shedeya, zagbain vu ugundo wa̱ Roben, u ta̱wa̱a̱ na̱ kucci va̱ yi.

31 Kucci va̱ yi ele ɗa mataɗa ma̱ ta̱ ma azurufa mo ume shekel ukpaku na̱ mata'atsu (130), mapara ma gbain ma̱ ta̱ ma azurufa mo ume shekel kupocindere u makundatsu ma̱ a̱a̱'isa̱, tapu na̱ yira i lashi uja̱mba̱ru na̱ mani'in adama a̱ kucci vi ishina, 32 na̱ mataɗa ma̱ ta̱ ma zinariya mo ume shekel kupa, tapu ni itana i ma̱guru, 33 na̱ moggono ma nan ma̱ ta̱ na̱ a̱a̱giri'i a̱ ta̱ na̱ ma̱giri'i ma̱ ta̱ ma aa'wan a̱ ta̱ nu umatsun adama a̱ kucci vu ukula̱tosu, 34 na̱ ma̱ga̱ji ma̱ ta̱ adama a̱ kucci vu unusu, 35 no ogono e inan e re, na̱ a̱giri'i o ton na̱ nga̱ji n ton na̱ mugiri'i n ton ma aa'wan a̱ ta̱ ta̱ nu umatsun adama a̱ kucci muwwulai. Ele ɗa kucci va Elizu ulobo wa Shedeya.

36 O urana wa tawun reve Shelumiye ulobo wa Zurishadai, zagbain vu ugundo wa Saminu, u ta̱wa̱a̱ na̱ kucci va̱ yi.

37 Kucci va̱ yi ɗa mataɗa ma̱ ta̱ ma azurufa mo ume shekel ukpaku na̱ mata'atsu (130), na̱ mapara ma gbain ma̱ ta̱ ma azurufa mo ume shekel kupocindere, u makundatsu ma̱ a̱a̱'isa̱, suru nle tapu na̱ yira i lashi uja̱mba̱ru na̱ mani'in adama a̱ kucci vi ishina, 38 na̱ mataɗa ma̱ ta̱ ma zinariya mo ume shekel kupa, tapu ni itana i ma̱guru, 39 na̱ moggono ma nan ma̱ ta̱ na̱ a̱a̱giri'i a̱ ta̱ na̱ ma̱giri'i ma̱ ta̱ ma aa'wan a̱ ta̱ nu umatsun, adama a̱ kucci vu ukula̱tosu, 40 na̱ ma̱ga̱ji ma̱ ta̱ adama a̱ kucci vu unusu, 41 no ogono e inan e re na̱ a̱giri'i o ton na̱ nga̱ji n ton na̱ mugiri'i n ton ma aa'wan a̱ ta̱ ta̱ nu umatsun adama a̱ kucci muwwulai. Ele ɗa kucci va Shelumiye ulobo wa Zurishadai.

42 O urana wa̱ ta̱li, reve Eliyasa ulobo wa Deyuwe zagbain vu ugundo wa Gadu, u ta̱wa̱a̱ na̱ kucci va̱ yi.

43 Kucci va̱ yi ɗa mataɗa ma̱ ta̱ ma azurufa mo ume shekel ukpaku na̱ mata'atsu (130), na̱ mapara ma gbain ma̱ ta̱ ma azurufa mo ume shekel kupocindere, u makundatsu ma̱ a̱a̱'isa̱, suru nle tapu na̱ yira i lashi uja̱mba̱ru na̱ mani'in adama a̱ kucci vi ishina, 44 na̱ mataɗa ma̱ ta̱ ma zinariya mo ume shekel kupa, tapu ni itana i ma̱guru, 45 na̱ moggono ma nan ma̱ ta̱ na̱ a̱a̱giri'i a̱ ta̱ na̱ ma̱giri'i ma̱ ta̱ ma aa'wan a̱ ta̱ nu umatsun, adama a̱ kucci vu ukula̱tosu, 46 na̱ ma̱ga̱ji ma̱ ta̱ adama a̱ kucci vu unusu, 47 no ogono e inan e re na̱ a̱giri'i o ton na̱ nga̱ji n ton na̱ mugiri'i n ton ma aa'wan a̱ ta̱ ta̱ nu umatsun adama a̱ kucci muwwulai. Ele ɗa kucci va Eliyasa ulobo wa Deyuwe.

48 O urana we cindere, reve Elishama ulobo wa Amihu, zagbain vu ugundo wa Ifiramu, u ta̱wa̱a̱ na̱ kucci va̱ yi.

49 Kucci va̱ yi ɗa mataɗa ma̱ ta̱ ma azurufa mo ume shekel ukpaku na̱ mata'atsu (130), na̱ mapara ma gbain ma̱ ta̱ ma azurufa mo ume shekel kupocindere, u makundatsu ma̱ a̱a̱'isa̱, suru nle tapu na̱ yira i lashi uja̱mba̱ru na̱ mani'in adama a̱ kucci vi ishina, 50 na̱ mataɗa ma̱ ta̱ ma zinariya mo ume shekel kupa, tapu ni itana i ma̱guru, 51 na̱ moggono ma nan ma̱ ta̱ na̱ a̱a̱giri'i a̱ ta̱ na̱ ma̱giri'i ma aa'wan a̱ ta̱ nu umatsun, adama a̱ kucci vu ukula̱tosu, 52 na̱ ma̱ga̱ji ma̱ ta̱ adama a̱ kucci vu unusu, 53 no ogono e inan e re na̱ a̱giri'i o ton na̱ nga̱ji n ton na̱ mugiri'i n ton ma aa'wan a̱ ta̱ ta̱ nu umatsun adama a̱ kucci muwwulai. Ele ɗa kucci va Elishama ulobo wa Amihu.

54 O urana wa̱ kunla̱, reve Gamaliya ulobo wa Fedazu, zagbain vu ugundo wa Manase, u ta̱wa̱a̱ na̱ kucci va̱ yi.

55 Kucci va̱ yi ɗa mataɗa ma̱ ta̱ ma azurufa mo ume shekel ukpaku na̱ mata'atsu (130), na̱ mapara ma gbain ma̱ ta̱ ma azurufa mo ume shekel kupocindere, u makundatsu ma̱ a̱a̱'isa̱, suru nle tapu na̱ yira i lashi uja̱mba̱ru na̱ mani'in adama a̱ kucci vi ishina, 56 na̱ mapara ma gbain ma̱ ta̱ ma zinariya mo ume shekel kupa, tapu ni itana i ma̱guru, 57 na̱ moggono ma nan ma̱ ta̱, na̱ a̱giri'i a̱ ta̱ na̱ ma̱giri'i ma̱ ta̱ ma aa'wan a̱ ta̱ nu umatsun, adama a̱ kucci vu ukula̱tosu, 58 na̱ ma̱ga̱ji ma̱ ta̱ adama a̱ kucci vu unusu, 59 no ogono e inan e re na̱ a̱giri'i o ton na̱ nga̱ji n ton na̱ mugiri'i n ton ma aa'wan a̱ ta̱ ta̱ nu umatsun adama a̱ kucci muwwulai. Ele ɗa kucci va Gamaliya ulobo wa Fedazu.

60 O urana wa̱ kucci reve Abidan ulobo wa Gidiyoni, zagbain vu ugundo wa Banyami, u ta̱wa̱a̱ na̱ kucci va̱ yi.

61 Kucci va̱ yi ɗa mataɗa ma̱ ta̱ ma azurufa mo ume shekel ukpaku na̱ mata'atsu (130), na̱ mapara ma gbain ma̱ ta̱ ma azurufa mo ume shekel kupocindere, u makundatsu ma̱ a̱a̱'isa̱, suru nle tapu na̱ yira i lashi uja̱mba̱ru na̱ mani'in adama a̱ kucci vi ishina, 62 na̱ mataɗa ma̱ ta̱ ma zinariya mo ume shekel kupa, tapu ni itana i ma̱guru, 63 na̱ moggono ma nan ma̱ ta̱, na̱ a̱a̱giri'i a̱ ta̱ na̱ ma̱giri'i ma̱ ta̱ ma aa'wan a̱ ta̱ nu umatsun adama a̱ kucci vu ukula̱tosu, 64 na̱ ma̱ga̱ji ma̱ ta̱ adama a̱ kucci vu unusu, 65 no ogono e inan e re na̱ a̱giri'i o ton na̱ nga̱ji n ton na̱ mugiri'i n ton ma aa'wan a̱ ta̱ ta̱ nu umatsun adama a̱ kucci muwwulai. Ele ɗa kucci va Abidan ulobo wa Gidiyoni.

66 O urana wa kupa, reve Ahiyeza ulobo wa Amishadai, zagbain vu ugundo wa Dan, u ta̱wa̱a̱ na̱ kucci va̱ yi.

67 Kuci va̱ yi ɗa mataɗa ma̱ ta̱ ma azurufa mo ume shekel ukpaku na̱ mata'atsu (130), na̱ mapara ma gbain ma̱ ta̱ ma azurufa mo ume shekel kupocindere, u makundatsu ma̱ a̱a̱'isa̱, suru nle tapu na̱ yira i lashi uja̱mba̱ru na̱ mani'in adama a̱ kucci vi ishina, 68 na̱ mataɗa ma̱ ta̱ ma zinariya mo ume shekel kupa, tapu ni itana i ma̱guru, 69 na̱ moggono ma nan ma̱ ta̱, na̱ a̱a̱giri'i a̱ ta̱ na̱ ma̱giri'i ma̱ ta̱ ma aa'wan a̱ ta̱ nu umatsun adama a̱ kucci vi ukula̱tosu, 70 na̱ ma̱ga̱ji ma̱ ta̱ adama a̱ kucci vu unusu, 71 no ogono e inan e re na̱ a̱giri'i o ton na̱ nga̱ji n ton na̱ mugiri'i n ton ma aa'wan a̱ ta̱ ta̱ nu umatsun adama a̱ kucci muwwulai. Ele ɗa kucci va Ahiyeza ulobo wa Amishadai.

72 O urana wa kupa na̱ za ta̱, reve Fagiye ulobo wa Okiran, zagbain vu ugundo wa Asha, u ta̱wa̱a̱ na̱ kucci va̱ yi.

73 Kucci va̱ yi ɗa mataɗa ma̱ ta̱ ma azurufa mo ume shekel ukpaku na̱ mata'atsu (130), na̱ mapara ma gbain ma̱ ta̱ ma azurufa mo ume shekel kupocindere, u makundatsu ma̱ a̱a̱'isa̱, suru nle tapu na̱ yira i lashi uja̱mba̱ru na̱ mani'in adama a̱ kucci vi ishina, 74 na̱ mataɗa ma̱ ta̱ ma zinariya mo ume shekel kupa, tapu ni itana i ma̱guru, 75 na̱ moggono ma nan ma̱ ta̱, na̱ a̱a̱giri'i a̱ ta̱ na̱ ma̱giri'i ma̱ ta̱ ma aa'wan a̱ ta̱ nu umatsun adama a̱ kucci vu ukula̱tosu, 76 na̱ ma̱ga̱ji ma̱ ta̱ adama a̱ kucci vu unusu, 77 no ogono e nan e re na̱ a̱a̱giri'i o ton na̱ nga̱ji n ton na̱ mugiri'i n ton ma aa'wan a̱ ta̱ ta̱ nu umatsun adama a̱ kucci muwwulai. Ele ɗa kucci va Fagiye ulobo wa Okiran.

78 O urana wa kupa ne ejere, reve Ahira ulobo wa Enan, zagbain vu ugundo wa Nafutali, u ta̱wa̱a̱ na̱ kucci va̱ yi.

79 Kuci va̱ yi ɗa mataɗa ma̱ ta̱ ma azurufa mo ume shekel ukpaku na̱ mata'atsu (130), na̱ mapara ma gbain ma̱ ta̱ ma azurufa mo ume shekel kupocindere, u makundatsu ma̱ a̱a̱'isa̱, suru nle tapu na̱ yira i lashi uja̱mba̱ru na̱ mani'in adama a̱ kucci vi ishina, 80 na̱ mataɗa ma̱ ta̱ ma zinariya mo ume shekel kupa, tapu ni itana i ma̱guru, 81 na̱ moggono ma nan ma̱ ta̱, na̱ a̱a̱giri'i a̱ ta̱ na̱ ma̱giri'i ma̱ ta̱ ma aa'wan a̱ ta̱ nu umatsun adama a̱ kucci vu ukula̱tosu, 82 na̱ ma̱ga̱ji ma̱ ta̱ adama a̱ kucci vu unusu, 83 no ogono e nan e re na̱ a̱a̱giri'i o ton na̱ nga̱ji n ton na̱ mugiri'i n ton ma aa'wan a̱ ta̱ ta̱ nu umatsun adama a̱ kucci muwwulai. Ele ɗa kucci va Ahira ulobo wa Enan.

84 Ele nda ele ɗa kucci na azagbain a aza a Isra'ila a cayi adama o ucasu u masa'a a mantsa ma na a̱ tsun niyi mani'in: ntaɗa n azurufa kupa ne ejere na̱ mpara m gbagbain n azurufa kupa ne ejere na̱ ntaɗa n zinariya kupa ne ejere. 85 Mataɗa ma azurufa suru ume u shekel ukpaku na̱ mata'atsu (130), mapara ma gbain suru ume u shekel kupocindere. Suru suru, ntaɗa n azurufa'a ume u le shekel ukpakukupa ure nu ukpakuna̱shi (2,400) u makundatsu ma̱ a̱a̱'isa̱. 86 Ntaɗa n zinariya kupa ne ejere n na n ri tapu ni itana i ma̱guru ume wu za ta̱ suru shekel kupa, u makundatsu ma̱ a̱a̱'isa̱. Suru suru, ntaɗa n zinariya'a ume u le ukpaku nu ushin (120). 87 A̱bunda̱ e iliyamunga i na a cayi adama a̱ kucci vu ukula̱tosu ele ɗa muggono mi inan kupa ne ejere, na̱ a̱giri'i kupa ne ejere na̱ mugiri'i kupa ne ejere ma a'wan a̱ ta̱ ta̱ nu umatsun, oɓolo na̱ kucci vi ishina le, oɓolo na̱ nga̱ji kupa ne ejere adama a̱ kucci vu unusu. 88 A̱bunda̱ e iliyamunga i na cayi adama a̱ kucci muwwulai ele ɗa ogono e inan ushin na̱ a̱za̱ a̱ na̱shi, na̱ a̱giri'i kupota̱li na̱ nga̱ji kupota̱li na̱ mugiri'i kupota̱li ma aa'wan a̱ ta̱ ta̱ nu umatsun. Ele ɗa kucci adama o ucasu u masa'a ana o kotoi a̱ tsusa̱n yi mani'in.

89 Mantsa ma na Musa uwai a̱tsuma̱ o Oogodo o Uga'asusan adama u yuwan adanshi na̱ A̱sulazuva biti, reve wu uwwa uɗyo a yuwusan adanshi na̱ a̱yi e memere ma nan kerobobi e re zuva vi ikpa̱ta̱tsu ya Akpati a Nzuwulai.