Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Makesia ketei gade nreu dilu nah makeyi teilu.
Lungciep peeilu nah pecai zuilu.
RAMPAUBE de nlumlu nah makeyi teilu;
kideube ga lungh lu nah samsang eh kwaklu.
Ring kelame deu gade RAMPAUBE keyi de ngau kera Ih nlumlu meliecai a da daitei dizie bi?
Nsung gailo, RAMPAUBO, n ngaugia ta nah n samkakkelu samsang;
kedanemene cidungde ndaa de bamdi delu.
A rehangdau kemau tei kedidung nah Ih renia kegaidung de nsung helo;
Samkakkelu samsang dele acu nsung gailo n keyi de ziemne, RAMPAUBO!
RAMPAUBE au pe lampui pelane ga masang
nah samsang eh pe ta leune teila.
Iciude nang daipaibe samsang, mzui nah matei kensam bi kecu ci luzie,
nah lampui keyi leune ci luzie.
Minadung lukeneu au masang kecu,
nah kegahme au kenretme swade yiki.
Dede Rabe tsi au keku, suiyi, lungciep, helungketie, mizai keyi, keyi, masang, kenciep, nah mikatei mide ketip kecu; aidungde de mmau kela hezai gede gah.
Cine, anui peting keyi ngau keludau, anui mina pelane dage ma keyi teigai maisia, nah bam keraide kenlum kilungme dage.
Nnui mui gade sam kesiabe kette peu rangpet so, dede sam keyibe, mi teumai kesiabe mide teu cuhlu kerabe rünne ranglu, iciude kekingneime de peu ngaugia ngaulu zie.
Meliene, hangge ge dade nnui zai yi nah helung ncieplu, ketket maugi beulu, Khrista gade Tinggwang nnui maugi kebeu nzwa.
Keku
Keku depeu hezai gade diso. Kesiabe de ngkaulu; keyibe kerakteu bamlu.
Kesiabe depeu ncu ngam diso, dede keyibe teu kesiabe de ngamlu.
Kenlumme suirang ketei
"Ma pelane tei lubui," dede ma pelane pe kemmi gah. "Ma pelane tei lubui," dede ma pelane mide tei mmi lu lama.
Nnuide cwa diso: "Mi kangngwa kesia gade mizai keyi de teimsia dila."
Nah Tinggwang ngaugia pelane pwa ncu peulu kebui bam, ciu eh ma pelane gade, kehei daude, nang teu maikesia leune bam eh, heta keyi leune ga nda kepui bamlu kerane.
nah cinzwa eh mipuidung de peu penui zai teu siakte nah penuide kezeu eh peu penui nia petaube teuneu, penui peutam pwa mede kecak nah tangtsu pemi kehungbe, mede penui nia kehungbe teu mene, dede bata keyidung Tinggwang de reca kelame pui ziemne tei kezeube pwa hepwa teineu.
Khrista Jisu anui ziemne pe pum kaibeu, iciu eh anuide kemau pelane gade rilu nah tei mcilu kerane, nah anuide peu p mina teilu eh bata keyidung teilu kerane.
Dede makie aide ziemne, n kenlum gage keyi silu kera nnui laikai teilu; delwe keyi gage, maci silu; maci gage, nnuide kezeu silu; nnuide kehezeu gage, liakecu silu; liakecu ga kemci teilung silu; kemci teilung ga, caihereiswacing kereku kecu silu; nah caihereiswacing kereku ga, keku silu.
Nnui makeyibe teineu lacai caune nnuide tei rejam laino?
RAMPAUBE aide rangla, "Puihai ga saplwe pielo; puigwadung daiga bambi keteu lo.
‘Lampui keyi daiga no?’ Cika mie eh nnui ziemne kemtak bam ge peeilu.
Dede minadung cu, ‘Anui mie lak,’ dedi.
Rampaube au yi, keherei tingdau minadung de gum beula; nah pa peda nreu kegwangme ma piela.
Mede mina mi mtaulwe mabung kang gage kaizeu lama, dede mitaubam gage kaila, nah cide kilung ga kebam pelane ziemne gi mbaa beula. Peu n kebaa de mina dwade gi mbaa lulo, iciu de penui n ta keyidung de ngau eh tinggim ga kebam n Pei de twalu kerane.
Nnui Pei Tinggwang mide ngaunggia kecu nzwa eh, nnuide mide ngaunggia lulo.