Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
जेड़ी दया बाओ आपणे बाल़का पाँदे करोआ,
प्रभु बी आपणे पग्ता पाँदे तेड़ी ई दया करोआ।
पर तूँ, ओ प्रभु, दयालु ओर कृपा, देरिया ते गुस्सा करने वाल़ा,
करूणा ओर सच्चाईया ते परेया रा परमेशर ए।
कऊँकि तेरी अटल प्यार जिन्दगिया ते बी खरी ए,
मां आपणे मुंए ते तेरी तारीफ करनी।
आसे खत्म नि ऊए; ये यहोवे री महान करूणा रा फल ए, कऊँकि तेसरी दया अमर ए। से दया हर प्यागा खे नयी ऊँदी रओई; ओ यहोवा तेरी सच्चाई महान ए।
यहोवा सिय्योनो री शकाईता रा ज्वाब देओआ, "क्या एड़ा ऊई सकोआ कि कोई माये आपणे दूद पींदे बच्चे खे पूली जाओ ओर आपणे जमाए रे बच्चे पाँदे दया नि करो? आ, से तो पूली सकोई, पर आऊँ तुसा खे नि पूली सकदा। देख, मैं तेरा नाओं आपणे आथो पाँदे लिखी राखेया, आऊँ सदा तेरे बारे दे सोचदा रऊँआ।
तेबे बी परमेशर इजी रिया तँईं देरी करोआ ताकि तुसा पाँदे अनुग्रह करो ओर इजी री खातर से ऊच्चे उठणा ताकि तुसा पाँदे दया करो, कऊँकि परमेशर यहोवा न्यायी परमेशर ए; सेयो माणूं कितणे तन्य ए जो तेस पाँदे उम्मीद लगाई राखोए।
ओ यहोवा, तेरे जेड़ा कोई परमेशर नि ए; तूँ तिना लोका रे पापा खे माफ करेया जो बची गे दे ए, मतलब तेरे लोक। तूँ सदा गुस्से दे नि रंदा; तूँ आसा खे ये दखाणे दे बऊत खुश रओआ कि तूँ आसा ते सच्चा प्यार करेया।
मां यहूदा रा कराना मजबूत बनाणा। मां यूसुफो रा गोत्र बचाणा। मां सेयो वापस ल्याऊणे कऊँकि आऊँ तिना ते बऊत प्यार करूँआ। एड़ा लगणा जेड़े मैं सेयो पेजे ई नि थे। आऊँ तिना रा परमेशर यहोवा ए। मां तिना री मताद करनी।
लोका ते बोलो कि स्वर्गदूता री सेना रा यहोवा ईंयाँ बोलोआ, कि जो सच्च ए सेई करो, ओर एकी दूजे साथे दया ओर कृपा रा बर्ताओ करो। बिदुआ जवाणसा रा फाईदा नि उठाओ। जिना बच्चेया रे बाओ मरीगे दे ए, तिना अनाथा साथे बुरा बर्ताओ नि करो। परदेशी लोका या गरीब लोका साथे बुरा बर्ताओ नि करो। एकी दूजे रे खलाफ बुरिया योजना नि बणाओ।"
तुसे लोक परमेशरो री पवित्र और प्यारी चूणी री प्रजा ए। तेबेई तुसे लोक बड़ी करूणा और पलाई, दीनता, नरमाई और सईन शीलता खे तारण करो।
एकी दूजे-पाँदे कृपा करने वाल़े और दयालु बणो। जिंयाँ परमेशरे मसीह रे तुसा रे पाप माफ कित्ते, तिंयाँ ई तुसे बी एकी-दूजे रे पाप माफ करो।
आखरी रे ये कि तुसे सब के सब एक मन, दयालु, पाईचारे रा प्यार राखणे वाल़े, करूणामय और नम्र बणो।
पर जेस केसी गे बी दुनिया री सम्पति ओ और से आपणे पाईए खे कंगाल़ देखी की तेस पाँदे तरस नि खाणा चाओ, तो तेसरे परमेशरो रा प्यार किंयाँ बणी की रई सकोआ?
म्हारे प्रभु यीशु मसीह रे पिता परमेशरो रा धन्यवाद ओ। परमेशर दया रा पिता और सब प्रकारा री सुख-शान्ति देणे वाल़ा ए। परमेशर म्हारे सबी क्ल़ेशो रे सुख-शान्ति देओआ ताकि आसे बी ओरी लोका खे तिना रे क्ल़ेशा रे सेई सुख-शान्ति देई सकिए जो परमेशरो ते आसे पाई राखी।
कऊँकि आसा रा प्रदान पुरोईत एड़ा निए, जो म्हारी कमजोरिया रे आसा साथे दु:खी नि ऊई सको, बल्कि से सबी गल्ला रे आसा जेड़ा परखेया, तेबे बी पापी नि निकल़ेया।
खुशी करने वाल़ेया साथे खुशी करो और रोणे वाल़ेया साथे रोओ।
ओ साथी विश्वासियो, आँऊ इना शब्दा साथे आपणी चिट्ठी बन्द करूँआ। खुश रओ, सिद्ध बणदे जाओ, एकी दूजे खे औंसला देंदे रओ, एक ई मन राखो, मेल-मिलापो साथे रओ। तेबे प्यार और शान्तिया रा परमेशर तुसा साथे रणा।