Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Mipei ge pe namedung dade pezai keyi nzwa,
RAMPAUBE au pecu rüt kelamedung de cinzwa eh ngaunggia la.
Dede nang, Rampaubo, au ngaugiabe nah ngaugia Tinggwang,
zette rata lama, nah samkak kesamsangbe nah kenlum kesangbe ne kepui tei.
Kedanemene n samkak kelu kesamsang au teilung swade yiki,
a muileu ncu twa zie.
RAMPAUBE keku bam mui kela de madaude penlih gah nah Pe ngaugia de madaude cangdi lama,
cidung au tingcang ramsang heci lula; n kesamsang au dizu.
"Mipui ge pe na de nsung tadi lubui ni, pe tung gade tungbam kecudau, cine pa ne nna kelu pe na da ngaugia bam meni?
Yeo, penui nsung tadi lubui, dede Ih au ncu nsung tadi lak.
Pielo, Ih a badeu gage n zi rau pwabam; n kiriedung de a dwaga bammui la.
Dede RAMPAUBE au nnuide hung eh kwabam, cine pa au nnuide ngaugia keulia kera mtei pwabam.
Kedanemene RAMPAUBE au kemzui Tinggwang; pecu kwa kebamme samlam pungtu.
Nang kenzwa cau Tinggwang bam no,
kemau keugi beu kela
bang kebam n mapwame hezai gikah kedime mau gibeu kela?
Pa pe rata kelungta kainzeu la ma,
kedanemene pa pe samkakkelu kesamsang pesui la.
Ih Judahme de tei ngking beu zie nah Joseph leuhme de kelibeu zie; Ih penuide peu lunghyi dailu zie nah penuide ngaunggia beu zie. Penuide Ih madaude lang gidi kemak nzwa dizie, kedanemene Ih RAMPAUBE penui Tinggwang, nah Ih penui kekie teibeu zie.
"Reugwame reu RAMPAUBE aide rangla, ‘Kemzuibe teu eh tiak lu, samkak kelu kesamsangbe, nah ngaugiabe. Hangge ge de peu pe sinabe dade henalu nah ngaungia bamlu. Hemipui nah nggiana, sangme, nah kegame, de tei keherei so, nah nnui hangge gede tei rezam kera nnui mlung gade riem so.’
Ciziemne, Tinggwang ne kedetkelume ge, mci nah pekume tei eh, mide ngau kenggia, keku, mizai kehenah, kenciep nah helungketie teu bah lulo.
Meliene, hangge ge dade nnui zai yi nah helung ncieplu, ketket maugi beulu, Khrista gade Tinggwang nnui maugi kebeu nzwa.
Keyi keteine keherei kecu
Dede kamtube, nnui pelane macet ga ket teilu, kengaugia eh, siname keku nzwa, milung nciep, nah henah lu.
Dede keheibede kideube mabamdung bam eh pe sinabe teu maikesia ngau de pecu nghabeu mecai, dainzwa eh peda Tinggwang keku de bamlu laino?
Tinggwang pelane de kerelui peula
Tinggwang nah anui Rampaube Jisu Khrista Peibe, ngaugia Peibe nah maleune gade helungtaumla beu kelabe Tinggwang de peu hetwa pungkelube tei lulo, pa ne anui rei pelane gade anuide tei relui beula, iciu eh anui kehei leu ga rei kelame de Tinggwang ne anuide tei relui kebeu de teu kerelui peulu kerane.
Kedanemene anui kemneidung ziemne ngaunggia gai kelakbe cingkupei kedibe anuida bam ma, dede ma pelane gade anuide nzwa kedei kecube ge bam, dede kemau tei ma.
Pesui yi kelame de ngngwa suiyi nsamlu; hap kelame de ngngwa haplu.
Kelumkegai kekambe
Kekambe, sinamedung, nnui suiyi lu! Yicangsiak lu, hangge ge de kecunglu, kesuizwa lu, kezuyi eh lunghlu. Iciu de keku nah lungciep Tinggwang nnuide ngngwala luzie.