33 Ə̂rɔ̂ ərə nə̂ Ndjapä də kə wusə̂ ərə nə̂ ye gâ ndə âdâ kə mbrə aərə nə̂ ye lî atâ a! Ə̈bə̈ əzü bale lï lï ndə kə pa tshə wusə̂ âdâ kə wu aərə lə ala ye ne, ka ə dji tshelə âdâ kə mbrə aərə nə̂ ye ne!

17 â sə kə yu Ndjapä nə̂ Âgbɔ̂ Əyïngerə nə̂ əzə̂ də Jezu Kristə nə, tə Abä lə ə̂yî kɔ, ndə kə pa tshə za Yîrə̂ kə wusə̂ ərə nə kə e, ə̂në tshə sə kə yisə̂ ye kə e gashu ndə kə pa e yerɔ ətshə kpro kɔ.

18 Bale, e gërə alɔnɔ̂ lə ə̂rɔ̂tə̂ Âgbɔ̂ Əyïngerə nə̂ əzə̂ də Awoshe əzə̂, Jezu Kristə, ndje lə kə yerɔ ətshə kpro. A mbë ətshə kpəsəye ʉrrr piii! Asərəmə!

3 Jezu pâ əpʉ kə ətshə ə pa: «Djatra əpʉ, mə pa kə əbə, kədə əndje zu ə̈bə̈ əzü zu kwatəndje* ne, tshə lï lï ndə kə wu Əgɔngerə nə̂ Ndjapä ne.»

26 Jezu shêkɔ əndje ʉrrr ə pâ kə əndje ə pa: «Ərə ə̂në azü lï lï ndə kə ma nə ne, Ndjapä lï ndə kə ma nə.»

35 Bale, Jezu sə̂ gâ tʉ ə ê atrawaya nə̂ ye nə morofo amanə bishi ə pâ kə əndje ə pa: «Kədə əzü kə yində kə sə tə əzü tshitshi nə, ə sə tə ə̂rɔ̂nə ndə kə pa tshə sə tə əzü tshe mandânə nɔ̂ ə sə tə əyïkosəra nə̂ ə̂dû angâ nə nɔ̂.»

28 Rəkɔ, əpʉ Juwufu wala əpʉ ə̈bə̈ əzü lə marä kpî sə sə je kwatə̂ye ne, əpʉ kanga wala əpʉ amba əzü sə sə je kwatə̂ye ne, əpʉ koshe wala əpʉ yashe sə sə je kwatə̂ye ne, mbrə ə̂në e-e nɔ̂, e sə kʉ bale lə Jezu Kristə nə. 29 Â kədə e sə tə azü nə̂ Kristə nə, bale e sə tə aləvu Abraamo nə â e sɔtə̂ ərə nə ə̂në Ndjapä nə zâ ama də əpʉ nə gâ ye kɔ je.

21 e wü tshelə aəpʉ nɔ̂ ə bäta ənə̂ sə̂ ə̂në ə sə tə ə̂rɔ̂nə kɔ; 22 e kpë tə̂ e tə̂ âkâ aəmbrʉ aərə nɔ̂.

3 Banda əpʉ, a sə tə azü, bale ä sə sə kə mbrə koshe lə əzü tə̂ ä ne.

18 Ä li lishi ndje gâ tə̂ aərə ə̂në ala əzə̂ wu ə wu kɔ ne, bale ä ko ala ä kʉ gâ tə̂ aərə ə̂në ala əzü wu wu ne kɔ. Mbrə ə̂në aərə ə̂në ala əzü wu ə wu kɔ, ə sə kʉ mbrə ə̈bə̈ alɔ â aərə ə̂në ala əzü wu wu ne kɔ sə ənə̂ ye piii.

13 Kədə ə̈bə̈ ərə kə trâ lɔsu əzü, tshə pä pä: «Ndjapä kə tra lɔsu əmə kɔ» ne. Mbrə ə̂në əmbrʉ ərə lï lï ndə kə pa ə tra Ndjapä ne, â Ndjapä nə də ə̂tə̂ ye tra lɔsu əzü tra ndje ne.