A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
Ih penui da bam, nah nang ada bam, ciciu eh penui gwang ngngwa ket teicang siaklu kerane, ciciu eh kideube nang acu langgai lie kecu, nah nang acu keku nzwa penuide de ku kela cilu zie.
Ih nnui hangge ge de hung lulo eh samkak keheci ge peula; Ih nnuide hungkela nzwa, cine nnuide hangge ge hunglu maisia. Nnui hangge ge de hung lucai, aide gade mina pelane nnui a caisuime lie kecu cilu zie."
Nlum kelume pelane ngngwa ket teidi nah ma pelane ga ngngwa kemacütdi, nah penui penui gunia nah mabamdung zwalwe, cidungde teumaikesiame de mzi beudi. Penui tingba ramsang ne kerecaki ga gwang ngkwala, nah penui kidung gade tangku tei poplwe penui suiyi nah ket tei eh ngngwa ketak tyeila, Tinggwang de twa nah mina pelane de ngngwa kezuyi bamdi. Nah Rampaube Tingba ramsangne kelikelume de penui maa gage si gaibeu bamdi.
anui ngau nah siu kelube nnui dage de ndulia gaila, ciu eh nnuide anuide ngngwa kekangbau lu kerane. Anui ngngwa kekangbau kecude au Peibe nah pe Na, Jisu Khrista de.
Aide gade anui keku ci lula: Khrista anui ziemne pe teilung kaibeu. Nah anuide sinamedung ziemne anui teilung kaibeu maisia.
Cine nnui teibam kela nzwa, hange ge lung taumla nah ket ket de ngha bam lulo.
Cide cai, nnui kakgade acu de nah nnuide de kecunglu kera Ih regui bamlei, hangge ge kenlum, n kenlum nah a kenlum gade.
Midung ge nzwa, anui kangbau eh ngkwa bam kelade mtakdi helo. Meliene, anui hangge gede teingkuu si lugo, pe tingba de gwang nna reu reu kebamde ngau eh.
Hegeu ne hegeu de tei nzau la;
ci nzwa eh, mina ne pe zangme de tei nzau lula.
Hangge ge püt cuilu, iciude nnui Khrista zaibe teicang luzie.
Cine, anui peting keyi ngau keludau, anui mina pelane dage ma keyi teigai maisia, nah bam keraide kenlum kilungme dage.
Mi hangge swa hangna yiki;
penai ncüt delwe penai bata gade ziehi keyi hi lula.
Kedanemene magade hangge kaumie di liede, kedage ne pe zangbe de teu cuh lubui.
Iciuliede, mige pekatei nli kebambe de au, pa kau kedi dau lungrei pecai sui dila
magade migede pecu teucuh lu kera gah liecai.
Magade hangna zeu ncüt lucai, penai lum lubui,
Dede dainzwa mige pekatei lumlu zie no?
Mi hangge pekatei kebambe de au ngam di lubui,
dede hangna au gwaketang kebam gade sap lubui,
nah heria kecum teu ncüt kelube cak zette di lama.