1 Aneshe, e djï əpʉ ama alabä e də alayï e lə Âgbɔ̂ Əyïngerə nə, mbrə ə̂në ə sə də äwänə. 2 «Lʉ̈ abä zə də əyï zə» sə tə əlî əpʉ, lə aâgbɔ̂ aəpʉ morofo, ə̂në Ndjapä zâ ama də ə̈bə̈ əpʉ mandânə kɔ ə pa: 3 «kanika bə sə tə ə̂rɔ̂nə ə lo ʉrrr pâ ashɔ.»*

4 E-e ndje, alabä, e zä əkɔ zä gâ tə̂ lɔsu aneshe nə̂ e ne, bale e bäta əndje tə̂ äwä kə yisə̂ äwä kə əndje də kə mʉ aəpʉ nə̂ Âgbɔ̂ Əyïngerə gâ lə ətu əndje.

4 E-e ndje, alabä, e zä əkɔ zä gâ tə̂ lɔsu aneshe nə̂ e ne, bale e bäta əndje tə̂ äwä kə yisə̂ äwä kə əndje də kə mʉ aəpʉ nə̂ Âgbɔ̂ Əyïngerə gâ lə ətu əndje.

1 Ə̂në e sə tə aneshe ə̂në Ndjapä ə yində e ngbatshe kɔ, e mbrə̈ ərə mata Ndjapä nə,

20 Aneshe, e djï əpʉ ama alabä e də alayï e lə aərə nɔ̂, mbrə ə̂në ə fʉ ə fʉ tə̂ Âgbɔ̂ Əyïngerə.

21 Alabä, e mä ərə mä ndə kə za əkɔ gâ tə̂ lɔsu aneshe nə̂ e ne, ka lɔsu əndje te te ne.

14 Bale, Jezu pâ: «E kätə̂ aaya aneshe əndje na gâ tə̂ əmə. E känga äwä känga tə̂ əndje ne. Mbrə ə̂në Əgɔngerə tshelafɔ sə tə ənə̂ azü ə̂në əndje sə mata əndje kɔ.»

14 Bale, Jezu pâ: «E kätə̂ aaya aneshe əndje na gâ tə̂ əmə. E känga äwä känga tə̂ əndje ne. Mbrə ə̂në Əgɔngerə tshelafɔ sə tə ənə̂ azü ə̂në əndje sə mata əndje kɔ.»

1 Tə̂ alɔ nə səkɔ, atrawaya nə nâ gâ ngotə̂ Jezu ə yû ətshə ə pa: «Əde kə sə tə âgbɔ̂ əzü ə rô angâ nə lə Əgɔngerə tshelafɔ?» 2 Bale, Jezu ê ə̈bə̈ aya əgblə ə zâ ətshə tɔ gâ lə ə̂grû tə̂ əndje 3 ə pâ: «Djatra əpʉ, mə pa kə e: kədə e tshi äwä angbrɔ kə ma tə̂ e tshi tʉ â sə sə mata aaya aneshe ne, e sə sə kə li gâ lə Əgɔngerə tshelafɔ bale ne. 4 Âdârə ə̂në əzü â ma tə̂ ye tə əngʉ əzü mata aya əgblə səye, tshə sə kə sə tə âgbɔ̂ əzü ə rô azü nɔ̂ lə Əgɔngerə tshelafɔ.

3 ə pâ: «Djatra əpʉ, mə pa kə e: kədə e tshi äwä angbrɔ kə ma tə̂ e tshi tʉ â sə sə mata aaya aneshe ne, e sə sə kə li gâ lə Əgɔngerə tshelafɔ bale ne. 4 Âdârə ə̂në əzü â ma tə̂ ye tə əngʉ əzü mata aya əgblə səye, tshə sə kə sə tə âgbɔ̂ əzü ə rô azü nɔ̂ lə Əgɔngerə tshelafɔ. 5 Əzü nɔ̂ ə̂në tshə wəra ə̈bə̈ aya əgblə tə ə̂rɔ̂nə mata ətshə ənə̂ səye də əɨrɨ əmə, tshə wəra əmə də ə̂tə̂ əmə.»

10 «Ala e gbɔ̈! E wü wü ə̈bə̈ aya aneshe səye bale tə amba əzü lə ala e ne. Mbrə ə̂në, mə pa kə e ə pa atrawaya nə̂ Ndjapä nə̂ aneshe səkɔ sə kə ka alɔnɔ̂ gâ ətshi Abä əmə ə̂në tshə sə mâ lafɔ kɔ. [

25 Tə̂ alɔ nə səkɔ, Jezu zâ əpʉ ə pâ: «Mə tɔlɔ əbə, Abä, Âgbɔ̂ Əyïngerə tshelafɔ də ashɔ, mbrə ə̂në, bə kô aərə sə̂ wû tə̂ aawowusə̂ âdâ aərə də aawowusə̂ ərə gâ ye â yîsə̂ nə gashu kə aneshe.

9 Ənə̂ əndje tə ə̂rɔ̂nə,

azü ə̂në əndje sə kə ma ndə kə pa blatshe sə lə takpa tə̂ azü kɔ,

mbrə ə̂në əndje e əndje tə aləvu Ndjapä je!

13 Azü kô aaya aneshe ə nâ də əndje kə Jezu ndə kə pa tshə za kəna ye gâ pâ əndje. Bale, atrawaya nə ngâ kə azü nə. 14 Ə̂në Jezu wû ərə səkɔ, tshelə ye kô ətshə â tshə pâ kə atrawaya nə ə pa: «E kätə̂ aaya aneshe əndje na gâ tə̂ əmə! E känga äwä känga tə̂ əndje ne, mbrə ə̂në Əgɔngerə nə̂ Ndjapä sə mbrə azü ə̂në əndje sə mata əndje kɔ.

36 Mandânə, tshə zâ ə̈bə̈ aya əgblə ə zâ ətshə tɔ gâ lə ə̂grû tə̂ əndje ə zâ ətshə gâ ala əkro ye ə pâ kə əndje ə pa: 37 «Əzü nɔ̂ ə̂në tshə wəra ə̈bə̈ aya əgblə mata ətshə ənə̂ səye tə ə̂rɔ̂nə də əɨrɨ əmə, kandää, əmə də ə̂tə̂ əmə də̂ tshə wəra əmə tə ə̂rɔ̂nə kɔ. Əzü ə̂në tshə wəra əmə tə ə̂rɔ̂nə, ə də̂ əmə kʉtə̂ əmə də̂ ə̂tə̂ əmə də̂ tshə wəra əmə kɔ ne, bale, tshə wəra ndje əzü ə̂në tshə wlâ əmə kɔ tə ə̂rɔ̂nə.»

52 Jezu gêrə ə sə̂ kə gbɔgbɔ tə̂ ye, kə wusə̂ ərə nə̂ ye ô na ye gâ lafɔ əlo bale bale, tshə fʉ̂ lə ala Ndjapä ə fʉ̂ ndje lə ala azü.

15 Mandânə ə̂në əndje zɨ̂ rəgo nə gâ ye kɔ, Jezu nə pâ kə Shemɔ Piarə nə ə pa: «Shemɔ, ɨrɨ Zââ, bə yində əmə ə rô pâ əndje ənə̂ səye a?» Tshə kîrə əpʉ kə ətshə ə pa: «Ayî, Âgbɔ̂ Əyïngerə, əbə, bə wusə̂ nə ə pa mə yində zə.» Jezu nə pâ kə ətshə ə pa: «Bäta aaya andalimi nə̂ əmə.»

12 Bale, azü nɔ̂ ə̂në əndje yîndə əpʉ ye nə â zâ lɔsu əndje kə ətshə kɔ, tshə zâ äwä kə əndje ndə kə pa əndje do tə̂ əndje tə aneshe nə̂ Ndjapä.

14 Mbrə ə̂në azü nɔ̂ ə̂në Yîrə̂ nə̂ Ndjapä nə sə kə yisə̂ äwä kə əndje kɔ sə tə aləvu Ndjapä nə.

15 Mbrə ə̂në ə də̂ yîrə̂ kə mbrə e tə akanga, ə̂në ə daka pə kə mbrə awa gâ lə e kɔ, də̂ e sɔ̂tə̂ nə kɔ ne, bale e sɔ̂tə̂ Yîrə̂ ə̂në tshə mbrə̂ e tə aləvu Ndjapä gâ ye kɔ, ə̂në tə̂ äwä ye a sə kə ta râwâ tə̂ Ndjapä ə pa: «Abba! Abä!» kɔ.

16 Yîrə̂ nə də ə̂tə̂ ye sə kə pa əpʉ kə yîrə̂ əzə̂ ə pa a sə tə aneshe nə̂ Ndjapä.

19 Aərə nɔ̂ ə̂në Ndjapä mbrə̂ gâ ye kɔ ka ə ka ndə kə pa alɔ ə̂në Ndjapä nə ə yisə̂ aneshe nə̂ ye gashu tə̂ nə kɔ wutu diawû.

26 Mbrə ə̂në e sə nɔ̂ tə aləvu Ndjapä tə̂ äwä əpʉ lɔsu e lə Jezu Kristə nə. 27 Djatra əpʉ, e-e nɔ̂ ə̂në e zâ batamo də əɨrɨ Kristə nə gâ ye kɔ, e yî Kristə nə gâ tə̂ e gâ ye.

1 E wü marä tə̂ kə yində əzə̂ ə̂në Abä yîndə əzə̂ kɔ, ndə kə pa tshə e əzə̂ tə aneshe nə̂ ye kɔ, â tə̂ banda əpʉ, a sə tə aneshe nə̂ ye nə! Mbrə nə, tshepashɔ wusə̂ əzə̂ wu ne, mbrə ə̂në ə wûsə̂ Ndjapä nə wû ne.

2 Alaye ə̂në mə yində e ngbatshe kɔ, mandânə səye a sə tə aneshe nə̂ Ndjapä, â marä tə̂ kə sə əzə̂ nə te te pa ə wutu gashu ne. Bale, a wusə̂ nə ə pa, tə̂ alɔ kə gu Kristə nə, a sə kə sə a pa də ətshə, mbrə ə̂në a sə kə wu ətshə mata ə̂në tshə sə kɔ. 3 Əzü nɔ̂ ə̂në tshə za lɔsu ye gâ pâ əpʉ Kristə nə rə, tshə sə kə mbrə tə̂ ye mvo, mata ə̂në Kristə nə sə mvo kɔ.

12 Aneshe nə̂ əmə, mə ta ngrowô səye kə e, mbrə ə̂në Ndjapä gbâ tshelə anyaka lə kumu e mbrə əɨrɨ Jezu Kristə nə gâ ye.

21 Aneshe nə̂ əmə, e bäta tə̂ e tə̂ aamba andjapä.

4 tshə wüsə̂ kə yisə̂ äwä kə azü tshelə anda nə̂ ye tə ə̂rɔ̂nə, tshə bäta aneshe nə̂ ye tə̂ äwä kə dji əpʉ ama, də kə lʉ azü.

8 Kədə ə̈bə̈ əzü kə bata alayɔ nə bata, dîrî dîrî azü tshelə anda nə̂ ye ne, tshə tshî äwä əpʉ lɔsu tʉ gâ ye â sə tə əmbrʉ əzü ə rô əzü ə̂në tshə wusə̂ Ndjapä wu ne kɔ.

5 Â əpʉ ə̂në əndje pâ kə e tə aləvu ndə kə gbɔgbɔ e kɔ, ə̂sə̂ nə rô e gâ ye, ə̂në ə pâ:

«Ɨrɨ əmə, kədə Âgbɔ̂ Əyïngerə kə da əbə ndə kə yisə̂ äwä kə əbə,

wü wü tə dəngʉ ərə ne,

â alɔ ə̂në tshə ngâ kə əbə,

tshelə kəna zə tɔ̈ tɔ̈ tə̂ äwä nə ne.

6 Mbrə ə̂në Âgbɔ̂ Əyïngerə sə kə da əzü ə̂në tshə yində ye kɔ ndə kə yisə̂ äwä kə ətshə,

ɨrɨ nə nɔ̂ ə̂në tshə yerɔ ətshə,

tshə sə kə da ətshə də ndjapa.»*

7 Mbrə kə yisə̂ ərə kə e də̂ e wu əyo kɔ. Ndjapä sə kə mbrə tə̂ e rə tə aləvu nə. Ɨrɨ əde də̂ abä nə da ətshə da ndə kə yisə̂ äwä kə ətshə ne? 8 Kədə Ndjapä kə da e da mata aləvu nə nɔ̂ ndə kə yisə̂ äwä kə e ne kɔ, e sə sə tə djatra aləvu nə ne, bale e sə tə aneshe tsheshu. 9 A sə də alabä pâ ashɔ səye, ə̂në əndje sə kə da əzə̂ ndə kə yisə̂ äwä kə əzə̂ â a sə kə kpe rawa əndje kɔ. Bale, a lï ndə kə pa a dji əpʉ ama Abä əzə̂ də Ndjapä nə ə ro, kanika a sə də sorô.

11 Alɔ ə̂në əndje da əzü ndə kə yisə̂ ərə kə ətshə, tshelə ye sə sə kə mɔ nə kʉ pə tə̂ alɔ nə sə̂ ne, ə sə kə za əyo gâ tə̂ lɔsu ye. Bale, tala mandânə, azü nə ə̂në əndje yîsə̂ ərə nə kə əndje kɔ, əndje sə kə sɔtə̂ ə̂rɔ̂ ərə ə̂në kə yisə̂ ərə nə mbrə̂ kə əndje kɔ: blatshe də kə mbrə ərə də äwänə.

31 Əndje kîrə əpʉ ə pa: «Zä lɔsu zə kə Âgbɔ̂ Əyïngerə Jezu kanika ə she lə kuzu, əbə də azü tshelə anda nə̂ zə nɔ̂.»

22 Kpë gashe tə̂ aəmbrʉ aəgo aərə ə̂në ə sə tə̂ lɔsu amɔdɔ kɔ. Grɔ̈ də̂ äwä kə mbrə ərə də äwänə, äwä əpʉ lɔsu, äwä kə yi tə̂, äwä kə sə də blatshe də azü ə̂në əndje sə kə yu Âgbɔ̂ Əyïngerə də lɔsu ə̂në ə sə mvo kɔ.

2 Â əpʉ ə̂në bə djî lə ama əmə ətshi azü ngbatshe ə̂në əndje sə gâ ngotə̂ nə kɔ, zä gâ lə kəna azü ə̂në əndje lï ndə kə pa bə za lɔsu zə nɔ̂ kə əndje kɔ, ə̂në əndje lï ndə kə pa, əndje ndje, əndje yisə̂ nə kə alabə̈ aata azü kɔ.

4 Mə sə də âgbɔ̂ ə̂rû ngbatshe ə rô aərə nɔ̂ ndə kə dji ə pa aneshe nə̂ əmə sə kə mbrə tə̂ əndje Lïndə̂ djatra əpʉ.

4 Mə sə də âgbɔ̂ ə̂rû ngbatshe ə rô aərə nɔ̂ ndə kə dji ə pa aneshe nə̂ əmə sə kə mbrə tə̂ əndje Lïndə̂ djatra əpʉ.