Encorajamento
O encorajamento é uma das vocações mais lindas do cristão. A Bíblia transborda de palavras de ânimo: não temas, levanta-te, Eu sou contigo. Deus nos encoraja para encorajarmos outros.
Não temas
Deus diz repetidamente: não temas, Eu sou contigo. Ele fortalece, sustenta e caminha ao nosso lado em cada desafio.
डर नि, कऊँकि आऊँ तां साथे ए, ओरे-पोरे नि देख, कऊँकि आऊँ तेरा परमेशर ए; मां तूँ मजबूत करना ओर तेरी मताद करनी, मां आपणे तर्मी दाँणे आथो साथे तूँ सम्बाल़ना।
जेबे तूँ समुद्रो बीचे पाणिए बीछीए जाए, मां तां साथे-साथे रणा ओर जेबे तूँ नदिया बीछीए चलेगा, तेबे नदिया ताखे डूबाई नि सकदिया, जेबे तूँ आगी बीछीए चलेगा, तेबे ताखे सेक नि लगणा ओर आगी री लूपिया ताखे फूकी नि सकणियां।
मेरी नजरा दे तूँ बऊत कीमती ओर इज्जतदार ठईरी रा ओर आऊँ तां साथे प्यार राखूँआ, इजी बजा ते मां तेरे बदले माणूं ओर तेरे प्राणो रे बदले राज-राज रे लोक देई देणे।
इजी खे डर नि, कऊँकि आऊँ तां साथे ए, मां तेरा कराना दूरो रे पूर्ब देशो ते लई आऊणा ओर पच्छमा ते बी कट्ठा करना।
डर नि, कऊँकि तेरी उम्मीद फेर नि टूटणी; कबरा नि, कऊँकि तू फेर शर्मिंदा नि ऊणी ओर तू उदास नि ऊणी; कऊँकि तू एक जवान लाड़िया जेड़ी आपणी बेशर्मी पूली जाणी ओर आपणी बिदुआ री बदनामी फेर याद नि करनी।
यहोवा बोलोआ, जो माखे मतादा रिया तँईं पूछो पनि थे, सेयो माखे टोल़ने लगी रे; जो माखे टोल़ो पनि थे तिने आऊँ पाई ला रा ओर जिना जातिया खे मेरा नि बोलेया जाओ था, तिना खे बी आऊँ बोलूँआ, "देख, आऊँ एती आ, मां तुसा री मताद करनी।"
पर जो यहोवे खे मतादा रिया उम्मीदा ते न्याल़ोए, तिना खे नवीं तागत मिलदी रणी, सेयो उकाबो जेड़े उडदे रणे, सेयो दौड़ने ओर बेओश नि ऊणे ओर चलणे पर थकणे नि।
तेबे मैं परमेशरो रा ये वचन सुणेया, "आऊँ केसखे पेजूँ ओर म्हारी तरफा ते कुण जाणा?" तेबे मैं ज्वाब दित्तेया, "आऊँ एती ए! माखे पेज।"
याद राख कि मैं ताखे आज्ञा देई राखी, "याओ बानी की पक्का ऊई जा; इजी री खातर ना तो डरना ओर ना कबराणा, कऊँकि जेती-जेती तूँ जाणा, तेती-तेती तेरा प्रभु परमेशर तां साथे रणा।"
याद राख कि मैं ताखे आज्ञा देई राखी, "याओ बानी की पक्का ऊई जा; इजी री खातर ना तो डरना ओर ना कबराणा, कऊँकि जेती-जेती तूँ जाणा, तेती-तेती तेरा प्रभु परमेशर तां साथे रणा।"
तेबे इस्राएली लोके ज्वाब दित्तेया, "यहोवे खे छाडी की दूजे देवतेया री सेवा आसा कदी नि करनी; कऊँकि म्हारे यहोवा परमेशरे ई आसे ओर मारे बुजुर्ग मिस्र देशो रिया गुलामिया ते निकयाल़ी की ल्याये ओर आसा सामणे बऊत चमत्कार कित्ते। जेबे आसे जिना-जिना जगा रिये ऊँदे ऊए गये तेती तिने म्हारी रक्षा कित्ती।
तूँ ईम्मत राख ओर मजबूत ओ, तिना ते नि डर, कऊँकि तां साथे चलणे वाल़ा तेरा परमेशर यहोवा ए; तेस ताखे आसरा देणा ओर तूँ छाडणा नि।
ओर तांते आगे-आगे चलणे वाल़ा यहोवा ए, से तां साथे रणा ओर तेस ताखे आसरा देणा ओर ना तूँ छाडणा, इजी री खातर डर नि ओर ना नराश ओ।"
Deus está conosco
Se Deus é por nós, quem será contra nós? Tudo posso naquele que me fortalece. Ele nos encoraja pela sua presença.
इना सबी गल्ला खे त्यानो रे राखदे ऊए आसे एते नतीजे पाँदे पऊँछुए कि जे परमेशर आसा री तरफा खे आया, तो आसा रा बिरोदी कुण ऊई सकोआ?
कऊँकि तुसा लोका खे गुलामिया री आत्मा नि मिली जेते कि फेर डरने लगो। बल्कि परमेशरो रा आत्मा मिली रा जेबे तिने तुसे आपणे गोदी पुत्रो रे रूपो रे अपनाए। एबे आसे तिना खे "ओ अब्बा, ओ पिता" करी की बुलाऊँए।
आसा बीचा ते हर एक आपणे साथी विश्वासिया खे तेसरी पलाईया खे तिना खे खुश करो और तिना रे विश्वासो खे मजबूत करने री कोशिश करो कि तिना री तरक्की ओ।
आँऊ प्रार्थना करूँआ कि सब्र और इमम्ती रा दाता परमेशर तुसा खे ये बरदान देओ कि यीशु मसीह रे मुताबिक आपू बीचे एक मन ऊई कि रओ।
कऊँकि आऊँ तुसा खे मिलणे री बड़ी इच्छा करूँआ, ताकि आऊँ तुसा खे कोई आत्मिक बरदान देऊँ, जेते कि तुसे विश्वासो रे मजबूत ऊई जाओ। मेरा मतलब ये कि आऊँ तुसा खे और तुसे माखे आपू बीचे एक दूजे खे विश्वासो रे मजबूत करिए। तुसे मजबूत ऊई जाणे कऊँकि तुसे जाणोए कि मैं किंयाँ विश्वास कित्तेया और आँऊ मजबूत ऊई जाणा कऊँकि आँऊ जाणूंआ ए कि तुसे किंयाँ विश्वास करोए।
मसीह रे जरिए जो माखे सामर्थ देओआ तिदे आऊँ सब कुछ करी सकूँआ।
और माखे एते गल्ला रा विश्वास ए कि परमेशरे जिने तुसा रे खरा काम शुरू करी राखेया, तेस ई से काम जेबे यीशु मसीह फेर वापस आऊणा तेस दिनो तक पूरा करना।
जे कोई मसीह रे विश्वास करोआ, तो से नई सृष्टि ए, पुराणिया गल्ला बीती गी रिया, देखो, सेयो सब नईया ऊईगी रिया।
इजी री खातर आसे ईम्मत नि छाडदे, हालाँकि आसा रा बारला रुप नाश बी ऊँदा जाओआ, तेबे बी आसा रा पितरला रुप हर रोज नया ऊँदा जाओआ।
कऊँकि आसा रा दुँईं कअड़िया रा अल़का जा क्ल़ेश आसा खे बऊत ई खास और अनन्त जीवनो री महिमा पैदा करोआ
आसे माट्टिया रे पांडेया जेड़े ए जिदे ये धन राखी राखेया। ताकि एसा गल्ला रा पता लगी जाओ कि ये बड़ी सामर्थ म्हारी तरफा ते नि, बल्कि परमेशरो री ई तरफा तेईए। आसा खे चऊँ कनारो ते क्लेश तो ओआ, पर मुसीबता रे नि पड़दे। आसे कबराए रे तो आए, पर निराश नि ऊँदे। सताए तो जाऊँए, पर छाडे नि जांदे, रूड़ाए तो जाऊँए, पर नाश नि ऊँदे। आसे हर बखत आपणे शरीरो रे यीशुए रे दुःख और मौता खे लयी की फिरूँए, ताकि यीशुए रा जीवन बी आसा रे शरीरो ते प्रकट ओ। कऊँकि आसे जिऊँदे जिऊए सदा यीशुए री बजअ ते मौता रे आथो रे सम्बाल़े जाऊँए ताकि यीशुए रा जीवन बी आसा रे मरने वाल़े शरीरो ते प्रकट ओ।
तो प्रभुए रा डर मानी की आसे लोका खे सच्चो पाँदे विश्वास करने खे बिनती करूँए और परमेशर आसा खे पुरिया तरअ ते जाणोआ और मेरी ये उम्मीद ए कि तुसा री समजे बी आसे अच्छी तरअ जाणी ले रे कि आसे केड़े लोक ए। आसे तेबे बी आपणी बडयाईया तुसा सामणे नि करदे, बल्कि आसे आपणे बारे रे तुसा खे कमण्ड करने रा मौका देऊँए, ताकि तुसे तिना खे ज्वाब देई सको, जो मनो पाँदे निए, बल्कि दखाऊटी गल्ला पाँदे कमण्ड करोए। जे आसे ओशा रे निए, तो परमेशरो री खातर, और जे ओशा रे, तो तुसा री पलाईया री खातर ए। कऊँकि मसीह रा प्यार आसा खे मजबूर करी देओआ। आसा खे ये पक्का विश्वास ए कि मसीह सबी री खातर मरेया, तो आसे सब पुराणे जीवनो खे मरी गे। और मसीह सबी री खातर इजी खे मरेया ताकि जो जिऊँदे ए, सेयो आगो खे आपणी खातर नि जियो, बल्कि तेसरी खातर, जो तिना री खातर मरेया और तेबे जिऊँदा ऊआ।
तो आजो ते आसे केसी रा बी दुनिया रे मुताबिक न्याय नि करदे। आसे मसीह खे पईले दुनिया री नजरा ते देखेया, पर एबे आसे एड़ा नि करदे। जे कोई मसीह रे विश्वास करोआ, तो से नई सृष्टि ए, पुराणिया गल्ला बीती गी रिया, देखो, सेयो सब नईया ऊईगी रिया। ये सब गल्ला परमेशरो री तरफा ते ए, जिने मसीह रे जरिए आपू साथे आसा रा मेल-जोल करी ता और मेल-जोलो री सेवा आसा खे सम्बाल़ी ती री। मतलब-परमेशरे मसीह रे ऊई की आपणा दुनिया साथे मेल-जोल करी ला और लोका रे पापो रा दोष, तिना पाँदे नि लगाया और परमेशरे मेल-जोलो रा संदेश आसा गे सम्बाल़ी ता रा। आसे मसीह रे राजदूत ए, मानो परमेशर आसा रे जरिए लोका ते आपणा संदेश मानणे खे बिनती करने लगी रा। आसे मसीह री तरफा ते बिनती करुँए कि परमेशरो साथे मेल-जोल करी लो। मसीह निष्पाप था, पर परमेशरे आसा खे तेसते पापिए जेड़ा बर्ताव कित्तेया ताकि आसे मसीह रे ऊई की परमेशरो री धार्मिकता बणी जाऊँ।
कऊँकि जे मनो री त्यारी ओ तो दान तेते मुताबिक लया जाओआ, जो तेसगे अया, ना कि तेते मुताबिक जो तेसगे अया नि।
म्हारे प्रभु यीशु मसीह रे पिता परमेशरो रा धन्यवाद ओ। परमेशर दया रा पिता और सब प्रकारा री सुख-शान्ति देणे वाल़ा ए। परमेशर म्हारे सबी क्ल़ेशो रे सुख-शान्ति देओआ ताकि आसे बी ओरी लोका खे तिना रे क्ल़ेशा रे सेई सुख-शान्ति देई सकिए जो परमेशरो ते आसे पाई राखी।
Ânimo nas lutas
No mundo tereis aflições, mas tende bom ânimo — Eu venci o mundo. O Senhor é refúgio seguro em toda tribulação.
मैं तुसा खे यो गल्ला तेबे बोलिया, ताकि तुसा खे मांदे शान्ति मिलो, दुनिया रे तुसा खे क्ल़ेश ओआ, पर ईम्मत राखो, मैं एसा दुनिया रा सरदार शैतान जीती ला रा।"
मैं तुसा खे यो गल्ला तेबे बोलिया, ताकि तुसा खे मांदे शान्ति मिलो, दुनिया रे तुसा खे क्ल़ेश ओआ, पर ईम्मत राखो, मैं एसा दुनिया रा सरदार शैतान जीती ला रा।"
"आऊँ तुसा खे शान्ति देऊँआ, आपणी शान्ति तुसा खे देऊँआ, जिंयाँ दुनिया देओई, आऊँ तुसा खे नि देंदा, तुसा रा मन नि कबराओ और ना डरो।
"आऊँ तुसा खे शान्ति देऊँआ, आपणी शान्ति तुसा खे देऊँआ, जिंयाँ दुनिया देओई, आऊँ तुसा खे नि देंदा, तुसा रा मन नि कबराओ और ना डरो।
प्यारो रे डर नि ऊँदा, बल्कि सिद्ध प्यार डरो खे दूर करी देओआ, कऊँकि डरो ते तकलीफ़ ओई और जो डर करोआ, से प्यारो रे सिद्ध नि ऊआ।
Promessas de conforto
Vinde a mim os cansados e sobrecarregados. Lança sobre Ele tuas ansiedades, pois Ele cuida de ti.
ओ सब मईणत करने वाल़ेयो! और बोजे की दबे रे लोको, मांगे आओ, मां तुसा खे राम देणा।
जो शरीरो खे काई सकोए, पर आत्मा खे काई नि सकदे, तिना ते नि डरो, पर परमेशरो तेई डरो, जो आत्मा और शरीर दुँईं खे नरको रे नाश करी सकोआ।
आपणा बोज प्रभुए पाँदे पाई दे;
तेस तूँ सम्बाल़ना,
तेस तार्मिक माणूं कदी नि टल़ने देणे।
चाए आऊँ बऊत जादा न्हेरिया काअटिया रे ऊई की चलूँ,
तेबे बी कोई अनिष्ट ऊणे ते नि डरदा,
कऊँकि ओ प्रभु, तूँ मां साथे ए,
तेरे चराणे वाल़े री सोठी ओर डण्डा मेरी रक्षा करोए।
चाए आऊँ बऊत जादा न्हेरिया काअटिया रे ऊई की चलूँ,
तेबे बी कोई अनिष्ट ऊणे ते नि डरदा,
कऊँकि ओ प्रभु, तूँ मां साथे ए,
तेरे चराणे वाल़े री सोठी ओर डण्डा मेरी रक्षा करोए।
यहोवा मेरी जोति ए जो माखे बचाओई।
आऊँ केसी ते नि डरदा।
यहोवा मेरी रखवाल़ी आपू करोआ ओर आऊँ कदी बी चिन्ता नि करदा।
प्रभुए खे न्याल़दा रओ;
ईम्मत राख ओर तेरा दिल मजबूत रओ;
जरूर, प्रभुए खे न्याल़दा रओ।
ओ प्रभुए पाँदे उम्मीद राखणे वाल़ेयो,
ईम्मत राखो ओर बऊत मजबूत रओ।
प्रभु ये बोलोआ, "मां ताखे अक्ल देणी
ओर जेते बाटा रे तां चलणा ओगा तिदे मां ताखे सला देणी;
मां तां पाँदे आपणी नजर लगाई री राखणी।"
परमेशर म्हारा शरण लणे री जगा ओर तागत ए,
हमेशा मुसीबता रे बखते मताद करने खे त्यार रओआ।
इजी खे आसा नि डरना,
चाए तरती पल्टी जाओ ओर पाह्ड़ समुद्रो बीचे डूबी जाओ।
चाए समुद्रो रा पाणी बड़ा पारी शाद करो
ओर लईरा उठो ओर पाह्ड़ तिजी री बाढ़ा ते थरथराई जाओ। सेला
जेस बखते माखे डर लगणा,
मां तां पाँदे परोसा राखणा।
ओ परमेशर, आऊँ तेरी स्तुति करूँआ, कऊँकि तैं जो वादा कित्तेया तेस पूरा करेया,
माखे तां पाँदे परोसा ए ओर फेर आऊँ नि डरदा।
कोई बी लोक पक्का ई मेरा नुकशाण नि करी सकदे।
म्हारे प्रभु परमेशरो री दया आसा पाँदे ओ,
जो काम आसे करूँए तिजी खे सफल कर,
जरूर प्रभु, तूँ म्हारे आथो रे काम सफल कर।
मां आपणियां आखी पाह्ड़ा रिया तरफा खे लगाणियां।
माखे मताद केथा ते मिलणी?
माखे मताद प्रभुए रिया तरफा ते मिलोई,
जो सर्ग ओर तरतिया खे बनाणे वाल़ा ए।
आऊँ जाणूंआ कि यहोवा मां साथे ए।
से मेरे नेड़े ई ए; इजी री खातर कुछ बी माखे चिन्ता करने री गल्ल नि ए।
यहोवा तिना लोका रिया तँईं शरण लणे री जगा ऊणा जो दीन ए;
आ, जेबे तिना खे परेशानी ऊणी तो से तिना खे लूकणे री जगा जेड़ा ऊणा।
प्रभु, जो ताखे जाणोए; सेयो तां पाँदे परोसा करी सकोए;
जो तांगे आओए, तिना खे तूँ कदी नि छाडदा।
आपणी सारी चिन्ता तेस पाँदे ई सेटी देओ, कऊँकि से तुसा रा त्यान राखोआ।
इजी बजअ ते तुसे मग्न ओए, हालाँकि जरूरी ए कि एबे कुछ दिनो तक कई प्रकारा रिया परीक्षा री बजअ ते उदास रओ।
जे तुसे सदा पलाई करने रे आगे रओगे, तो तुसा री बुराई करने वाल़ा कोई नि रणा? जे तुसे सच्ची ई धार्मिकता रे कामो री बजअ ते दु:ख उठाओए, तो तुसे धन्य ए। जेड़ा कि यशायाह भविष्यबक्ता लिखोआ, "तिना लोका ते नि डरो जो तुसा खे तमकाओए और तिना गल्ला ते नि डरना कि तिना लोका क्या करना।"
Encorajar uns aos outros
Encorajai-vos mutuamente e edificai-vos uns aos outros. Não desanimemos — a bondade do Senhor é nova a cada manhã.
इजी बजअ ते एकी-दूजे खे औंसला देओ और एकी-दूजे री विश्वासो रे मजबूत ऊणे खे मताद करो, बल्कि तुसे एड़ा करो बीए।
इजी बजअ ते एकी-दूजे खे औंसला देओ और एकी-दूजे री विश्वासो रे मजबूत ऊणे खे मताद करो, बल्कि तुसे एड़ा करो बीए।
आसे ये बी खास त्यान राखिए कि आसे आपू बीचे प्यार और खरे कामो खे करने खे एकी-दूजे खे औंसला देया करो। और आराधना रे एकी-दूजे साथे कट्ठा ऊणा नि छाडो, जेड़ी की बऊत जणेया री रवाज ए, पर एकी-दूजे खे समजयांदे रओ और जिंयाँ-जिंयाँ प्रभुए रे वापस आऊणे रे दिनो खे नेड़े आऊँदे देखो, तिंयाँ-तिंयाँ ओर बी जादा एड़ा करेया करो।
तुसे आपणी जिन्दगी धन-दौलता रे लाल़चो ते दूर राखो, जो तुसा गे ए, तिदे ई सन्तुष्टी राखेया करो, कऊँकि परमेशरे आपू ई बोली राखेया, "मां तूँ कदी नि छाडणा और ना ईं तूँ पूलणा।" तेबेई तो आसे परोसा करी की बोलूँए,
"प्रभु मेरी मताद करने वाल़ा ए, मां नि डरना।
माणूं मेरा कुछ नि करी सकदा।"
तो ओ मेरे साथी विश्वासियो, विश्वासो रे पक्के और अटल बणे रे रओ और प्रभुए रे कामो रे सदा बढ़दे जाओ, कऊँकि तुसे जाणोए कि प्रभुए रे तुसा री मईणत बेकार निए।
जागदे रओ, विश्वासो रे पक्के रओ, निडर बणो, तागतबर ओ।
जागदे रओ, विश्वासो रे पक्के रओ, निडर बणो, तागतबर ओ।
परमेशर आसा खे डरपोक नि बणांदा। बल्कि तेसरा आत्मा आसा खे मजबूत बणाओआ, से आसा खे ओरी साथे प्यार करने और सब्र राखणे रे मताद करोआ।
तेबे राजा दाऊदे आपणे पाऊ सुलैमानो खे बोलेया, "याओ बान ओर मजबूत ऊई की एस कामो खे करने खे लगी जा। डर नि ओर तेरा मन कच्चा नि ओ, कऊँकि यहोवा परमेशर जो मेरा परमेशर ए, से तां साथे ए ओर जदुओ तक यहोवे रे मन्दरो दे जितणा काम करना ऊगा, से नि ऊई चुकोगा, तदुओ तक तेस ना तो ताखे तोखा देणा ओर ना तूँ छाडणा।
तेरा परमेशर यहोवा तां बीचे रओआ, से उद्धार करने दे पराक्रमी ए, से तेरी बजा ते खुश ऊणे ते मगन ऊणा, से आपणे प्यारो रिया बजा ते चुप रणा, तेस गाणा, कऊँकि से तुसा रिया तँईं बऊत खुश ए!
कऊँकि यहोवे री ये बाणी ए कि जो शान्तिया री योजना आऊँ तुसा रे बारे दे करूँआ, आऊँ तिना खे जाणूंआ, सेयो नुकशाणो रिया नि ए, बल्कि पलाईया रिया ए ओर मां अन्तो दे तुसा री उम्मीद पूरी करनी।
मईणत करने ते सदा फायदा ई ओआ,
पर सिर्फ गल्ला करने ते सदा कमी ई ओई।
तेबे यीशुए तिना खे बोलेया, "मां पीछे आओ और जिंयाँ तुसे मच्छली पकड़ना जाणोए तिंयाँ ई मां तुसा खे परमेशरो गे माणूं पकड़ी की ल्याऊणे सिखाणे।" सेयो तेबुई जाल़ छाडी की यीशुए पीछे चली पड़े।
Deus chama pelo nome
Ao longo da Bíblia, Deus chamou seus servos pelo nome — Abraão, Moisés, Samuel, Paulo — encorajando cada um pessoalmente.
तेबे इस्राएले राथिए खे परमेशरो री आवाज सुणी, "ओ याकूब ओ याकूब।" तिने उत्तर दित्तेया "हाँजी! आँऊ एती ए।"
तेबे परमेशरो रे दूते माखे सुफने रे बोलेया, "ओ याकूब," फेर मैं बोलेया, "आऊँ एती ए।"
तेबे यहोवे रे दूते स्वर्गो ते तेसखे आका पाई की बोलेया, "ओ अब्राहम, ओ अब्राहम!" तिने उतर दित्तेया, "आँऊ एती आ।"
जेबे यहोवे देखेया कि मूसा मुड़ी की देखणे आऊणे लगी रा, तेबे परमेशरे तेसखे कांडे वाल़े जाड़ो बीचा ते आका पाईया, "ओ मूसा, ओ मूसा!" मूसे बोलेया, "हाँजी, आँऊ एती ए।"
तेबे एलीए सेमुएलो खे आक पाई की बोलेया, "ओ मेरे पाऊ, सेमुएल!" तिने ज्वाब दित्तेया, "आऊँ एती आ।"
दमिश्क नगरो रे हनन्याह नाओं रा एक चेला था, तेसखे प्रभु यीशुए दर्शणो रे बोलेया, "ओ हनन्याह!" तिने बोलेया, "हां प्रभु!"
मरियमे बोलेया, "देख, आऊँ परमेशरो री दासी ए, मां साथे तेरे वचनो रे मुताबिक ओ।" तेबे स्वर्गदूत तेसा गे ते चली गा।
दो पैसे रिया पाँज चिड़िया बिकोईया? तेबे बी परमेशर तिना बीचा ते एकी खे पनि पुलदा। बल्कि तुसा रे सिरो रे बाल़ बी सारे गिणे रे ए, तो डरो नि, तुसे बऊत चिड़िया ते बढ़ी की ए।