Jesus Cristo
Jesus Cristo é o centro de toda a Escritura — Deus encarnado, Salvador do mundo, Senhor dos senhores. Nele habita corporalmente toda a plenitude da divindade.
A divindade de Cristo
No princípio era o Verbo, e o Verbo estava com Deus, e o Verbo era Deus. Jesus é Deus revelado em carne humana.
Tɔɔɔ é mɛkɛn mɛ esonok djas, ye nabɛ ɛ́, Mɛkpa moo tak. Mɛkpa nabɛ ɛ́ bɛ nɛ Zɛɛb, Mɛkpa nabɛ ɛ́ Zɛɛb.
Tɔɔɔ é mɛkɛn mɛ esonok djas, ye nabɛ ɛ́, Mɛkpa moo tak. Mɛkpa nabɛ ɛ́ bɛ nɛ Zɛɛb, Mɛkpa nabɛ ɛ́ Zɛɛb. Yɛ ɛ́ tsɛɛtsɛ náá, é mɛkɛn tɔɔɔ, Mɛkpa nadi ɛ́, é di wat bɛ nɛ Zɛɛb. Esonok djas di kɔ bɔs ɛ, nakusel ɛ́ nɛ Mɛkpa. Ye tok nɛ sa wat kɔ bɔs’ak Mɛkpa nadi ààkus.
Mɛkpa nadi ɛ́, ye moo mot. Mot tak naazɛbe di tɔ lena. Mena naabeeka Mɛkas mɛ, yɛ ɛ́ Mɛkas mɛ Sɛɛŋɛlɛ sim Mɔn di ebela nɛ Sɛɛg ɛ, lwoodela nɛ enɛm nɛ embɛɛ e Zɛɛb nɛ etsɛɛtsɛ.
Etɛɛ náá, sa djas di tɔ Zɛɛb ɛ, yɛ eezebe di tɔ nyel ɛ Klisto. Yɛ ɛ́ tɔɔɔ tɔ lɛ.
Etɛɛ náá, sa djas di tɔ Zɛɛb ɛ, yɛ eezebe di tɔ nyel ɛ Klisto. Yɛ ɛ́ tɔɔɔ tɔ lɛ. Yɛ ɛ́ nɛ nɛ ɛ bi nabela esa djas. Nyɛy ɛ́ mot di ekɔk kɔ ekukuma djas nɛ bɛmɛbwala djas ɔ.
Dika nɛ embɛɛ mɛfulu dáa Yezu Klisto nadi nɛ yɛ ɛ.
Yezu mot di tyee wat nɛ Zɛɛb ɔ,
nyɛ nabɛ ɛ́ ààkwyɛl ɛben ɛ nyel kɔ ɛsu ɛ tak.
Ààbɛ, nyɛy ɛmet naabyen esa djas nyɛ nadi nɛ yɛ ɛ,
étɛp ɛdi mot-mɛsa.
Nyɛ nakadi ɛ́ mot pak bot.
Nyɛ nabyel ɛ́ mot nɛ nyel epuud dáa bot djas.
Dika nɛ embɛɛ mɛfulu dáa Yezu Klisto nadi nɛ yɛ ɛ.
Jesus, o Filho de Deus
Tu és o Cristo, o Filho do Deus vivo! Jesus revelou o Pai e demonstrou sua autoridade divina por palavras e obras.
Yezu ɛ́ boozɛdji bɛ náá: «Haaa! Biyɔ, bi ke náá, mam ɛ́ zɛ?» Tin, Simɔŋ Pyɛɛd zɛbɔɔza náá: «Wɔ ɛ́ Mɛsia, Mɔn ɛ Zɛɛb di nɛ tsik na kɔm-kɔm ɔ.» Yezu ɛ́ boozɛke nɛ nɛ náá: «Mɛnyɔ nɛ nɔ, Simɔŋ mɔn ɛ Zaŋ, etɛɛ náá, ye tok mot epuud zetel wɔ yenek etsɛɛtsɛ, gua náá yɛ ɛ́ Saagam mot di tɔ gwoo ɔ.
«Mɔn ɛsyes ɛ moma di ààgu botom ɔ waabela ɛbum.
Bhii tak, nyɛ waabya mɔn mɔɔ motom,
nyɛ aaget nyɛ ɛ́ Emanuɛl.»
Ye kwyɛl ɛlɛɛ ɛ́: «Zɛɛb ɛ́ nɛ nena.»
Kukuma lɔɔg esodja nɛ esodja ee nadi tin ebaal Yezu ɔ naabee dáa bɔs nadheegel ɛ, dɔɔ nɛ edjema djas nasael tin ɛ. Boo bwoo naazɛsa bɛ ɛlyelɛpe, bɛ ɛ́ boozɛke náá: «Tsɛɛtsɛ, mot’ak nabɛ ɛ́ Mɔn ɛ Zɛɛb.»
Yezu zokadi ɛ́ gwyem, ààlii.
Boo ghaa-Zɛɛb baazɛdji nyɛ náá: «Yɛ wɔy ɛ́ di Mɛsia, Mɔn ɛ Zɛɛb sɛɛ mɛtel ɔ?» Tin, Yezu eezɛbɔɔza náá: «Hɛɛɛ, yɛ ɛ́ mam. Bi ɛ́ waabee Sɛɛŋɛlɛ Mɔn Mot ndiindel pɛ mbɔ eghɛŋ ɛ Zɛɛb Mɛkaake, ezyɛ tɔ eguud tɔ gwoo.»
Mɔɔ ngbaaz tak ɛ́ boozɛke nɛ nɔɔ náá: «Sa mot ààbem ba! Bi saŋ ɛ́ Yezu, mot Nazalɛt, nabemaa é mɛlaaba ɔ. Nyɛ eezegom! Nyɛ tokapɛ wak. Beeka di bɛ nakɛl nyɛ ɔ.
Bhii bot djas nazeduwa Zɛɛb ɛ, Yezu pe naazɛduwa Zɛɛb. Nyɛ nadi edjaala, wɔ gwaa gwoo zɛbɛŋel. Bhii tak, Sisim na Dɛɛ eezɛsul kɔ lɛ tyee ɛghum. Wɔ gwaa, dhiiti gwood zokazɛgék tɔ gwoo náá: «Wɔ ɛ́ mɔn’am mɛ dyeebakwyɛl ɔ. Mɛ eedyeebamyaala nɛ nɔ ɛbuɛpe.»
Eu Sou
Jesus disse: antes que Abraão existisse, Eu Sou. Ele se identificou com o nome divino revelado a Moisés na sarça ardente.
Yezu eezɛbɔɔza nɛ nɔɔ náá: «Iyooo, mɛ lɛɛ bin ɛ́ etɛp e tsɛɛtsɛ náá, ɛsok nɛ Abalaam nɛ byel, "mam ɛ́ mot di ɔ".»
Mam nɛ Saagam, bis ɛ́ mot ngɔt.»
Deenek, Yezu eezɛbɔɔza nɛ nɔɔ náá: «Mɛlu djas, Saagam ɛpesa mɛsa, dɔɔ nɛ mam pe, mɛ ɛpesa mɛsa.» Kɔ ɛsu ɛ etɛp binek, ekukuma eYuda nadi esaa dáa sa étɛp bɛ neegó nyɛ. Bɛ nadi esa deenek ɛ́ etɛɛ náá, Yezu nabɛ ɛ́ ààdi eduwal dwoo saba, nyɛ baadi eke ɛ́ náá, Zɛɛb ɛ́ Sɛɛg met. Yɛ ɛ́ deenek ɛ́ nyɛ nadi egek náá, nyɛ tyee wat nɛ Zɛɛb.
Kɔ ɛsu ɛ etɛp binek, ekukuma eYuda nadi esaa dáa sa étɛp bɛ neegó nyɛ. Bɛ nadi esa deenek ɛ́ etɛɛ náá, Yezu nabɛ ɛ́ ààdi eduwal dwoo saba, nyɛ baadi eke ɛ́ náá, Zɛɛb ɛ́ Sɛɛg met. Yɛ ɛ́ deenek ɛ́ nyɛ nadi egek náá, nyɛ tyee wat nɛ Zɛɛb.
Etɛɛ náá, Sɛɛg nɛ gomal bot tɔ ɛsyee, da djɛ bɛ tsik. Yɛ ɛ́ deenek ɛ́ Mɔn’ɛ pe nɛ djɛ tsik nɛ mot nyɛ di ekwyɛl ɔ. Sɛɛg ààpɛ́ɛ bot, tin, nyɛ naadjɛ Mɔn eghɛŋ e ɛpɛ́ɛ ɛ bot. Deenek, bot djas needuwal Mɔn, dáa Mɔn di eduwal Sɛɛg ɛ. Mot di ààduwal Mɔn’ɛ ɔ, nyɛ ààduwal Sɛɛg mot nadhis Mɔn ɔ.
Tsɛɛtsɛ nɛ tsɛɛtsɛ, mɛ lɛɛ bin ɛ́ náá, ɛwala ɛpezyɛ, ɛwala ɛ tak eezekum, ɛwala bot ɛ nazegwyɛ ɔ aagwak gwood Mɔn ɛ Zɛɛb. Tin, bot djas aagwak gwood tak ɔ, bɛ waabela tsik.
O Salvador e Senhor
Jesus é o caminho, a verdade e a vida. Não há outro nome dado entre os homens pelo qual devamos ser salvos.
Yezu eezɛbɔɔza nɛ nɛ náá: «Yɛ ɛ́ mam ɛ di ze, mɛ ɛ́ etsɛɛtsɛ, mam ɛ́ di tsik. Mot tok nɛ ghwyil ɛtɔ́ pɛ daa Saagam, nyɛ di ààdhaa pɛ daa lam ɔɔ.
É di’enek, Yezu eezɛbɔɔza náá: «Mena eezebɔya mɛlu ɛbuɛpe é di wat, wɔ dinaa ààpagu mɛ, Filip? Mot bee mɛ ɔ, nyɛ eezebee Saagam. Étɛp yé wɔ di baake náá: "Lyaala bis Soog"? Wɔ ààmyaal náá, mɛ ɛ́ pɛ tɔ Saagam, dáa Saagam ɛ́ baadi pɛ tɔ lam ɛ? Etɛp ee mɛ di elɛɛ nɛ biyɔ djas’aak, yɛ ààdus pɛ daa lam, yɛ ɛ́ Saagam, mot di tɔ lam ɔ, di esa náá, esesɛɛ binek djas sael.
Yezu zokabaazɛbɔɔza náá: «Yɛ ɛ́ mam ɛ di gomel bot ɛ nagwyɛ ɔ. Mam ɛ́ di tsik. Mot ɛ dum koŋ nɛ nam ɔɔ, nyɛ waabela tsik, ye nakoozodi náá, nyɛ naazegwyɛ.
Yezu eezɛbɔɔza nɛ nɛ náá: «Mɛ bɛ ɛ́ ààlɛɛ wɔ náá, wɔ dum koŋ nɛ nam ɔɔ, wɔ aabee duma ɛ Zɛɛb é?»
Tsik belaa ɛ́, nɛ din ɛ Yezu Klisto nyɛ ɛmet. Dhiiti mot Zɛɛb nadhis kɔ bɔs’ak náá, nyɛ neetsik mena ɔ, tok.»
Bɛ eezɛgoola tɔ́, ze bɛ nadi etɔ́ yɔbɔ ɛ, wɔ gwaa, bɛ zɛkum é dhiiti di nadi nɛ dii ɔ. Deenek, kukuma yenɔk eezɛke náá: «Beea mɛdii, ɛyé di elu náá, mɛ duwa Zɛɛb?» [ Filip eezɛke nɛ nɛ náá: «Wɔ myaal nɛ lyem’ɔ djas ɔɔ, wɔ ɛ́ nɛ ghwyil ɛ duwa Zɛɛb.» Tin, mot’enɔk eezɛbɔɔza náá: «Mɛ eemyaal náá, Yezu ɛ́ Mɔn ɛ Zɛɛb.»] É di’enek, nyɛ eezɛke náá, mbem yaaga tyaa, bhii tak, bɛ nɛ Filip eezɛsul tɔ dii, wɔ gwaa, nyɛ zɛduu nyɛ Zɛɛb.
A supremacia de Cristo
Ele é o resplendor da glória de Deus e a expressão exata do seu ser. Toda a plenitude habita nele e por Ele tudo subsiste.
Yɛ ɛ́ Mɔn tak ɛ di mɛkas mɛ duma ɛ Zɛɛb. Yɛ ɛ́ nyɛy ɛ di elyaal dáa Zɛɛb di ɛ. Nyɛ ɛ́ di epyet esonok djas nɛ ghwyil mɛkpa mɛ nuub’ɛ. Bhii nyɛ nasilal ɛdis ɛ bot edhuud e mesyem mɔɔ ɛ, nyɛ naazɛnɔɔ nyel disi pɛ tɔ gwoo, pɛ mbɔ eghɛŋ ɛ Zɛɛb na-ghaa mɛbwala. Zɛɛb naasa náá, Mɔn’ɛ di kɔ elo e efofop. Etɛɛ náá, nyɛ naadjɛ nyɛ boo din ɛ mɛbwala dhaa yii efofop.
Djhoopyetka ghiŋ tɔ ɛdum ɛkoŋ nɛ Zɛɛb mena di egoolaka ɛ! Etɛɛ náá, menaka ɛ́ nɛ boo ghaa-Zɛɛb, mot mɛbwala nakɛkum pɛ daa Zɛɛb ɔ. Yɛ ɛ́ Yezu, Mɔn ɛ Zɛɛb. Boo ghaa-Zɛɛb yena ɛ́ nɛ mezuk tɔ lyem, é ghɛŋ nyɛ di ebee mena tɔ mezuk kɔ ɛsu ɛ etɛp di edhaa mena ghwyil ɛ. Etɛɛ náá, nyɛ naawaaa tɔ mɛbhowal mɛ etɛp djas dáa menabɛlka. Tin, nyɛ nabɛ ɛ́ ààkosyem.
Mis mena goka ɛ́ nɛ ɛgwyák ɛ́ Yezu, nyɛy ɛ́ di esa náá, mena dika nɛ ɛdum ɛ koŋ nɛ Zɛɛb, nyɛy ɛ́ di baasa náá, ɛdum ɛ koŋ ɛ lena nɛ Zɛɛb kum di di edjala ɔ. Nyɛ naamyaal ɛgwyɛ kɔ mɛlaaba, ààgwak sen, etɛɛ náá, nyɛ nadi ɛ́ ebee mɛmyaala mɛ di ebwood nyɛ bhii tak ɛ. Nenak, nyɛ ɛ́ ndiindel pɛ mbɔ eghɛŋ bóó mɛkoozi Zɛɛb.
Étɛp tak ɛ Zɛɛb nasa náá, nyɛ di tyee wat nɛ bɔn-nyɛɛg, étɛp nyɛ needi boo ghaa-Zɛɛb’ɔɔ na mbɛɛ lyem nɛ esosoob tɔ mɛsa mɛ Zɛɛb, étɛp Zɛɛb neepel mesyem mɛ bot ɛ bɔs djas.
Confessar a Cristo
Todo aquele que confessa que Jesus é o Filho de Deus, Deus permanece nele e ele em Deus. A fé em Cristo é a vitória.
Deenek, mot ɛ myaal é mis mɛ bot náá, Yezu ɛ́ Mɔn ɛ Zɛɛb ɔɔ, Zɛɛb aadi ɛ́ sama wat nɛ nɛ, mot tak aadi ɛ́ sama nɛ Zɛɛb.
Deenek, mot ɛ myaal é mis mɛ bot náá, Yezu ɛ́ Mɔn ɛ Zɛɛb ɔɔ, Zɛɛb aadi ɛ́ sama wat nɛ nɛ, mot tak aadi ɛ́ sama nɛ Zɛɛb.
Beeka dáa Zɛɛb di elyaal náá, nyɛ nɛ kwyɛl mena ɛ: Nyɛ naadhis Sɛɛŋɛlɛ Mɔn’ɛ kɔ ɛko ɛ bɔs, étɛp bot neebela tɛtɛ tsik kɔ ɛsu ɛ lɛ. Beeka sa di edjóoaa kwyɛl ɛ: Ye tok náá, menabɛlka ɛ́ nakwyɛl Zɛɛb, tin, yɛ ɛ́ nyɛ ɛ nakwyɛl mena. Nyɛ bookadhis Mɔn’ɛ, mot naka nyel’ɛ é buwa étɛp ɛpelak ɛ mesyem mena ɔ.
Beeka dáa Zɛɛb di elyaal náá, nyɛ nɛ kwyɛl mena ɛ: Nyɛ naadhis Sɛɛŋɛlɛ Mɔn’ɛ kɔ ɛko ɛ bɔs, étɛp bot neebela tɛtɛ tsik kɔ ɛsu ɛ lɛ.
Tin, mot di ekɛ tɔ ɛsyem ɔ, nyɛ ɛ́ mɔn dim mot mɛkɔŋ, etɛɛ náá, dim mot mɛkɔŋ nakan ɛsyem ɛ́ é mɛkɛn mɛ bhwak. É di’enek, Yezu Mɔn ɛ Zɛɛb natuula ɛ́, étɛp ɛzɛpul embee mɛsa mɛ dim mot mɛkɔŋ.
Ɛzɛ aakwak esa e bɔs’ak? Yɛ ɛ́ mot di nɛ ɛmyaal náá, Yezu ɛ́ Mɔn ɛ Zɛɛb ɔ.
Beea lɛŋ nakaadaa mena ɛ: Zɛɛb naadjɛ mena tsik na kɔm-kɔm, tsik tak ɛ́ tɔ Mɔn’ɛ. Mot di ekɛ sama wat nɛ Mɔn ɔ, nyɛ ɛ́ nɛ tsik tak. Tin, mot di ààkɛ sama wat nɛ Mɔn ɛ Zɛɛb ɔ, nyɛ tok nɛ tsik tak.
Deenek yɛ bɛ náá, pɛ tɔ nuub’ɔ wɔ eemyaal é mis mɛ bot djas náá, Yezu ɛ́ Ghɛŋ ɔɔ, yɛ bɛ náá, wɔ eemyaal nɛ lyem’ɔ met náá, Zɛɛb naagomal nyɛ pak myoŋ ɔɔ, wɔ aabela tsik.
Viver em Cristo
Já não sou eu quem vive, mas Cristo vive em mim. Ele supre toda necessidade, dá paz e reina como Senhor.
Deenek, mɛ di nɛ tsik mos ɔɔ, ye tok mam di nɛ tsik, yɛ ɛ́ Yezu Klisto ɛ di nɛ tsik tɔ lam. Etɛɛ náá, tsik mɛ kadi nɛ yɛ mos kɔ ɛko ɛ bɔs’ak ɛ, yɛ ɛ́ kɔ ɛsu ɛ ɛdum ɛ koŋ ɛ lam nɛ Mɔn ɛ Zɛɛb, mot nakwyɛl mɛ, da djɛ tsik’ɛ étɛp mɛ neetsak ɔ.
Zɛɛb’am ɛ́ waadjɛ bin esa djas yii bi aadi nɛ gwyes tak ɛ, dum nɛ duma mɛvu mɛ nyɛ di nɛ yɛ, tɔ ɛgwakel ɛ len nɛ Yezu Klisto ɛ.
Beta náá, egwyem ɛ Klisto djɛɛd ebhum elyem bin. Etɛɛ náá, yɛ ɛ́ kɔ ɛsu ɛ egwyem binek ɛ Zɛɛb nadjóo bin, étɛp bi needi ekyes e nyel wat. Deenek, bulalka nyɛ bhɔɔ é mɛwala djas.
Menaka ɛ́ bot ɛ Zɛɛb nakus ɔ. Dáa ye di náá, nyɛ nakus mena ɛ́, étɛp mena neesa embɛɛ mɛsa mɛ bot ɛ di tɔ ɛgwakel nɛ Yezu Klisto di egoka nɛ ɛsa ɛ. Yɛ ɛ́ embɛɛ mɛsa mɛ Zɛɛb nalookoobal náá, mena aasa ɛ.
Dika tɔ kwyɛl pak’en, dáa Klisto di nɛ kwyɛl nɛ nena ɛ. Dum nɛ kwyɛl tak ɛ, nyɛ naka nyel’ɛ met buwa kɔ ɛsu ɛ lena. Buwa tak nabɛ ɛ́ tyee mɛnanas mɛ di nɛ mbɛɛ mɛnuub pɛ daa Zɛɛb ɛ.
Dáa ye di náá, nyel wat mena dika nɛ yɛ nɛ bu ekyes ɛ, kyes nɛ kyes ɛ́ nɛ mɛsa mɛ ye di esa ɛ. Ye nakoozodi náá, bot ɛ́ ɛbuɛpe, bot moo ɛ́ nyel ngɔt tɔ ɛgwakel nɛ Klisto. Deenek, bot ɛ́ tɔ ɛgwakel pak’enaka dáa esum e nyel mot ngɔt.
Deenek, bhɔɔ nɛ Zɛɛb, mot di edjɛ mena ghwyil ɛkwak ɛsyee kɔ ɛsu ɛ Ghɛŋ’enaka Yezu Klisto ɔ!
Tin, guka tɔ elyem bin náá, Klisto nyɛy ɛmet ɛ́ dɛɛ, nyɛy ɛ di Ghɛŋ yebɔ. É sok bɛ aadji bin náá, étɛp yé bi di nɛ ɛbwaalel ɔ, dika ndjem nɛ ɛdjɛ yebɔ taŋal.
Zɛɛb ɛ́ ngɔt, tin, mot di eduula pak bot ɛ bɔs nɛ Zɛɛb ɔ yɛ ɛ́ mot ngɔt, mot tak ɛ́ Yezu Klisto.
O Rei eterno
O Rei dos reis voltará em glória e majestade. Todo joelho se dobrará e toda língua confessará que Jesus Cristo é o Senhor.
Bhii tak, mɛ eezɛbee gwoo mbek, wɔ gwaa, yaaga na puu zɛtuula. Tin, mot nadi kɔ yaaga tak ɔ, din ɛ lɛ nabɛ ɛ́ Sosoob nɛ Tsɛɛtsɛ, nyɛ nɛ pɛ́ɛ bot, nyɛ lumla dɛɛb ɛ́ tɔ epiki. Mis mɛ nadi ekas ɛ́ dáa ngel du, nyɛ nadi ɛ́ nɛ bɛtɛ nɛ ekɔtɔ e bɛghɛŋ kɔ lo. É nyel’ɛ, nyɛ nadi ɛ́ nɛ kwyala din dinaa bot ààgu ɛsuk ɛ tak, yɛ di ààdi nyɛy ɛmet ɔ. Ye nabɛ ɛ́, nyɛ naabɔt ndjookuwa nyɔlɔlɔ nɛ ghiya é tak. Din ɛ lɛ ɛ́: «Mɛkpa ɛ Zɛɛb.» Mɛdhuu mɛ esodja djas di pɛ tɔ gwoo ɔ, nadi edu nyɛ pɛ bhis, bɔɔ djas kɔ eyaaga e na puu, bɛ nabɛ ɛ́, bɛ eebɔt embɛɛ ekaad e na puu, ààbɛ nɛ edhuud. Pɛl na zɔɔ-zɔɔ nadi ewyis tɔ nuub’ɛ, étɛp ɛgó bot ɛ mɛdhik. Nyɛ waadjɛɛd bot ɛ mɛdhik nɛ mɔɔ sek ghwooz. Nyɛ waatwaal ebhum e di edjóoaa lezɛ ɛ tɔ mɔɔ syaala mɛnyok mɛ vin mɛ ɛbuk ɛ Zɛɛb Mɛkaake. Tin, kɔ ndjookuwa yɛ, nɛ kɔ do yɛ, ye nabɛ ɛ́ nɛ kwyala din: «Mɛkoozi mɛ bɛmɛkoozi, Ghɛŋ bɛghɛŋ.»
Betka náá, enɛm nɛ embɛɛ ɛ Ghɛŋ Yezu di nɛ biyɔ djas.
Bhii tak, nyɛ eezɛke nɛ Toma náá: «Wa djin’ɔ wak, da wɔ ɛ́ bee mɛmbɔ mam. Sɛɛba mbɔ’ɔ, da wɔ ɛ́ zɛwa tɔ ebhaaz bam. Kata ɛswonal, da wɔ ɛ́ dum koŋ nɛ Zɛɛb!» Tin, Toma eezɛbɔɔza náá: «Ghɛŋ’am, Zɛɛb’am!»
Yezu naasa dhiiti bɛtɛ nɛ endem e mɛbwala é mis mɛ bɛdjekel bɛ, ee di ààdi kwyala tɔ mɛkana mak ɛ. Yak tak nakwyalaa ɛ́, étɛp bi neemyaal náá, Yezu ɛ́ Mɛsia Mɔn ɛ Zɛɛb. Tin, bi ɛ dum koŋ nɛ nɛ deenek ɔɔ, bi ɛ́ waabela tsik na kɔm-kɔm nɛ din ɛ lɛ.
Beeka yam ɛtiŋ: Gheekwyekwyɛlaka pak’en. Kwyɛlaka pak’en dáa mɛ di eboozyɛ nɛ ɛkwyɛl bin ɛ.
Mɛ lɛɛ bin ɛ́ etɛp e tsɛɛtsɛ náá, mot aamyaal mot mam dhis ɔ, nyɛ myaal ɛ́ dɔɔ nɛ mam. Deenek, mot aamyaal mɛ ɔ, nyɛ myaal ɛ́ mot nadhis mɛ ɔ.»
Mɛ ɛpedjɛ bɛ tsik na kɔm-kɔm, bɛ aanàkwaadiib dhiiti dwoo. Mot tok nɛ ghwyil ɛdɛk mɛ bak. Sa Saagam nadjɛ mɛ ɛ, eedhaa esonok djas. Étɛp tak ɛ di náá, dhiiti mot tok nɛ ghwyil ɛdɛk sa tak tɔ mbɔ Saagam. Mam nɛ Saagam, bis ɛ́ mot ngɔt.»
Zɛɛb naadyeebakwyɛl bot kɔ bɔs, étɛp tak ɛ nyɛ ɛ́ nadhis sim Mɔn’ɛ met. Etɛɛ náá, mot aadum koŋ nɛ nɛ ɔ, needi ààgwyɛ, nyɛ neebela tsik na kɔm-kɔm. Etɛɛ náá, Zɛɛb nabɛ ɛ́ ààdhis Mɔn’ɛ kɔ bɔs étɛp ɛpɛ́ɛ bot. Nyɛ nadhis Mɔn’ɛ étɛp bot ɛ bɔs neebela tsik kɔ ɛsu ɛ lɛ. Mot aadum koŋ nɛ nɛ ɔ, yenɔk mot aanàkwaakwyeselaa ndjɛ sɔs. Tin, mot aadi ààdum koŋ nɛ nɛ ɔ, yenɔk eezelookwyeselaa ndjɛ sɔs, etɛɛ náá, nyɛ nabɛ ɛ́, nyɛ eepɛɛ ɛdum ɛ koŋ nɛ sim Mɔn ɛ Zɛɛb.
Mot ɛ di ààbɛp mɛlaaba mɛ, da nyɛ ɛ́ du mɛ ɔɔ, mot tak ààkɔa nɛ nam.
Etɛɛ náá, bot ɛbá nɛghu bot ɛlɛl ɛ sɛɛga kɔ ɛsu ɛ din ɛ lam ɔɔ, mɛ aadi ɛ́ tin pak’ɔɔ.»
Yezu zɛbulal mis, gwyák bɛ. Nyɛy nɛ nɔɔ náá: «Sa di náá, bot tok nɛ ghwyil ɛkwak ɛ, Zɛɛb ɛ́ waakwak yɛ, etɛɛ náá, ye tok nɛ sa Zɛɛb aadi ààkwak.»
Yezu eezɛbɔɔza nɛ nɔɔ náá: «Sa di náá, bot aanàkwaak ɛ, Zɛɛb aanàkwaakat yɛ.»
Betka náá, enɛm nɛ embɛɛ Ghɛŋ Yezu Klisto di tɔ esisim bin!