Não desista!
'Não desista!' é o grito do céu para a terra. Deus nos encoraja a perseverar na fé, na oração e na esperança, porque a vitória pertence aos que não se rendem.
Força na fraqueza
Os que esperam no Senhor renovam as forças. Deus não se cansa nem se fatiga — Ele dá poder aos fracos e vigor aos cansados.
Nang ci meni? Nang siu meni?
Kelunghta Tinggwang, RAMPAUBE, kideube penli dam kegaibe,
madaude leu mede nnei lama; pe macet au pe nli tei lama.
Pa leu kelame de kengking peu la; nah kenneime de kengking keheci pwa peula.
Henamedung de leu nah nnei di la, nah rehangme ge pepi nrap eh kau dila:
Dede RAMPAUBE dade kengha nlum kecume au penui kengking tei heci dai lu zie; penui au heliedung nzwa lim cuh dizie;
penui pak zie nah leu dilak; penui tet zie nah nnei dilak.
Minadung Zion ga nah Jerusalem ga lungh zie, nah nang hap silak ta.
Nang kengha kie gai cai pa au ncu ngaunggia bizie. Pa cide siu lude, pa ncu kelibeu zie.
Israel de Kelikelu Ket Rünne
Dede cu RAMPAUBE ainzwa rang, ncu dam kegaibe, Jacob, nah marehi gage ncu tei kegaibe, Israel:
"Ngngi diso, kedanemene Ih ncu kelilu da; Ih ncu nzi gade qulu da, nang au agu.
Nang duidung ga kahpet kecu dau, Ih ncu ngngwa la zie; nah hereuki dung kahpet kecu dau penui nreu ngam di lak.
Nang mi ga kah pet kecu dau ncu ru dilak, nah miheu dung ne ncu tei msia di lak.
Kedanemene Ih RAMPAUBE nnui Tinggwang, Israel Tinggwang kemcibe, nnuide keli beu kelabe.
Ncu rilu kera pemi ziemne Ih Egypt de ha, Ethiopia nah Seba le ncu rehiak.
Ih ma kegah, nah mbaang eh kebam au dainzwabi kecu ci. Kehei gade nah ma pelane gade kenggei nah kemzeu, mede pui kenlim mede teu maisia de ci luda. Acu teingkieng beu kelabe ziemne Ih ma pelane tei lubui.
Cine anui lung siadi lama. Meliene, anui pumteih siala liede, anui rabe de tingba ramsang ne teiheci beula. Kedanemene anui ting kaknage keherei kegai gade mdet canggai kelak kelungta kendu mdet anuide pwapeu bamlu. Anui ngau kelabedung de pie bam ma, dede ngau kemakbedung de. Kedanemene ngau kelabedung au tingkak nage ziemne, dede ngau kemakbedung au kelungta ziemne.
Perseverança na fé
Não perca a confiança, pois ela tem grande recompensa. O justo viverá pela fé, e quem perseverar até o fim será salvo.
Cine nnui kekuu de gidi so, cika ziehi kedige bam.
Anui lunghaudi mene rangkela anui kereguide ntiprip eh kaizeu lugo, kedanemene Tinggwang, sam kaikebeube, au masanglu. Nah anui kereku nah makeyi tei eh hangge gede dainzwa kecung eh bi cet lugo. Midung ge nzwa, anui kangbau eh ngkwa bam kelade mtakdi helo. Meliene, anui hangge gede teingkuu si lugo, pe tingba de gwang nna reu reu kebamde ngau eh.
Kenlum si mene pe suiyi tei gailak. Kedanemene Tinggwang da kegwangme pa lunghla lie kecu nah pa au pecu peei kelame ziehi teibeu kelabe lie kecu nlumlu maisia.
Kedanemene Tinggwang sam au kering nah kengkieng bam nah kiengtie pemui lule ailam ketei swade yiki. Cide kuipwa teu lampak dila keringria nah rabe de, miking nah misiedung de, nah mikecet nah milung ga cet kebam ci lula.
Nah anui makeyi ketei ga leudi kerabe ma, kedanemene anui pütdi mene bam lucai peting siakdau rum zielu.
Ih kelwa gwang zeu. N da kebam de herak ntiplu, iciu eh migede n hegwang peurwa süt teudi melu kerane.
Aide kemcimedung, Tinggwang sam kenzaimedung nah Jisu de kenlummedung de lia lulo kecu da."
Mdakkepie liakelube samlam pungtu. Kedanemene pa cikenzwa kedei kecu kah gwang lucai, pa Tinggwang pecu ku kelame dage sampet kai kebeu kering peurwa de ngau luzie.
Deus é refúgio
O Senhor é nosso refúgio e fortaleza. Ele ouve nossas orações, nos consola nas tribulações e transforma choro em dança.
Tinggwang au anui kensiube
Tinggwang au anui nsiube nah kengkieng,
keherei tingdau nghabeu la.
N reidung RAMPAUBE dage kailu, nah pa ncu teirelui beu zie;
pa kesangme de madaude peu tet ngkoi dilak.
RAMPAUBE mine ngau rau kelame ziemne kensiu ge zie,
keherei kecu tingdau kensiu ge.
N zi ci kecume ncu nlum la,
kedanemene nang, RAMPAUBO, ncu peei gwang kelame de gidi la kemakne.
Heleuh kegidau hap kecumedung penui suiyi sah eh luhlüt zie.
Hap eh heleuh punglwe tet kepetme,
penui sui keyi lei tei cailigwang zie, penui luhlüt pung lwe.
Ngkieng lu nah kuu lu,
RAMPAUBE de nlum eh kengha kie kela leune.
N sam au a lampui saulia la
nah a lampui ziemne kebaa ge.
RAMPAUBE au pecu qu kelame pelane da nna bam,
pecu nlumlukebui gade qu kela pelane da.
Pa pecu rüt kelame hengim tei beu la;
pa penui kwa siula nah kelibeu la.
Vitória em Cristo
Jesus venceu o mundo e nos dá vitória. Para Deus nada é impossível, e Ele faz infinitamente mais do que pedimos ou pensamos.
Ih ma aidungde nnui dage rang gaila iciu eh nnui a dade lungciep bamlu kerane. Kideu gade nnui keherei zie, dede kuulu, Ih kideube reu ngkieng luda".
Aide ziemne, pe caisuimedung kekiee ge caisimdi, nah pecu ngngwa tetsi tadi. Ge Jisu kereiekenabau dade rangdi, "Nnuide tetdi neu lani?" Simon Peter pecu keligai, "Rampaubo, anui cau dage tet gailai? N da kelungta kering samdung la, nah anui nang au Tinggwang dade kegwang Kemcibe lie kecu nlum nah cibam dida."
Ih nnuide nggiana nzwa pütdi lak; Ih nnui da gwang daizie.
Kie, peei, ketung
Kielu, ciciude nnuide pwapeu zie. Peeilo, iciude nnui ngau luzie. Ketunglu, iciude nnuide ngkei beuzie. Kie kelame leune, ngau lula; nah peei kelabe, ngau lula; nah ketung kelabe de, ngkei beuzie.
Ada gwanglu, nnui matei mri nah hepüt kerüt pung kela leune, nah Ih nnuide kemtak pwapeu zie. A ngwanggai keu punglu nah a dade macilu, kedanemene Ih au nciep nah a mlung henah kecune, iciude nnui nnui keringria ziemne kemtak ngau luzie. Kedanemene a ngwanggai au pung relui nah a püt au mca kecune."
Dede Jisu penui de piegai eh penui dage rangdi, "Mina ne aide tei gailak, dede Tinggwang au maleune teilu bui."
Kedanemene Tinggwang teigaikelak magede gahlu."
Esperança e transformação
O Senhor completa a boa obra que começou em nós. Ele faz novas todas as coisas e dá esperança para o futuro.
Nah Ih ma aidungde cisiakte bam, nnuida bata keyi ndeu kegaibe de Jisu Khrista cailigwang kera tingba benai kecang tei jüja teicang beuzie.
Ciziemne, keheibe de Khrista ga ladi cai, pa au mina keheci ge dida. Kehegwabe tetdi da. Ainie, kehecibe gwang bam dida.
Jerusalem kehecibe
Pecai Ih tinggim keheci ge nah kideu keheci ge ngau. Tinggim keraide nah kideu keraide gahdi, nah jaaidi bam si tadi. Nah Ih namdi kemci, Jerusalem keheci de, tinggim ga Tinggwang dade lakciube pui pe nahpei ziemne mtei teu eh kela nzwa hungla eh ngau. Cidau Ih hegwangbam gade makwa ge sahbak eh rang kecu siu, "Ainie! Tinggwang paiki mina de ngngwa lungh dida, nah pa penuide ngngwa lungh zie. Penui pe minadung tei dizie, nah Tinggwang penuide ngngwa bamzie. Pa ne penui miak gade penui miakdui leune neu gi dizie nah cika ketsai, lungrei mede kehap mede keteei bam si lak. Cidungde bam si lakta kedanemene ma keraibedung gah dida.
Rampaube au yi, keherei tingdau minadung de gum beula; nah pa peda nreu kegwangme ma piela.
Aide RAMPAUBE ne ndukegai, kedanemene Ih rünne nnui ziemne riem pwa kela de ci, mariem cide kezuyi ziemne nah kengkap ziemne ma, nnuide gwang kera teilung nah keregui peu kerane.
Dede ngkieng lu, nah peu n ba de mnei diso, kedanemene n tatei de ziemne ziehi peu zie kecune."
Permanecendo firme
Persevere na oração, firme-se na Palavra e fortaleça-se na graça de Cristo. A fé vem pelo ouvir, e o ouvir pela Palavra de Deus.
Helungnei eh hegwa ketei ga, nghet diso. Rabe ziemne, nri bamlu. Rampaube ziemne, pe gwa teilu. Kereguide ga nnui sui yilu, keherei kecu gade helung tielu, kekie gade samsanglu.
Kereguide ga nnui sui yilu, keherei kecu gade helung tielu, kekie gade samsanglu.
Akumedung, madaude hekum peei diso, cide Tinggwang masang lunghop dage nlum beudi. Kedanemene Kesanglaisiu ga ainzwa rauteu kelane, "‘Hekum kepeei au a gu; Ih ne penuide peu daizie,’ de Rampaube rangla."
Cine kenlum au siukelu gade gwangla, nah Khrista sam siu kelude gade.
Reugwadidung swa ngkiengki
Kedanemene Tinggwang de hung kelame ziemne au, Tinggwang pe mariem ziemne qu kelume ziemne, pa maleune de keyi ziemne teikela anui cibam.
Kesanglaisiu pelane Tinggwang ne ngngi gaibeu, nah cide keledeu ziemne, mide kehesiu ziemne, mide tei kemzui ziemne, nah mide kecung pwa tei masanglu kera ziemne pe keyi bam, iciu eh Tinggwang gwatei kelabe de peu yicanglu eh bata keyi leune teilu kerane.
Kesang sam nang a dade siu keludung de mzai siakte bamlu, nah Khrista Jisu da kebam kenlum nah keku ga bamlu. Anui lungga kebam Kemci Rabe gade ncu nlum kebeu makeyi de kwa siakte bamlu.
Cu peu anui Rampaube Jisu Khrista, nah anui Peibe Tinggwang, anuide ku kelabe nah ngaugia gade anuide kelungta helungtaukemla nah keregui keyi kepeube de, nnui heta keyi ketei nah sam keyi kerang leune ga nnui lung taumla nah nnui mlung teingkuu beu kelube tei lulo.
Dede anui Tinggwang dage anui maudung pet lucai, pa au masang nah mzeu, pa anui maudung gibeu zie nah kemaudung pelane gade anuide teimci beuzie.
Nah anui peda kekuu kebam de au, anui pe lungningbe nzwa ma keheibede kie liecai, pa anui kwa kingnei kela deda. Nah pa anui kwa kingnei kelade anui ci liecai, anui pe dage kiekegai keheibede, anui pe dage kie kegaide ngaulu kela cibam.
Keku ma pelane gum lula, ma pelane nlum la, ma pelane ga keregui bamla, ma pelane lia lula.