7 «E yü tshuku ərə, əndje sə kə za kə e; e prä ərə, e sə kə sɔtə̂ nə; e ngë manda, əndje sə kə krɔ nə kə e.

7 «E yü tshuku ərə, əndje sə kə za kə e; e prä ərə, e sə kə sɔtə̂ nə; e ngë manda, əndje sə kə krɔ nə kə e. 8 Mbrə ə̂në, əzü ə̂në tshə yu tshuku ərə, əndje sə kə za kə ətshə; əzü ə̂në tshə pra ərə, tshə sə kə sɔtə̂ nə; əzü ə̂në tshə nge manda, əndje sə kə krɔ nə kə ətshə.

11 Kədə, e-e ə̂në e sə tə aəmbrʉ azü kɔ, e wusə̂ kə ko aə̂rɔ̂ aərə kə aneshe nə̂ e, Abä e ə̂në tshə sə mâ lafɔ kɔ lï lï ndə kə ko aə̂rɔ̂ aərə kə azü ə̂në əndje yu tshuku nə kə ətshə kɔ ə ro ne a?»

22 Ərə nɔ̂ ə̂në e sə kə yu tshuku nə də lɔsu tə̂ äwä kə yu Ndjapä, e sə kə sɔtə̂ nə.»

22 Ərə nɔ̂ ə̂në e sə kə yu tshuku nə də lɔsu tə̂ äwä kə yu Ndjapä, e sə kə sɔtə̂ nə.»

9 «Bale, mə pa kə e: E yü tshuku ərə, əndje sə kə za kə e; e prä ərə, e sə kə sɔtə̂ nə; e ngë manda, əndje sə kə krɔ nə kə e. 10 Mbrə ə̂në əzü ə̂në tshə yu tshuku ərə, əndje sə kə za kə ətshə; əzü ə̂në tshə pra ərə, tshə sə kə sɔtə̂ nə; əzü ə̂në tshə nge manda, əndje sə kə krɔ nə kə ətshə.

1 Jezu pâ əpʉ kəwû kə atrawaya nə̂ ye ndə kə yisə̂ nə kə əndje ə pa, əndje yu Ndjapä alɔnɔ̂, əndje katə̂ kə yu ətshə ka ne. 2 Tshə pâ kə əndje ə pa: «Ə̈bə̈ əyïngbanga sə̂ je lə ə̈bə̈ gala, ə̂në tshə kpê rawa Ndjapä kpê ne ə kpê rawa ə̈bə̈ əzü kpê bale ne. 3 Ə̈bə̈ yashe koya sə̂ je ndje lə gala nə, ə̂në tshə nâ alɔnɔ̂ ə pâ kə ətshə ə pa: "Wä ngbanga lə takpa tə̂ ä də əyïəpʉ nə̂ əmə." 4 Äwä ngbatshe, tshə yîndə nə yî ne. Bale, mandânə, tshə pâ mâ tə̂ lɔsu ye ə pa: "Djatra əpʉ, mə kpe rawa Ndjapä kpe ne ə kpe rawa ə̈bə̈ əzü kpe bale ne, 5 bale, mbrə ə̂në yashe koya səye sə kə toworo əmə, mə sə kə wa tshelə ngbanga nə̂ ye ndə kə pa tshə na na alɔnɔ̂ ə ka kumu əmə ne."» 6 Âgbɔ̂ Əyïngerə nə pâ kwatə̂ye ə pa: «E djï əpʉ ə̂në əmbrʉ əyïngbanga səkɔ pâ kɔ! 7 Ndjapä sə sə kə wa tshelə ngbanga nə̂ azü ə̂në tshə kê əndje gâ ye kɔ, ə̂në əndje kɨ kə ətshə alɔnɔ̂ kɔ ne a? Tshə sə kə ka ə ka ʉrrr â kirə əpʉ kə əndje a? 8 Mə pa kə e: tshə sə kə wa tshelə ngbanga nə̂ əndje diawû. Bale, alɔ ə̂në Əgblə nə̂ Əzü sə kə yi kumu ye, tshə sə kə sɔtə̂ azü ə̂në əndje sə də lɔsu kɔ pâ ashɔ səye a?»

24 Âdârə ə̂në, mə pa kə e: Ərə nɔ̂ ə̂në e sə kə yu tshuku nə tə̂ äwä kə yu Ndjapä, e wüsə̂ nə mâ tə̂ lɔsu e ə pa e sɔ̂tə̂ nə gâ ye. Ndjapä sə kə za ərə səkɔ kə e.

24 Âdârə ə̂në, mə pa kə e: Ərə nɔ̂ ə̂në e sə kə yu tshuku nə tə̂ äwä kə yu Ndjapä, e wüsə̂ nə mâ tə̂ lɔsu e ə pa e sɔ̂tə̂ nə gâ ye. Ndjapä sə kə za ərə səkɔ kə e.

24 Âdârə ə̂në, mə pa kə e: Ərə nɔ̂ ə̂në e sə kə yu tshuku nə tə̂ äwä kə yu Ndjapä, e wüsə̂ nə mâ tə̂ lɔsu e ə pa e sɔ̂tə̂ nə gâ ye. Ndjapä sə kə za ərə səkɔ kə e.

13 Â aərə nɔ̂ ə̂në e sə kə yu tshuku nə də əɨrɨ əmə, mə sə kə mbrə nə, kanika Abä sɔtə̂ ə̂yî lə Ɨrɨ nə.

13 Â aərə nɔ̂ ə̂në e sə kə yu tshuku nə də əɨrɨ əmə, mə sə kə mbrə nə, kanika Abä sɔtə̂ ə̂yî lə Ɨrɨ nə. 14 Kədə e yu tshuku ə̈bə̈ ərə kə əmə də əɨrɨ əmə, mə sə kə mbrə nə.»

13 Â aərə nɔ̂ ə̂në e sə kə yu tshuku nə də əɨrɨ əmə, mə sə kə mbrə nə, kanika Abä sɔtə̂ ə̂yî lə Ɨrɨ nə. 14 Kədə e yu tshuku ə̈bə̈ ərə kə əmə də əɨrɨ əmə, mə sə kə mbrə nə.»

7 Kədə e daka pə lə əmə â aəpʉ nə̂ əmə daka pə tə̂ lɔsu e, e yü tshuku aərə nɔ̂ ə̂në tshelə e yində nə, e sə kə sɔtə̂ nə.

16 Ə də̂ e də̂ kə kê əmə kɔ ne, əmə, mə kê e ə wlâ e ndə kə pa, e-e, e na na ye ə le ka kə le e nə daka pə je, kanika aərə nɔ̂ ə̂në e sə kə yu tshuku nə kə Abä də əɨrɨ əmə kɔ, tshə sə kə ko kə e.

24 Ʉrrr ndjɔ kpəsəye, e yu tshuku ə̈bə̈ ərə yu bale də əɨrɨ əmə ne. E yü tshuku ərə, e sə kə sɔtə̂ nə, kanika ə̂rû tshelə e lï nɔ̂.»

17 E yü Ndjapä alɔnɔ̂.

17 E yü Ndjapä alɔnɔ̂.

16 E sə̈ də ə̂rû alɔnɔ̂. 17 E yü Ndjapä alɔnɔ̂. 18 E zä mərshe kə Ndjapä lə aərə nɔ̂, mbrə ə̂në ərə ə̂në Ndjapä yində nə tə̂ äwä Jezu Kristə ndə kə pa e mbrə nə kɔ kə sə̂.

18 E yü Ndjapä alɔnɔ̂ tə̂ äwä Âgbɔ̂ Yîrə̂ də adongo aəpʉ nɔ̂ də kə kɨ ə̂sə̂ əyo tə̂ e. Rəkɔ, e sə̈ də ə̈kü ala e ə zä tə̂ e nɔ̂ alɔnɔ̂ ndə kə pa e kɨ mbrə azü nə̂ Ndjapä nɔ̂,

18 E yü Ndjapä alɔnɔ̂ tə̂ äwä Âgbɔ̂ Yîrə̂ də adongo aəpʉ nɔ̂ də kə kɨ ə̂sə̂ əyo tə̂ e. Rəkɔ, e sə̈ də ə̈kü ala e ə zä tə̂ e nɔ̂ alɔnɔ̂ ndə kə pa e kɨ mbrə azü nə̂ Ndjapä nɔ̂,

2 E zä tə̂ e alɔnɔ̂ gâ tə̂ äwä kə yu Ndjapä. E gbɔ̈ də äwänə, ə wüsə̂ kə za mərshe kə Ndjapä.

12 Tshelə e sə̈ də ə̂rû mbrə ərə ə̂në e za lɔsu e gâ pâ nə kɔ. E wüsə̂ kə ru tshelə e lə ərə əyo. E däka pə kʉ tə̂ äwä kə yu Ndjapä.

9 «Rəkɔ, äwä ə̂në e lï ndə kə yu Ndjapä də nə kɔ kə səye:

"Abä ä ə̂në bə sə mâ lafɔ!

Ä yində nə ə pa azü nɔ̂ lʉ əɨrɨ zə ə̂në ə sə kpî kɔ,

10 əndje yerɔ əbə tə Əyïngerə nə̂ əndje,

əndje ma ərə ə̂në tshelə zə yində nə pâ ashɔ,

mata ə̂në əndje sə kə ma nə mâ lafɔ kɔ.

11 Tö rəgo nə̂ ä nə̂ tshe kpəsəye kə ä.

12 Gbä tshelə ködä anyaka nə̂ ä lə kumu ä,

mata ə̂në ä-ä ndje,

ä gba tshelə ködä nyaka lə kumu alayïnyaka nə̂ ä kɔ.

13 Kätə̂ ä kä ä te gâ lə afrɔ ərə ne,

bale, djɔ̈ ä lə kəna ətshə ə̂në tshə sə tə əmbrʉ nə kɔ*.

[Mbrə ə̂në ngerə, də awlra gâ ndə kə mbe ətshe sə tə ənə̂ zə də ə̂ngû də ə̂ngû piii! Asərəmə.]*"

2 Jezu pâ kə əndje ə pa: «Alɔ ə̂në e sə kə yu Ndjapä, e pä:

Abä!

Ä yində nə ə pa azü nɔ̂ lʉ əɨrɨ zə ə̂në ə sə kpî kɔ,

əndje yërɔ əbə tə Əyïngerə nə̂ əndje.

3 Tö rəgo nə̂ ä nə̂ əlo bale bale kə ä.

4 Gbä tshelə anyaka nə̂ ä lə kumu ä,

mbrə ə̂në ä-ä ndje,

ä gba tshelə ködä nyaka lə kumu alayïnyaka nə̂ ä.

Kätə̂ ä kä ä te gâ lə afrɔ ərə ne.»

5 «Alɔ ə̂në e sə kə yu Ndjapä, e mä tə̂ e mä mata alayïama bishi ne, ə̂në əndje yində kə ka gâ lafɔ ndə kə yu Ndjapä lə aanda aangbɔ, lə amashäwä kanika azü wu alane. Djatra əpʉ, mə pa kə e, əndje sɔ̂tə̂ aərə nə̂ əndje gâ ye.

6 Bale, əbə, alɔ ə̂në bə yində kə yu Ndjapä, lï gâ lə bəlindəyea nə̂ zə ə tshü manda nə gâ tə̂ nə ə yü Abä zə ə̂në tshə sə je lə kəwû nə kɔ. Bale, Abä zə ə̂në tshə sə kə wu ərə lə kəwû nə kɔ, tshə sə kə kirə də nə kə əbə.

6 Bale, əbə, alɔ ə̂në bə yində kə yu Ndjapä, lï gâ lə bəlindəyea nə̂ zə ə tshü manda nə gâ tə̂ nə ə yü Abä zə ə̂në tshə sə je lə kəwû nə kɔ. Bale, Abä zə ə̂në tshə sə kə wu ərə lə kəwû nə kɔ, tshə sə kə kirə də nə kə əbə.

7 «Alɔ ə̂në e sə kə yu Ndjapä, e pä əpʉ pä ngbatshe tə ambanə mata azü ə̂në əndje wusə̂ Ndjapä wu ne kɔ, ə̂në əndje wu ənə̂ əndje ə pa tə̂ äwä kə pa əpʉ ʉrrr də Ndjapä sə kə dji alane.

7 «Alɔ ə̂në e sə kə yu Ndjapä, e pä əpʉ pä ngbatshe tə ambanə mata azü ə̂në əndje wusə̂ Ndjapä wu ne kɔ, ə̂në əndje wu ənə̂ əndje ə pa tə̂ äwä kə pa əpʉ ʉrrr də Ndjapä sə kə dji alane.

7 «Alɔ ə̂në e sə kə yu Ndjapä, e pä əpʉ pä ngbatshe tə ambanə mata azü ə̂në əndje wusə̂ Ndjapä wu ne kɔ, ə̂në əndje wu ənə̂ əndje ə pa tə̂ äwä kə pa əpʉ ʉrrr də Ndjapä sə kə dji alane. 8 E sə̈ sə̈ mata əndje ne. Mbrə ə̂në Abä e wûsə̂ ərə ə̂në e sə də əgo nə kɔ gâ ye angbʉlînə ndə kə pa e yu ətshə tə̂ nə.

16 Rəkɔ, e pä əpʉ anyaka nə̂ e gashu kə angâ e lə takpa tə̂ e, ə yü Ndjapä mbrə angâ e lə takpa tə̂ e, kanika arəka nə̂ e nglɔ. Kə yu Ndjapä nə̂ ə̂rɔ̂ əzü sə də awlra ngbatshe ndə kə pa ə mbrə ərə.

16 Rəkɔ, e pä əpʉ anyaka nə̂ e gashu kə angâ e lə takpa tə̂ e, ə yü Ndjapä mbrə angâ e lə takpa tə̂ e, kanika arəka nə̂ e nglɔ. Kə yu Ndjapä nə̂ ə̂rɔ̂ əzü sə də awlra ngbatshe ndə kə pa ə mbrə ərə.

5 Kədə ə̈bə̈ əzü lə takpa tə̂ e kə wusə̂ ərə wu ne, tshə yü tshuku nə kə Ndjapä, ə̂në tshə ko aərə kə azü nɔ̂ ambanə ə nga nga kə əndje ne kɔ, tshə sə kə za nə kə ətshə. 6 Bale, tshə yü tshuku nə də lɔsu ye, ə sə̈ sə̈ də ashera tə̂ lɔsu ye nə ne; mbrə ə̂në əzü ə̂në tshə sə də ashera tə̂ lɔsu ye, tshə sə mata kplaka ə̂ngû əngbrʉ ə̂në əyi ə mbrə tə̂ nə ə wli gâ lafɔ kɔ. 7 Marä tə̂ əzü rə wusə̂ nə mâ lə kumu ye ə pa tshə sə sə kə sɔtə̂ ə̈bə̈ ərə bale lə kəna Âgbɔ̂ Əyïngerə ne. 8 Tshə sə tə ə̈bə̈ əzü ə̂në lɔsu ye sə bishi bishi, ə̂në kumu ye sə kʉ duuu lə äwä kə mbrə tə̂ ye nɔ̂.

6 Bale, tshə yü tshuku nə də lɔsu ye, ə sə̈ sə̈ də ashera tə̂ lɔsu ye nə ne; mbrə ə̂në əzü ə̂në tshə sə də ashera tə̂ lɔsu ye, tshə sə mata kplaka ə̂ngû əngbrʉ ə̂në əyi ə mbrə tə̂ nə ə wli gâ lafɔ kɔ.

6 Bale, tshə yü tshuku nə də lɔsu ye, ə sə̈ sə̈ də ashera tə̂ lɔsu ye nə ne; mbrə ə̂në əzü ə̂në tshə sə də ashera tə̂ lɔsu ye, tshə sə mata kplaka ə̂ngû əngbrʉ ə̂në əyi ə mbrə tə̂ nə ə wli gâ lafɔ kɔ. 7 Marä tə̂ əzü rə wusə̂ nə mâ lə kumu ye ə pa tshə sə sə kə sɔtə̂ ə̈bə̈ ərə bale lə kəna Âgbɔ̂ Əyïngerə ne.

2 E mbrə əgo ərə ə sɔtə̂ nə sɔ ne, bale, e wo azü. Lɔsu e su ə su də kə za tshelə e gâ tə̂ azü, â e lï lï ndə kə pa e sɔtə̂ ə̈bə̈ ərə bale ne. Bale, e sə kə zu tshelə akəpʉ də aawlra. E sə sə də ərə ne, mbrə ə̂në e yu tshuku nə yu kə Ndjapä ne.

8 E gï tə̂ e trö gâ tə̂ Ndjapä, ka tshə na trö gâ tə̂ e. Alayïnyaka, e yütu əmbrʉ ərə tə̂ kəna e! Alayïlɔsu bishi, e yütu əmbrʉ ərə tə̂ lɔsu e!

14 Ərə ə̂në a wusə̂ nə ngâ lə ala Ndjapä nə kɔ kə də̂, alɔ ə̂në a yu tshuku ə̈bə̈ ərə ə̂në ə lï də ərə ə̂në tshelə ye yində nə kɔ, tshə sə kə dji əzə̂.

14 Ərə ə̂në a wusə̂ nə ngâ lə ala Ndjapä nə kɔ kə də̂, alɔ ə̂në a yu tshuku ə̈bə̈ ərə ə̂në ə lï də ərə ə̂në tshelə ye yində nə kɔ, tshə sə kə dji əzə̂. 15 Â kədə a wusə̂ nə ə pa tshə sə kə dji əzə̂, ərə nɔ̂ ə̂në a yu tshuku nə, a wusə̂ nə ə pa a sɔ̂tə̂ nə gâ ye.

15 Â kədə a wusə̂ nə ə pa tshə sə kə dji əzə̂, ərə nɔ̂ ə̂në a yu tshuku nə, a wusə̂ nə ə pa a sɔ̂tə̂ nə gâ ye.

22 Â ərə nɔ̂ ə̂në a yu tshuku nə kə ətshə, a sə kə sɔtə̂ nə lə kəna ye, mbrə ə̂në a sə kə mbrə ndəma aâgbɔ̂ aəpʉ nə̂ ye â sə kə mbrə ərə ə̂në ə fʉ lə ala ye kɔ.

16 Rəkɔ, a gï tə̂ əzə̂ trö gâ tə̂ mbata ngerə ə̂rɔ̂tə̂ Ndjapä nə, a gï gï tə̂ əzə̂ də awa ne, kanika Ndjapä nə wu əyo əzə̂ ə mbrə ə̂rɔ̂tə̂ ye kə əzə̂, ka ə tɨ əzə̂ gâ lafɔ alɔ ə̂në a ma əgo ə̈bə̈ ərə.

16 Rəkɔ, a gï tə̂ əzə̂ trö gâ tə̂ mbata ngerə ə̂rɔ̂tə̂ Ndjapä nə, a gï gï tə̂ əzə̂ də awa ne, kanika Ndjapä nə wu əyo əzə̂ ə mbrə ə̂rɔ̂tə̂ ye kə əzə̂, ka ə tɨ əzə̂ gâ lafɔ alɔ ə̂në a ma əgo ə̈bə̈ ərə.

16 Rəkɔ, a gï tə̂ əzə̂ trö gâ tə̂ mbata ngerə ə̂rɔ̂tə̂ Ndjapä nə, a gï gï tə̂ əzə̂ də awa ne, kanika Ndjapä nə wu əyo əzə̂ ə mbrə ə̂rɔ̂tə̂ ye kə əzə̂, ka ə tɨ əzə̂ gâ lafɔ alɔ ə̂në a ma əgo ə̈bə̈ ərə.

6 Kandää, əzü â za lɔsu ye za kə Ndjapä ne, tshə lï lï bale ndə kə pa tshə fʉ lə ala Ndjapä nə ne, mbrə ə̂në əzü ə̂në tshə na gâ tə̂ Ndjapä, tshə lï ndə kə pa tshə wusə̂ nə mâ tə̂ lɔsu ə pa Ndjapä nə sə je â tshə sə kə ko aə̂rɔ̂ aərə kə azü ə̂në əndje sə kə pra äwä ye kɔ.

25 Âdârə ə̂në tshə lï ndə kə pa tshə she azü ə̂në əndje na trö tə̂ Ndjapä tə̂ äwä ye kɔ lə kuzu gbrä, mbrə ə̂në tshə sə tə sorô piii ndə kə pa tshə yu Ndjapä nə mbrə əndje.

6 E lï lï tshelə e gâ tə̂ ə̈bə̈ ərə bale ne, bale lə aərə nɔ̂, e yïsə̂ aərə ə̂në e ma əgo nə kɔ kə Ndjapä tə̂ äwä kə yu ətshə ə kɨ̈ ə̂sə̂ əyo tə̂ e kə ətshə də kə za mərshe kə ətshə. 7 Â blatshe nə̂ Ndjapä nə ə̂në ə rô aərə nɔ̂ ə̂në əzü ə tegbɔ kumu ye gâ pâ nə kɔ, sə kə bata lɔsu e də kə wusə̂ ərə nə̂ e lə Jezu Kristə nə.

6 E lï lï tshelə e gâ tə̂ ə̈bə̈ ərə bale ne, bale lə aərə nɔ̂, e yïsə̂ aərə ə̂në e ma əgo nə kɔ kə Ndjapä tə̂ äwä kə yu ətshə ə kɨ̈ ə̂sə̂ əyo tə̂ e kə ətshə də kə za mərshe kə ətshə.

19 Bale, Ndjapä nə̂ əmə ə ko aərə nɔ̂ ə̂në e ma əgo nə kɔ kə e je Lïndə̂ arishi nə̂ ye nə ə̂në ə rô pâ nə gâ ye kɔ, tə̂ äwä Jezu Kristə nə.

8 Rəkɔ, mə yində nə ə pa akoshe yu Ndjapä tə̂ ətshe nɔ̂ ə yi kəna əndje ə̂në ə sə mvo kɔ gâ lafɔ, ə də̂ də əkɔ də̂ wala də kəpʉ tə̂ lɔsu əndje də̂ ne.

8 Rəkɔ, mə yində nə ə pa akoshe yu Ndjapä tə̂ ətshe nɔ̂ ə yi kəna əndje ə̂në ə sə mvo kɔ gâ lafɔ, ə də̂ də əkɔ də̂ wala də kəpʉ tə̂ lɔsu əndje də̂ ne.

8 Äwä vəta, mə yû Âgbɔ̂ Əyïngerə ə pa tshə gi ərə səkɔ gashe tə̂ əmə. 9 Bale, tshə pâ kə əmə ə pa: «Ə̂rɔ̂tə̂ əmə lï də əbə gâ ye. Mbrə ə̂në awlra nə̂ əmə sə kə mbrə ərə alɔ ə̂në əzü sə sə də awlra ne kɔ.» Rəkɔ, mə sə kə da əkro əmə kʉ mbrə tə̂ ə̂në mə mɔ ə mɔ kɔ, kanika awlra nə̂ Kristə nə sə gâ pâ əmə.

26 Äwä bale ndje, Âgbɔ̂ Yîrə̂ ndje sə kə na ə tɨ əzə̂ gâ lafɔ, mbrə ə̂në a mɔ ə mɔ. Ngâ, a wu wusə̂ kə yu Ndjapä də äwänə ne; bale, Âgbɔ̂ Yîrə̂ nə də ə̂tə̂ ye sə kə yu Ndjapä nə mbrə əzə̂ də əkɨ əyo ə̂në ə̈bə̈ əpʉ sə sə kə wutu də nə gashu ne kɔ. 27 Â Ndjapä nə ə̂në tshə sə kə wu aərə tə̂ lɔsu azü kɔ wûsə̂ ərə ə̂në Âgbɔ̂ Yîrə̂ nə ə yu tshuku nə kɔ gâ ye, mbrə ə̂në Âgbɔ̂ Yîrə̂ nə sə kə yu Ndjapä nə mbrə azü ə̂në əndje zâ lɔsu əndje kə Ndjapä nə gâ ye, mata ə̂në tshelə Ndjapä nə yində nə kɔ.

26 Äwä bale ndje, Âgbɔ̂ Yîrə̂ ndje sə kə na ə tɨ əzə̂ gâ lafɔ, mbrə ə̂në a mɔ ə mɔ. Ngâ, a wu wusə̂ kə yu Ndjapä də äwänə ne; bale, Âgbɔ̂ Yîrə̂ nə də ə̂tə̂ ye sə kə yu Ndjapä nə mbrə əzə̂ də əkɨ əyo ə̂në ə̈bə̈ əpʉ sə sə kə wutu də nə gashu ne kɔ. 27 Â Ndjapä nə ə̂në tshə sə kə wu aərə tə̂ lɔsu azü kɔ wûsə̂ ərə ə̂në Âgbɔ̂ Yîrə̂ nə ə yu tshuku nə kɔ gâ ye, mbrə ə̂në Âgbɔ̂ Yîrə̂ nə sə kə yu Ndjapä nə mbrə azü ə̂në əndje zâ lɔsu əndje kə Ndjapä nə gâ ye, mata ə̂në tshelə Ndjapä nə yində nə kɔ.

20 Əpʉ lɔsu ye nə kə Ndjapä nə kâ kâ ne â tshə shêra əpʉ ama Ndjapä nə ə̂në tshə zâ kɔ shêra ne; bale lɔsu ye nə gbɔ̂gbɔ ətshə â tshə mbê Ndjapä nə. 21 Tshə wûsə̂ nə ngâ ə pa Ndjapä nə sə də awlra ndə kə pa tshə mbrə ndəma əpʉ ə̂në tshə zâ ama də nə gâ ye kɔ.

20 Ndjapä nə ə̂në tshə sə də awlra ndə kə pa tshə mbrə ərə ə ro ənə̂ sə̂ nɔ̂ ə̂në a yu tshuku nə wala a sə kə li tshelə əzə̂ ndje gâ pâ nə kɔ, tə̂ äwä awlra ə̂në ə sə kə mbrə kosəra lə əzə̂ kɔ,

20 Ndjapä nə ə̂në tshə sə də awlra ndə kə pa tshə mbrə ərə ə ro ənə̂ sə̂ nɔ̂ ə̂në a yu tshuku nə wala a sə kə li tshelə əzə̂ ndje gâ pâ nə kɔ, tə̂ äwä awlra ə̂në ə sə kə mbrə kosəra lə əzə̂ kɔ,

18 «Djatra əpʉ, mə pa kə e: ərə nɔ̂ ə̂në e sə kə kânga äwä nə pâ ashɔ, Ndjapä sə kə kânga äwä nə mâ lafɔ-e. Ərə nɔ̂ ə̂në e sə kə krɔ äwä nə pâ ashɔ, Ndjapä sə ndje kə krɔ äwä nə mâ lafɔ-e.

20 Mbrə ə̂në, tə̂ ətshe ə̂në azü bishi wala vəta ngbo tə̂ əndje gâ tə̂ nə də əɨrɨ əmə, mə sə lə takpa tə̂ əndje.»

21 Bale, marä tə̂ afrɔ yîrə̂ rə lï ndə kə wutu nə kʉ tə̂ äwä kə yu Ndjapä də kə ru tshelə tə̂ rəgo.]»*

39 Mandânə, tshə rô ngrʉ̂ teashe ə tê ə zâ kumu ye su ashɔ ə yû Ndjapä ə pâ əpʉ səye ə pa: «Abä əmə, kədə äwä nə â sə je, gï kopo əyo səye gashe tə̂ əmə. Bale, lə aərə nɔ̂, ə də̂ ərə ə̂në mə yində nə kɔ də̂ ka bə ma ne, bale, ərə ə̂në bə yində nə kɔ ka ə ma.»

27 «Mə pa kə e, e-e ə̂në e sə kə dji əpʉ nə̂ əmə kɔ: E yïndə alayïkowɔ nə̂ e! E mbrə̈ ə̂rɔ̂nə kə azü ə̂në tshelə əndje yində e yi ne kɔ! 28 E tö ngwarə gâ pâ azü ə̂në əndje dra e kɔ ə yü Ndjapä mbrə azü ə̂në əndje sə kə ma kanga tə̂ e kɔ!

31 Mandânə, Âgbɔ̂ Əyïngerə nə pâ: «Shemɔ, Shemɔ! Ala zə në, Sataa yû tshuku äwä ndə kə pa tshə pe tshelə e mata ə̂në əndje sə kə pe tshelə ə̂lê rəgo kɔ. 32 Bale, mə yû Ndjapä mbrə əbə gâ ye ndə kə pa lɔsu zə te te ne. Bale, alɔ ə̂në bə do tə̂ zə ə gu gâ ndə əmə gâ ye, mbrə ndə kə pa lɔsu alaye zə gbɔgbɔ tə̂ ye.»

14 Əndje nɔ̂ əndje djî tə̂ əndje â sə̂ kə ngbo tə̂ əndje gâ tə̂ nə alɔnɔ̂ ndə kə yu Ndjapä, əndje də alabə̈ ayashe də Marə̂, əyï Jezu, gâ ndə alaye Jezu nə.

25 Trö də tshegrutshe, Palɔ nə gâ ndə Silasə nə sə̂ kə yu Ndjapä ə sə̂ kə wli ətshi ndə kə tɔlɔ Ndjapä, â ə̂dû alayïkânga nə sə̂ kə dji əndje.

7 Alɔ kə nglɔ aərə nɔ̂ ndô trö gâ ye. Rəkɔ, e sə̈ tə aawowusə̂ ərə ə sə̈ də ə̈kü ala e ka e lï ndə kə pa e yu Ndjapä.