Como era a relação de Jesus com pedro: os maiores ensinamentos de Cristo ao seu seguidor

Jisu Peter de teucuhdaikelu

15 Iciu eh penui matyei kelu cai, Jisu Simon Peter dage rangdi, "John napei Simon, nang aidungde swa acu hungki lami?" Peter pe dage rangdi, "Yeo Rampaubo, Ih ncu hung kela nang cibam." Jisu pe dage rangdi, "A meurünnadung puk tei lulo." 16 Pa pia pekenabe pedade rang dai, "John napei Simon, nang acu hung lami?" Peter pe dage rang eh, "Yeo Rampaubo, Ih ncu hung kela nang cila." Jisu pe dage rang eh, "A meuründung* mapie lulo."

17 Jisu pia pe kecumbe de pe dade rangdi, "John napei Simon nang acu hung lami?" Jisu pedade pia pe kecumbe "Nang acu hung lami?" de eh kerang ne Peter pelung sia di, pa pe dage rangdi, "Rampaubo, nang ma pelane cibam, Ih ncu hung kelade nang cibam." Jisu pe dade rangdi, "A meuründung pok tei lulo.

28 Ge Peter ranggai, "Rampaubo, magade nang liecai, acu peu duireu gade tetpet nda gwang lulo samkai beulo." 29 Jisu rangdi, "Mpetlu." Cine Peter liem gade mpetlu nah Jisu da mie kerane duireu gade tetpet. 30 Dede Peter tingkai cisüt kecu de ngau luge, pa ngngidi. Pa nlim mie ge, pa sahbak eh, ranggai, "Rampaubo, acu kelibeu lo!" 31 Jisu zette pe ba hwapwa Peter de teulu delwe pedage rangdi, "Nang kenlum keceu nabo, daitei nang lunghau dino?"

Peter Jisu de mlaikedi

54 Ciciu eh pecu tuilu, penui pecu ngngwa tetdi nah cingku kedibe kiga ngngwa gwang di. Dede Peter kemdei gade pecaisui la. 55 Nah pecai penui kigu sumgage mi teilwe ntum twagwa bamge, Peter penui kakga ntum bamlu. 56 Cidau kilame pui ge, pa cika kebaa ga ntum kebam ngau lu nah pecu pielwe, rangdi, "Mina aipaude de pecu ngngwa la." 57 Dede Peter cide mlaidi, rang eh, "Mipoe, Ih pecu cima." 58 Nah pecai matie mene mi kedage pecu ngau nah rangdi, "Nang de penui hangge da." Dede Peter rangdi, "Minabo, Ih au ma." 59 Nah bamdakkak ge caine de, mikeda ge de cu, ranggai, "Aipaude de pecu ngngwa la kesangda, kedanemene pa Galileeme gelu." 60 Dede Peter rangdi, "Minabo, nang daipai rangzeu bi Ih cima." Nah cidau zette pa rangcang gailak kezeu ne, nrui kwadi. 61 Cidau Rampaube nreu gwang Peter de piegai, ge Peter Rampaube sam nsunglu, dai nzwa pe dage rangbeu bi kecu, "Henai nrui kwa kemak dwa nang acu pia cum nlai dizie." 62 Cine pa hegwale mpet lu nah hap sütdi.