24 ka baraka bila Alla yɛ, ka a kurunkurun bɔ ka a fɔ ko, «N faribanku le ɲin di mɛn dinin ai la ko rɔ. Ai ye ɲin kɛ mɛn di n na ko labila ai la.» 25 Ii bannin a dɔɔnna, a ka jilafɛ fanan ta ka a fɔ ko, «Teriya kura mɛn sidinin an tɛma n jeli fɛ, wo le ɲin di. Ai wa kɛ ɲin minna waati si rɔ, n na ko ye labila ai la.» 26 Baa ai wa kɛ buru ɲin dɔɔnna waati mɛn na, ka ai min minninfen ɲin na, ai ye Maari la saya ko le lasela haan a ye na.

27 Wo le rɔ, ni mɔɔ si ka Maari la buru dɔɔn, wala ka a min Maari la jilafɛ la kɛɲa dahabaliya rɔ, wo tii ye julumun de tala Maari faribanku ni a jeli la. 28 Wo le rɔ, bɛɛ ye a jɛrɛ kɔrɔsi, ka Maari la buru dɔɔn, ka a min Maari la jilafɛ fanan na wo ɲa ma.