1 Coríntios 5

Jalonya la ko

1 Nba, ii ye a fɔla ko mɔɔ do ye kaninkɛla ai tɛma. Wo kaninkɛ ɲa juuman kosɛbɛ, hali lemɛniyabaliilu tɛ wo su kɛla. Mɔɔ do ra a na dɔɔnin ta. 2 Hali wo, ai ye ai wasola! A bɛnnin tɛrɛ, ai ye sunun wo rɔ. Mɔɔ mɛn wa ko su wo kɛ, ai ye wo bɔ ai tɛma. 3 Hali n faribanku tɛ ai tɔrɔfɛ kɔni n hankili ye ai ko. Mɔɔ mɛn da wo ko su kɛ, n da ban wo tii jalakila ikomin n tɛrɛ wa kɛ ai tɔrɔfɛ. 4 Ai wa ai ladɛn Maari Isa tɔɔ rɔ, n fanan hankili ye ai ko, Maari Isa fanka fanan ye ai fɛ, 5 wo waati rɔ, ai ye wo tii gbɛn ai tɛma, ka a to Setana bolo, a faribanku diyanan koilu tiɲan kanma, kosa a nii ri kisi Maari Na Lon.

6 Ai la jɛrɛ matɔɔ ma ɲin muumɛ! Ai ma a lɔn wa, ko «Lɛbɛn*5.6 buru layɛlɛ fen: Lɛbɛn de wo ri mɛn ye buru lawarala ka tamin. dɔɔnin di dɛɛba bɛɛ layɛlɛ?» 7 Wo rɔ, ai ye ai jɛrɛ lasɛninya! Ai ye hakɛ bɔ ai tɛma mɛn tonin ai tɛma ikomin lɛbɛn kɔrɔ buru kun na. Ai kɛnin de ikomin buru kura lɛbɛn tɛ mɛn na. Baa Ɲenematɔmɔnin da faa an yɛ ikomin Taminkunna*5.7 Taminkunna Sali: Musa la waati rɔ, Alla ka fitinna ko lana Ferawuna la jama ma, mɛlɛka nara ii den fɔlɔilu bɛɛ faa su kelen dɔ. Kɔni, Isirayɛlikailu ka saraka jeli sadisadi ii la bonilu da jiriilu ma, saya mɛlɛka taminda ii kun na. Wo ko sali le ɲin di. A ragbɛ Hɔrɔya suran 12 kuma diya 1 haan 13 kɔndɔ. saraka saa.*5.7 A ragbɛ Hɔrɔya suran 13 kuma diya 7 ni suran 12 kuma diya 21 kɔndɔ. 8 Wo rɔ, an ye wo sali kɛ a ɲa ma. An kana wo sali kɛ buru layɛlɛ fen kɔrɔ la, mɛn kɛnin ikomin lagboyaɲɛ ni ko juu. Kɔni an yɛ wo sali kɛ ikomin buru layɛlɛ fen tɛ basannin buru mɛn na, sɛninya ni tuɲa.*5.8 A ragbɛ Hɔrɔya suran 12 kuma diya 15 haan 20 ni Sariyailu suran 16 kuma diya 3 kɔndɔ.

9 N ka wo sɛbɛ le ai ma n na bataki kɔndɔ, ko ai kana ai ni jalonilu ladɛn. 10 Kɔni n tɛ a fɔla dunuɲa ɲin mɔɔilu le la ko la, mɛnilu ye jalonya kɛla, wala wasabali wala kansontenilu wala joo batolailu. Ni a ye wo ɲa le ma, fɔɔ ai ye bɔ dunuɲa rɔ fewu! 11 Sisɛn, n ye wo sɛbɛla ai ma ko, mɔɔ mɛnilu ra ii jɛrɛ kɛ lemɛniya mɔɔilu ri, kɔni ii ye tola jalonya kɛla, wala wasabaliya, wala joo bato, wala nafiya, wala dɔlɔ min wala kansonya. Hali ai ni woilu kana ai bolo ladɛn dɔɔnnin diya. 12 Baa, nde la baara le wa, ka lemɛniyabaliilu kiti? Aile ma kan ka lemɛniya jama mɔɔilu kiti wa? 13 Alla le lemɛniyabaliilu la kitiilu tɛɛla. A sɛbɛnin Kitabu rɔ ko, «Ai ye mɔɔ juu gbɛn ai tɛma.»*5.13 Sariyailu suran 17 kuma diya 7