1 Coríntios 7

Furu ko ɲininkali

1 Ai ka mɛn fɔ ai la sɛbɛ kɔndɔ, an ye na wo ma ko ni a ri bɛn cɛɛ ni muso kana laɲɔɔya kɛ. 2 Baa, jalonya ye siyayala, a bɛnnin cɛɛ bɛɛ ye muso kelen furu a jɛrɛ yɛ. Cɛɛ bɛɛ la muso ye to a bolo, muso bɛɛ la cɛɛ ye to a bolo. 3 Cɛɛ ka kan ka mɛn kɛ a muso yɛ, a ye wo kɛ a yɛ. Muso fanan ye wo ɲa le ma a la cɛɛ ma. 4 Muso sawo tɛ a jɛrɛ faribanku rɔ fɔɔ a la cɛɛ. Wo ɲa ma, cɛɛ fanan sawo tɛ a jɛrɛ faribanku rɔ fɔɔ a la muso. 5 Ai kana ai ban ai ɲɔɔn bolo fɔɔ ni ai fila ra bɛn waati do ma Alla matara ko rɔ. Wo kɔ rɔ, ai ri dɛn ikɔ tuunnin kosa Setana ti nala ai lafilila ai la jɛrɛ mirabaliya rɔ.