Kewaliilu 9

Alla ka Dɔrikasi lawuli ka a bɔ saya rɔ

36 Nba, Isa la karanden do tɛrɛ ye Jope so kɔndɔ. Wo tɔɔ ko Tabita. Mɔɔilu ye a fɔla a ma Kirɛkikan dɔ ko Dɔrikasi. Muso wo tɛrɛ ye koɲuma kɛla tuma bɛɛ ka fantanilu dɛmɛn. 37 Ka Piyɛri to Lida so kɔndɔ, Tabita jankarɔra ka sa Jope so kɔndɔ. Ii ka a su ko ka a la sankaso san ma bon na. 38 Jope ni Lida tɛ ma jan. Wo rɔ, a fɔra Jope karandenilu yɛ tuma mɛn na ko Piyɛri ye Lida, ii ka mɔɔ fila kelaya ka wa a madiya ko a ye na i kɔrɔkɔrɔ ɲin di ten. 39 Nba, woilu wara kela fɔ Piyɛri yɛ tuma mɛn na, a nara ii kɔfɛ. A seni ye, ii wara a ri sankaso san ma bon na. Cɛsamusoilu bɛɛ nara Piyɛri laminin. Ii kasira ka durukibailu ni duruki kɔrɔbilailu yiraka a la, Dɔrikasi tun ka mɛnilu kara.