Marcos 7

11 Kɔni ai ka a fɔ ko mɔɔ ri se a fɔla a fa wala a na yɛ ko: ‹I ka kan ka dɛmɛnfen mɛn sɔrɔn n bolo, wo ra kɛ Kɔrɔban di.› (Wo kɔrɔ le ko ‹n da wo bila a dan na Alla yɛ.›) 12 Ni a ka wo le fɔ, ai ti sɔnna butun a ye a sɔrɔnbailu dɛmɛn. 13 Wo bolo ma, ai ka namun mɛnilu sɔrɔn ai benbailu la, ai ye woilu kɛla ka ii bila Alla la kuma nɔ rɔ. Ai ye wo ɲɔɔn ko siyaman fanan kɛla.»

Fen mɛnilu ye mɔɔ nɔɔla

14 Wo kɔ rɔ, Isa ka jama kili ikɔ tuun, ka a fɔ ii yɛ ko: «Ai bɛɛ ye ai tolo malɔ n na kuma la ka a famun. 15 Mɔɔ ye fen fen donna a da rɔ ka a dɔɔn, wo si ti se mɔɔ nɔɔla. Kɔni fen mɛnilu ye bɔla mɔɔ rɔ, wo le ye mɔɔ nɔɔla.»