Mateus 9

Isa ka ɲa funyen fila lakɛndɛya

27 Isa bɔra ye ka wa. Ɲa funyen fila wulira ka ii bila a kɔfɛ, ii ye wɔyɔla ko: «Dawuda dencɛ,*9.27 «Dawuda dencɛ» wo kɔrɔ le ko Mansa Dawuda bɔnsɔn de, mɛn di se ka kɛ mansa ri a nɔ rɔ. Wo rɔ, cɛɛ ɲinilu ka a yen ko Isa ye Mansa Dawuda bɔnsɔn de ri mɛn di se ka kɛ mansa ri. Wo le ko ii ka famun ko Isa ye Ɲenematɔmɔnin de ri. i ye hina an na.» 28 Isa donda bon na tuma mɛn, ɲa funyen fila ka ii madon a la. A ka ii maɲininka ko: «Ai lanin a la ko n di se ai ɲa lakala wa?» Ii ka a fɔ ko: «Ɔɔn, Maari, an lani wo la.» 29 Wo rɔ, Isa ka a bolo maa ii ɲa la. A ka a fɔ ko: «Ai la lemɛniya kosɔn, ai ɲa ri laka.» 30 Ii ɲa lakara. Isa ka a fɔ ii yɛ ka a magbɛlɛnya ko: «Ai kana ko wo fɔ mɔɔ si yɛ.» 31 Kɔni ii bɔnin kɔ so kɔndɔ, Isa tun ka mɛn kɛ, ii ka wo lakali mara fan bɛɛ rɔ.