1 Ani willa sooyani hookna, hankaab oodehay kasseeyooh dehaay siileelaana. Ukwaasana shamaamt hooy hariwna, bareeyooh mhiin bitkeemaana, bareeyooh jillaay hamidna. 2 Yhadꞌaawwa kasseeh baliib tehadꞌaayeetiib eefeenwa bak dehaay siileelaana! Aflaay mꞌasgiibwa tiribshaaytii nigiya kwiraaywa nikweeree dehaay adgirnay. Tageegwa faalwa nimeeri jillaay siileelaana. 3 Tuun tuuna daayiitu, aree Ukwaasana Wꞌishidhhiinoon afirhistini.