1 Aflaay hinin bak tꞌiiti gwida dehayiit badehaat geeboon nibariyihoob, teena tigoofiya ikatiint neegideet toonaati. Idanuub hinin winneet aabkaab han nifadigeet toonaati. Hinin daayi dhab amgaruubaab suuroon lawiiniib nidꞌeet toonaati. 2 Tiliiliyaateen Yasuuꞌaab daayiib haay nishabbeet toonaatu, aree hineeb wꞌiimaan ibadootii wꞌagiya ookiik bariiyooh kehii adehamiini. Bariiyooh suurii iifiint tifirhaati sabbii baruuh usaliib imtaraam, usaliibi kehii tooyat han hooy sikwꞌaab kiiki. Oontꞌa baruuh Ukwaasanaayt tehadꞌaayeeti maygwadiib isꞌa. 3 Baruuh idanuubi kinaayee imtaraameeb wꞌamaag wara uginꞌookna hooy dꞌiina, aflaay baraakna isꞌaya kitꞌatiit igwuuy kitdiina.

4 Idanuubi kehii timꞌaliignihoob, ubooyookna teefifneeb ookiik amdeeriyaab kitteena. 5 Tisꞌakrooyti bhali bareekna yꞌareet dehookna bhaliimiyaan tibaadhinna:

Ukwaasana "Wꞌooruun, Wꞌankwana sooyiiniyeet toona sinaakira,

aree baruuh danniinihoob isꞌaya baakitꞌa.

6 Wꞌankwana areeyaab ikatiyeeb ikwiriyaatay ishiishboobi akay, bariiyooh oor iikti indiib kasseeh danniin." diyaabi.

7 Baraak ikwiriyaatayeet igwirha amtaraamna, Ukwaasana bareek yꞌareeh tꞌiiteena shanbiib hookna. Oor ubaaba biidaniineeb eefi han? 8 Kasseeh bariiyeeh yꞌareet baraak han adab bitdꞌiineek, sidki ar iikti kitdiina, laakiin haraami ar iikti tiyadna. 9 Hinin kassaan aadami baabaab nibari, baraah iidnanna hoon aree hinin bareeh nisniikar. Shaawti ishuukeeyoon Baaba udhhaniib daayiib nisnaakiireet toona kitti han? 10 Baabaan shalik door ookiik baraah daayiinaayt isehariwniit idaaninna hoon. Laakiin Ukwaasana hinin iknaayeet daayiinaayti jillaay eedniin hoon, aflaay barooh tꞌiiteeb mugaddasaab nikati. 11 Hinin nimeedniinihoob been oodoor lhastini hoon. Laakiin malya been idinni imeednaan uudehay shibootwa mꞌasgi firaaywa dehaay ikati.

12 Shaawti yꞌayeekna igwooyaab asti aabikna, aree igwanbiyeekna eenꞌakw sꞌakirna. 13 Fadhadh salalaayeeb sakaana, aflaay ugaraab ragad ankwali kiidi, laakiin baruuh iinꞌir indi.

14 Kasseeh oodehayi geeb mꞌasgiib kwiriina, aree mugaddasaab tikatiineet toonaati. Gaddastiib anu gaal han Wꞌankwana rhi kiidi. 15 Ukwaasanaayt tinꞌimaatee fidinti bitꞌagaarni jillaay digwagwna. Hamiit fuuti wintiit gwida gwirha tikwasiit tꞌiiteeb bitꞌakaayneet toonaati. 16 Jikuuniib bitdhaabayneet toonaatu, tari Iisaaw tꞌiiti keefri bitꞌakaayneet toonaati. Baruuh wꞌoor usuurkina imiireet tikwasa gaat mhasayti jillaay idlib. 17 Beenaay harꞌii, baruuh ubaabaayt baraka yhariweet toona baraak tikteenna. Laakiin baruuh itoorraab. Baruuh milootiyaayt tibaraka yhariweek han, ituubtii dehaay winneet idleel.

18 Baraak ribaab tatehamiiniib, nꞌeetii eetliiwnaay dehaay yꞌaab kitteena. Laakiin thibinwa, laabuuswa, baraamwa, 19 dꞌaay thiwtii dehaaywa, whissi kwinhitii dehaaywa, yꞌaab kitteena. Uudehay whiss imaasiwnihoob, weet kalma biimaasiiwneet toona hooy yhariwna. 20 Baraah ibhali, "Reew han oon oorba tatehiiniyeek, ibakii geedami indi." attiyoodiyaab sinaakraab kiikeen. 21 Tuuna tirhamtaat winneet mirkwaay tiibriitu, Muusa "Ani mirkwaayii katatani." idi.

22 Laakiin baraak oorba Sihiyoon eetaana, Algudus tibreeteet Ukwaasana udhhaniinaayt tumadiina eetaana. Baraak gwida alfa malak firhaati majlisaayeeb eefeen dehaay eetaana. 23 Yꞌar isuurkinaayeet kaniisaatiib eetaana, bareeh ismaayaahna tibreeteeb kataba. Baraak Ukwaasana oodehay kasseeh hankiimnaay dehaay eetaana. Oodehay eeshbooni shuuk itimmiimaanee dehaay eetaana. 24 Yasuuꞌaab ugalad ugayiinaay bitkeemanaay dehaay eetaana. Haabiiliib ubooyiika hayiska bhali hadiidiiniib oobooy wꞌafaafnaay dehaay eetaana.

25 Oon whadiidiiniib aree ibhaliyeeh bitriibneet toonaatu, digwagwna. Been tubuuti kehii bareeh akraab sooyaab tisnaakrooy iribnihoob, baraah dhhanaab biikaayneek, aflaay hinin beeb tibreetee akraab sooyiiniyoon fidinaab hooy nitꞌagiireek, kak eedhhaniin niikti niyad? 26 Been oodoor bariiyuuh whiss toobuut katatisiya, oontꞌa laakiin baruuh waadiyaab waadiyaaya. Baruuh "Masi door gaal toobuut toobhaat katatsi kaadi, laakiin teebri han katatsi andi." idi. 27 Tikalma "Masi door gaal" iyadt, taana tidaamaat katati iyadna, aree hantaayi iyadneet toona, tikalma rhiseen. Aflaay taana tibaakatataya daayi iyadna.

28 Shaawti hinin katati baadiit hadꞌaayi nimeer akay, nhamdeet toonaatu, aree Ukwaasana radaasiini hamooysitiiwwa mirkwaayiiwwa nꞌabideet toonaati. 29 Ukwaasanaayuun toonꞌi tutamtiniit tꞌiiteebi.