1 राजाओं 11:9-13

9 फेर यहोवा नै सुलैमान पै छो करया, क्यूँके उसका मन इस्राएल के परमेसवर यहोवा तै मुड़ ग्या था जिसनै दो बार उस ताहीं दर्शन दिया था। 10 अर उसनै इसे बात कै बारै म्ह हुकम दिया था, के पराए देवत्यां कै पाच्छै ना होइये, फेर भी उसनै यहोवा का हुकम न्ही मान्या। 11 ज्यांतै यहोवा नै सुलैमान तै कह्या, "तन्‍नै जो इसा काम करया सै, अर मेरा करया होया करार अर दी होई विधि तन्‍नै पूरी न्ही करी, इस कारण मै राज्य नै जरुर तेरे तै खोसकै तेरे एक कर्मचारी ताहीं दे दियुँगा। 12 फेर भी तेरे पिता दाऊद के कारण तेरे दिनां म्ह तो इसा न्ही करुँगा; पर तेरा बेट्टा कै हाथ तै राज्य खोस ल्यूँगा। 13 फेर भी मै पूरा राज्य तो न्ही खोस ल्यूँगा, पर अपणे दास दाऊद कै कारण, अर अपणे चुणे होए यरुशलेम कै कारण, मै तेरे बेट्टे कै हाथ म्ह एक गोत्र छोड़ दियुँगा।"