8 फेर उसनै उठकै खाया-पिया; अर उस्से खाणे तै बल पाकै चाळीस दिन-रात चाल्दे-चाल्दे परमेसवर के पर्वत होरेब पै पोहच्या।
9 ओड़ै वो एक गुफा म्ह जाकै टिक्या अर यहोवा का यो वचन उसकै धोरै पोहच्या, "हे एलिय्याह तेरा उरै के काम?" 11 उसनै कह्या, "लिकड़कै यहोवा कै धोरै पर्वत पै खड्या हो।" अर यहोवा धोरै तै होकै चाल्या, अर यहोवा कै स्याम्ही एक घणी तेज आँधी तै पहाड़ पाट्टण अर चट्टान टूटण लाग्गी, फेर भी यहोवा उस आँधी म्ह ना था; फेर आँधी कै बाद भूकम्प होया, फेर भी यहोवा उस भूकम्प म्ह ना था। 12 फेर भूकम्प कै बाद आग दिखाई दी, फेर भी यहोवा उस आग म्ह ना था; फेर आग कै बाद एक दब्या होया धीमा शब्द सुणाई दिया। 13 यो सुणदे एलिय्याह नै अपणा मुँह चाद्दर तै ढक लिया, अर बाहर जाकै गुफा कै द्वार पै खड्या होग्या। फेर एक शब्द उसनै सुणाई दिया, "हे एलिय्याह तेरा उरै के काम?"