10 वो मन म्ह दुखी होकै यहोवा तै प्रार्थना करण अर बिलख-बिलख कै रोण लाग्गी। 11 अर उसनै या मन्नत माँग्गी, "हे सेनाओं के यहोवा, जै तू अपणी दास्सी के दुःख पै सचमुच निगांह करै, अर मेरी सुधि ले, अर अपणी दास्सी नै भूल ना जावै, अर अपणी दास्सी ताहीं बेट्टा दे, तो मै उस ताहीं उसके जीवन भर खात्तर यहोवा नै अर्पण करुँगी, अर उसके सिर पै छुरा फिरण ना पावैगा1:11 पावैगा लूका. 1:48 ।"
13 हन्ना मन ए मन कहण लागरी थी; उसके होठ तो हाल्लै थे पर उसकी आवाज कोनी सुणै थी; ज्यांतै एली नै समझया के वा नशे म्ह सै। 14 फेर एली नै उसतै कह्या, "तू कद ताहीं नशे म्ह रहवैगी? अपणा नशा तार।" 15 हन्ना नै जवाब दिया, "न्ही, हे मेरे स्वामी, मै तो दुखियाँ सूं; मन्नै ना तो दाखमधु पिया सै अर ना मदिरा, मन्नै अपणे मन की बात खोलकै यहोवा तै कही सै। 20 जब बखत आया अर हन्ना गर्भवती होई अर बखत पै उसकै एक बेट्टा होया, अर उसका नाम शमूएल1:20 शमूएल परमेसवर नै सुणली अर वो उसकी प्रार्थना का जवाब था। धरया क्यूँके वा कहण लाग्गी, "मन्नै यहोवा तै माँगकै इस ताहीं पाया सै।"
27 यो वोए बाळक सै जिसकै खात्तर मन्नै प्रार्थना करी थी; अर यहोवा नै मेरे ताहीं मुँह माँगया वरदान दिया सै। 28 ज्यांतै मै भी उसनै यहोवा ताहीं अर्पण कर देऊँ सूं; ताके यो अपणे जीवन भर यहोवा ए का बण्या रहवै।" फेर एल्काना नै1:28 उसनै एल्काना अर उसका परिवार ओड़ैए यहोवा ताहीं दण्डवत करया।