शाऊल का दूसरा अपराध अर उसका फळ
1 शमूएल नै शाऊल तै कह्या, "यहोवा नै अपणी प्रजा इस्राएल पै राज करण खात्तर तेरा अभिषेक करण खात्तर मेरे ताहीं भेज्या था; इस कारण इब यहोवा की बात सुण ले। 3 इस कारण इब तू जाकै अमालेकियाँ नै मार, अर जो किमे उनका सै उसनै बिना दया करे सत्यानाश कर; के माणस, जनान्नी, बच्चा, चाहे दूध पीन्दा हो, गां-बळध, भेड़-बकरी, ऊँट, गधा, सारया नै मार दिये।’"
9 पर अगाग पै, अर आच्छी तै आच्छी भेड़-बकरियाँ, गां-बळधां, मोट्टे पशुआं, अर मेम्नों, अर जो किमे आच्छा था, उनपै शाऊल अर उसकी प्रजा नै दया करी, अर उन ताहीं नाश करणा न्ही चाह्या; पर जो किमे तुच्छ अर निकम्मा था उसका उननै सत्यानाश करया।
13 फेर शमूएल शाऊल के धोरै गया, अर शाऊल नै उसतै कह्या, "तन्नै यहोवा की और तै आशीष मिलै; मन्नै यहोवा का हुकम पूरा करया सै।" 15 शाऊल नै कह्या, "वे तो अमालेकियाँ के उरै आए सैं; यानिके प्रजा के माणसां नै आच्छी तै आच्छी भेड़-बकरियाँ अर गां-बळधां ताहीं तेरे परमेसवर यहोवा के खात्तर बलि करण ताहीं छोड़ दिया सै; अर बाकी सारी का तो मन्नै सत्यानाश कर दिया सै।"
22 शमूएल नै कह्या,
"के यहोवा होमबलियाँ, अर मेलबलियां तै उतणा खुश होवै सै,
जितना के अपणी बात के मान्ने जाण तै खुश होवै सै?
सुण, मानणा तो बलि चढ़ाण तै अर कान लगाणा मिंढयाँ की चर्बी तै बाध सै15:22 मिंढयाँ की चर्बी तै बाध सै यशा. 1:10-11; यिर्म. 6:20; 7:21-26; होशे. 6:6; आमोस. 5:21-24; मीका. 6:6-8।।
23 देख, बलवा करणा अर भावी कहण आळयां तै पूछणा एक ए बराबर पाप सै,
अर हठ करणा मूरतां अर गृहदेवत्यां की पूजा के बराबर सै।
तन्नै जो यहोवा की बात ताहीं तुच्छ जाण्या,
ज्यांतै उसनै तेरे ताहीं राजा होण खात्तर तुच्छ जाण्या सै।"