दाऊद का राज्याभिषेक
1 यहोवा नै शमूएल तै कह्या, "मन्नै शाऊल ताहीं इस्राएल पै राज्य करण ताहीं त्याग दिया सै, तू कद ताहीं उसके बारै म्ह बिलाप करदा रहवैगा? अपणे सींग16:1 तेल राक्खण आळा सींग जिसतै अभिषेक करया जावै था म्ह तेल भरकै चाल; मै तेरे ताहीं बैतलहमवासी यिशै के धोरै भेज्जू सूं, क्यूँके मन्नै उसके बेट्यां म्ह तै एक ताहीं राजा होण खात्तर चुण्या सै।"
6 जिब यिशै अर उसके बेट्टे आए, फेर उसनै एलीआब16:6 एलीआब यो बड़ा बेट्टा था पै नजर करकै सोच्या, "पक्का यो जो यहोवा के स्याम्ही सै वोए उसका अभिषिक्त होवैगा।" 10 इस तरियां यिशै नै अपणे सात बेट्यां ताहीं शमूएल के स्याम्ही भेज्या। अर शमूएल यिशै तै कहन्दा गया, "यहोवा नै इन ताहीं न्ही चुण्या।" 11 फेर शमूएल नै यिशै तै कह्या, "के सारे छोरे आ गए?" वो बोल्या, "ना, छोट्टा तो रहग्या, अर वो भेड़-बकरियाँ नै चराण जा रहया सै।" शमूएल नै यिशै तै कह्या, "उसनै बुलावा भेज; क्यूँके जिब ताहीं वो उरै न्ही आवैगा जिब तक हम खाण खात्तर न्ही बैठांगे।" 12 फेर वो उसनै बुलाकै भित्तर ले आया। उसकै तो लाल्ली झलकै थी, अर उसकी आँख सुन्दर, अर उसका रूप सुडौल था। फेर यहोवा नै कह्या, "उठकै इसका अभिषेक कर: योए वो सै।" 13 फेर शमूएल नै अपणा तेल का सींग लेकै उसके भाईयाँ के बीच म्ह उसका अभिषेक करया; अर उस दिन तै लेकै यहोवा का आत्मा दाऊद पै बल तै उतरदा रह्या। फेर शमूएल उठकै रामाह म्ह चल्या गया।