1 शमूएल 16:6,7,11-13

6 जिब यिशै अर उसके बेट्टे आए, फेर उसनै एलीआब*16:6 एलीआब यो बड़ा बेट्टा था पै नजर करकै सोच्या, "पक्‍का यो जो यहोवा के स्याम्ही सै वोए उसका अभिषिक्त होवैगा।" 7 पर यहोवा नै शमूएल तै कह्या, "ना तो उसके रूप नै देख, अर ना उसके कद की ऊँचाई नै, क्यूँके मन्‍नै उस ताहीं अयोग्य जाण्या सै; क्यूँके यहोवा का देखणा माणस जिसा कोनी; माणस तो बाहर का रूप देक्खै सै, पर यहोवा की नजर मन पै रहवै सै।" 11 फेर शमूएल नै यिशै तै कह्या, "के सारे छोरे आ गए?" वो बोल्या, "ना, छोट्टा तो रहग्या, अर वो भेड़-बकरियाँ नै चराण जा रहया सै।" शमूएल नै यिशै तै कह्या, "उसनै बुलावा भेज; क्यूँके जिब ताहीं वो उरै न्ही आवैगा जिब तक हम खाण खात्तर न्ही बैठांगे।" 12 फेर वो उसनै बुलाकै भित्तर ले आया। उसकै तो लाल्‍ली झलकै थी, अर उसकी आँख सुन्दर, अर उसका रूप सुडौल था। फेर यहोवा नै कह्या, "उठकै इसका अभिषेक कर: योए वो सै।" 13 फेर शमूएल नै अपणा तेल का सींग लेकै उसके भाईयाँ के बीच म्ह उसका अभिषेक करया; अर उस दिन तै लेकै यहोवा का आत्मा दाऊद पै बल तै उतरदा रह्या। फेर शमूएल उठकै रामाह म्ह चल्या गया।