हन्ना की प्रार्थना
1 फेर हन्ना नै प्रार्थना करकै कह्या,
"मेरा मन यहोवा के कारण खुशी तै भरग्या सै;
मेरा सींग यहोवा के कारण ऊँच्चा होया सै।
मेरा मुँह मेरे दुश्मनां के बिरुध्द खुलग्या,
क्यूँके मै तेरे करे गये उद्धार तै आनन्दित सूं।2:1 यूँके मै तेरे करे गये उद्धार तै आनन्दित सूं। लूका. 1:46-55
2 यहोवा कै समान कोए पवित्र कोनी,
क्यूँके तन्नै छोड़ और कोए सै ए कोनी;
अर म्हारे परमेसवर के समान कोए चट्टान न्ही सै।
3 फूलकै अहंकार की और बात ना करो,
अर अंधेर की बात थारे मुँह तै ना लिकड़ै;
क्यूँके यहोवा ज्ञान्नी परमेसवर सै,
अर काम्मां नै तौलण आळा सै।
4 शूरवीरां के धनुष टूटगे,
अर ठोक्कर खाण आळयां की कमर म्ह बल का फेंटा कस्या गया।
5 जो पेट भरै थे उन ताहीं रोट्टी खात्तर मजदूरी करणी पड़ी,
जो भूक्खे थे वे फेर इसे न्ही रहे।
बल्के जो बाँझ थी उसके सात2:5 सात इस्राएल के माणसां खात्तर, सात की संख्या सिद्धता का प्रतीक सै होए,
पर भोत घणे बाळकां की माता घुळदी जावै सै।
6 यहोवा मारै सै अर जिन्दा भी करै सै;
वोए अधोलोक म्ह उतारै अर उस म्ह तै लिकाड़ै भी सै।
7 यहोवा कंगाल करै सै अर धनी भी बणावै सै,
वोए नीच्चा करै सै अर ऊँच्चा भी करै सै2:7 सै लूका 1:52।
8 वो कंगाल नै धूळ म्ह तै उठावै सै;
अर दरिद्र नै राख के ढेर म्ह तै लिकाड़कै खड्या करै सै,
ताके उन ताहीं अधिपतियाँ के गैल बिठावै,
अर महिमायुक्त सिंहासन के वारिस बणावै।
क्यूँके पृथ्वी के खम्भे यहोवा के सैं,
अर उसनै उनपै जगत ताहीं धरया सै।"
9 "वो अपणे भगतां के पायां नै सम्भाळे रहवैगा,
पर दुष्ट अंधियारे म्ह चुपचाप पड़े रहवैगें;
क्यूँके कोए माणस अपणे बल के कारण प्रबल न्ही होवैगा।
10 जो यहोवा तै झगड़ै सैं वे चकणाचूर होंगे;
वो उनके बिरुध्द अकास म्ह गरजैगा।
यहोवा पृथ्वी की छोर ताहीं न्याय करैगा;
अर अपणे राजा नै बल देवैगा
अर अपणे अभिषिक्त ताहीं अपणे दुश्मनां तै लड़ण की ताकत दी।"