शमूएल की पैहली भविष्यवाणी
1 वो बाळक शमूएल एली के स्याम्ही यहोवा की सेवा टहल करया करै था। उन दिनां म्ह यहोवा का वचन दुर्लभ था; अर दर्शन कम मिल्या करै था। 4 फेर यहोवा नै शमूएल ताहीं पुकारया; अर उसनै कह्या, "के हुकम सै!" 5 फेर उसनै एली कै धोरै दौड़कै कह्या, "के हुकम सै, तन्नै तो मेरे ताहीं पुकारया सै।" उसनै कह्या, "मन्नै न्ही पुकारया; अर कह्या, जा लेट जा।" तो वो जाकै लेट ग्या। 6 अर यहोवा नै फेर पुकारकै कह्या, "हे शमूएल!" शमूएल उठकै एली कै धोरै गया, अर कह्या, "के हुकम सै, तन्नै मेरे ताहीं फेर पुकारया।" उसनै कह्या, "हे मेरे बेट्टे, मन्नै न्ही पुकारया; अर कह्या, जा लेट जा।" 7 उस बखत तो शमूएल यहोवा नै न्ही जाणै था, अर ना यहोवा का वचन उस पर प्रगट होया था। 8 फेर तीसरी बार यहोवा नै शमूएल ताहीं पुकारया। अर वो उठकै एली धोरै गया, अर कह्या, "के हुकम सै, तन्नै तो मेरे ताहीं पुकारया सै।" तब एली नै समझ लिया के इस बाळक ताहीं यहोवा नै पुकारया सै। 9 ज्यांतै एली नै शमूएल तै कह्या, "जा लेट जा; अर जै वो तन्नै फेर पुकारै, तो तू कहिये, ‘हे यहोवा, कह, क्यूँके तेरा दास सुणण लागरया सै।’" फेर शमूएल अपणी जगहां पै जाकै लेट ग्या।
10 फेर यहोवा आ खड्या होया, अर पैहल्या की तरियां पुकारया, "शमूएल! शमूएल!" शमूएल नै कह्या, "कह, क्यूँके तेरा दास सुणण लागरया सै।"