13 यहोवा के भवन म्ह जो पीतळ के खम्भे अर कुर्सी अर पीतळ का हौद जो यहोवा के भवन म्ह था, इन ताहीं कसदी तोड़कै उनका पीतळ बाबेल म्ह लेगे। 14 हाँड़ियाँ, फावड़ियाँ, चिमट्यां, धूपदानां अर पीतळ के सारे बरतनां नै भी जिनतै सेवा पाणी होवै थी, वे लेगे। 15 कड़छे अर कटोरी जो सोन्ने की थी, अर जो कुछ चाँदी का था, वो सारा सोन्ना, चाँदी, अंगरक्षकां का प्रधान लेग्या। 16 दोन्नु खम्भे, एक हौद अर कुर्सी जिस ताहीं सुलैमान नै यहोवा के भवन कै खात्तर बणाया था, इन सारी चिज्जां का पीतळ तौल तै बाहर था। 17 एक-एक खम्भे की ऊँचाई अठारह-अठारह हाथ की थी अर एक-एक खम्भे के उप्पर तीन-तीन हाथ ऊँच्ची पीतळ की एक-एक कँगणी थी, अर एक-एक कँगणी पै च्यांरु और जो जाळी अर अनार बणे थे, वे सारे पीतळ के थे।
Publicidade